Wat Jesus gesê het oor Homself as die Seun van GodVoorbeeld

Jesus was daar in die begin — en sal altyd daar wees

Hy is die Alfa en die Omega, die Een wat is en wat was en wat kom (Openbaring 1:8). Die bron van ewige saligheid (Hebreërs 5:9). Die Begin en Einde (Openbaring 22:13). Die Skepper van alle dinge (Kolossense 1:16). Die Skepper van die hele aarde (Jesaja 40:28). Die ware God (1 Johannes 5:20). Hy sal vir jou soos 'n ewige lig wees (Jesaja 60:19-20). Die Eerste en die Laaste (Openbaring 1:17). Hy wat alles in almal vervul (Efesiërs 1:23). Ewige Vader (Jesaja 9:6).

Die feit dat Hy van ewigheid tot ewigheid is, is die troos vir elkeen wat Hom aangeneem het as hulle Verlosser en Here. Soveel mense wil weet hoe oud die heelal is. Miskien 10 000 jaar, sê sommige, en ander sê 14 miljard jaar. Niemand weet regtig nie. Maar met groot sekerheid kan ons weet waar ons 14 miljard jaar van nou af sal wees!

Hierdie feit gee stabiliteit in die hart van 'n Christen, betekenis aan die lewe en bied ewige hoop. In Christus alleen het ons ewige hoop — Hy is die Een wat alles geskep het en die Een wat alles onderhou (Hebreërs 1:3).

Met wie kan jy praat oor wat jy oor Jesus ontdek? Kan jy dink aan iemand met wie jy kan deel wat jy hierdie week ontdek het?