Wat Jesus Gesê Het Oor Die Armes, Behoeftiges en BarmhartigheidVoorbeeld

Die kerk se sewevoudige bediening van barmhartigheid

Lukas 4:18-19 — "Die Gees van die Here is op My omdat Hy My gesalf het om die evangelie aan armes te verkondig. Hy het My gestuur om vrylating vir gevangenes uit te roep en herstel van gesig vir blindes, om onderdruktes in vryheid uit te stuur, om die genadejaar van die Here aan te kondig."

Deur die eeue heen het baie kerke die verantwoordelikheid van die versorging van armes, behoeftiges en die gemarginaliseerde, tot sewe dinge gedefinieer. Dit word die "Sevenfold Mercy Ministry" genoem. Dit kom hoofsaaklik uit Matteus 25:34-46, maar ook ander verwysings in die Bybel.

1. Gee kos vir dié wat honger is.

2. Gee water vir dié wat dors is.

3. Gee klere vir dié wat naak is.

4. Gee beskutting vir die hawelose.

5 .Besoek die siekes.

6. Besoek die gevangenes.

7. Begrawe die dooies.

Hierdie dade van barmhartigheid en goedhartigheid maak mense se harte oop vir die evangelie. Hierdie riglyne gee Jesus eerstens omdat Hy medelye het met mense en daarom moet ons die mense wat Hy gemaak het, met groot deernis versorg. Deur die eeue het die kerk gesien dat wanneer die kerk die “ongelowiges” gehelp het om hulle dooies te begrawe, veral tydens groot pessiektes en natuurrampe, hulle baie oop was om na die evangelie te luister. Daarom het die kerk punt sewe bygevoeg.

Gehoorsaamheid: Hoe is jy betrokke by die behoeftes van ander mense? Vra die Heilige Gees om jou te wys hoe jy betrokke kan wees by 'n bediening wat omgee vir armes, behoeftiges, gebrokenes en verslaafdes — mense wat hulp nodig het.