<div class="version vid6 iso6393afr" data-vid="6" data-iso6393="afr">
 <div class="book bkACT">
 <div class="chapter ch3" data-usfm="ACT.3">
 <div class="label">3</div><div class="s1">Die genesing van die verlamde man</div><div class="p"> 1Een middag om drie-uur, die tyd van die gebed, was Petrus en Johannes op pad tempel toe. 2Net toe word daar 'n man aangedra wat van sy geboorte af lam was. Sy mense het hom elke dag by die tempelpoort wat Mooipoort genoem is, neergesit om by die tempelgangers te bedel. 3Toe hy vir Petrus en Johannes sien, net voor hulle in die tempel ingaan, het hy van hulle iets gevra. 4Petrus en Johannes kyk hom toe stip aan, en Petrus s&#234;: &#8220;Kyk na ons.&#8221;</div><div class="p"> 5Toe kyk die man na hulle in die hoop dat hy iets van hulle gaan kry. 6Maar Petrus s&#234;: &#8220;Geld het ek nie; maar wat ek het, gee ek vir jou: in die Naam van Jesus Christus van Nasaret, staan op en loop!&#8221;</div><div class="p"> 7Hy vat toe die man se regterhand en help hom op, en onmiddellik het sy voete en enkels sterk geword. 8Hy het opgespring en regop gestaan, en hy kon loop. Daarna het hy saam met hulle in die tempel ingegaan terwyl hy geloop en gespring en God geprys het. 9Al die mense het gesien dat hy loop en God prys; 10maar toe hulle besef dat dit hy is wat voor die tempel by die Mooipoort gesit en bedel het, was hulle baie verbaas en verwonder oor wat daar met hom gebeur het.</div><div class="s1">Petrus se toespraak in die Pilaargang van Salomo</div><div class="p"> 11Die man het vir Petrus en Johannes bly volg, en die mense wat almal uiters verbaas was, het na hulle toe gestroom in die Pilaargang van Salomo, soos dit genoem is. 12Toe Petrus dit sien, het hy hulle toegespreek:</div><div class="p">&#8220;Israeliete, hoekom is julle hieroor verbaas? Wat staar julle ons so aan asof ons deur ons eie krag of vroomheid gemaak het dat hierdie man loop? 13Die God van Abraham, die God van Isak, die God van Jakob, die God van ons voorvaders, het aan Jesus, sy Dienaar, goddelike eer gegee &#8211; aan Hom vir wie j&#250;lle uitgelewer en voor Pilatus verwerp het toe hy beslis het dat Hy vrygelaat moes word. 14Hy was heilig en opreg, maar j&#250;lle het Hom verwerp en gevra dat daar vir julle 'n moordenaar begenadig moet word. 15So het julle Hom, die Leidsman na die lewe toe, doodgemaak, maar God het Hom uit die dood opgewek, en daarvan is ons getuies. 16Deur die geloof in sy Naam het Hy die bene van hierdie man, wat julle sien en ken, sterk gemaak. Die geloof wat van Hom kom, het die man volkome herstel, hier voor julle almal.</div><div class="p"> 17&#8220;Nou weet ek, broers, dat julle net soos julle leiers in onkunde gehandel het. 18Tog het God reeds vroe&#235;r by monde van al die profete aangekondig dat die Christus sou ly. So het Hy dit nou laat gebeur. 19Daarom, bekeer julle en kom tot inkeer. Dan sal God julle sondes uitwis. 20En dan sal daar tye van verkwikking van die Here af kom en sal Hy Jesus stuur, wat vooraf vir julle as die Christus aangewys is. 21Hy moet in die hemel bly totdat God alles nuut gemaak het. Dit het God reeds lank gelede deur sy heilige profete ges&#234;. 22Moses het immers ges&#234;: &#8216;Die Here julle God sal uit julle eie geledere vir julle 'n Profeet soos ek laat voortkom. Gehoorsaam Hom in alles wat Hy vir julle sal s&#234;. 23Elkeen wat nie hierdie Profeet gehoorsaam nie, moet van die volk afgesny word.&#8217; 24En al die profete van Samuel af en daarna, almal wat opgetree het, het ook aangekondig wat in hierdie tyd gebeur. 25Die dinge waarvan die profete gepraat het, is vir julle bedoel, en julle het deel aan die verbond wat God met julle voorvaders gesluit het. Hy het vir Abraham ges&#234;: &#8216;Jou nakomeling sal vir al die volke van die aarde tot 'n se&#235;n wees.&#8217; 26Daarom het God sy Dienaar na die w&#234;reld toe laat kom en Hom heel eerste na julle toe gestuur om vir julle tot 'n se&#235;n te wees deur elkeen van julle van sy verkeerde paaie af terug te bring.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkACT">
 <div class="chapter ch4" data-usfm="ACT.4">
 <div class="label">4</div><div class="s1">Petrus en Johannes voor die Joodse Raad</div><div class="p"> 1Petrus en Johannes was nog besig om met die mense te praat toe die priesters, die bevelvoerder van die tempelwag en die Sadduse&#235;rs op Petrus-hulle afstorm. 2Die priesters en die ander was onthuts omdat die apostels die mense geleer het en verkondig het dat die opstanding uit die dood deur Jesus se opstanding 'n werklikheid geword het. 3Hulle het Petrus en Johannes gevange geneem, en hulle, omdat dit al laat was, in die tronk gesit tot die volgende m&#244;re. 4Tog het baie van die mense wat hulle prediking gehoor het, gelowig geword; en die getal gelowiges het aangegroei tot omtrent vyf duisend.</div><div class="p"> 5Die volgende m&#244;re het die raadslede, die familiehoofde en die skrifgeleerdes in Jerusalem vergader. 6Ook die ho&#235;priester Annas, en Kajafas, Johannes, Aleksander en al die ander lede van die ho&#235;priesterlike familie was teenwoordig. 7Hulle het die apostels voor hulle laat bring en hulle ondervra: &#8220;Deur watter krag en in wie se naam het julle dit gedoen?&#8221;</div><div class="p"> 8Toe het Petrus, vol van die Heilige Gees, vir hulle ges&#234;: &#8220;Raadslede van die volk, en familiehoofde, 9julle verhoor ons vandag oor 'n weldaad aan 'n siek man en oor hoe hy gesond gemaak is. 10Julle almal en die hele volk Israel moet weet dat dit in die Naam van Jesus Christus van Nasaret is dat hy hier gesond voor julle staan &#8211; di&#233; Jesus vir wie julle gekruisig het, maar wat God uit die dood opgewek het. 11Hy is</div><div class="b"></div><div class="q1">&#8220;die klip wat deur julle, die bouers, afgekeur is.</div><div class="q1">Juis Hy het die belangrikste klip in die gebou geword. </div><div class="b"></div><div class="m"> 12&#8220;H&#253; bring die verlossing en niemand anders nie. Daar is geen ander naam op die aarde aan die mense gegee waardeur God wil dat ons verlos moet word nie.&#8221;</div><div class="p"> 13Die Joodse Raad was verbaas toe hulle Petrus en Johannes se vrymoedigheid sien, want die Raad het geweet dit is maar ongeleerde en eenvoudige mense. Die raadslede het hulle ook herken as volgelinge van Jesus. 14En toe hulle nog boonop die gesonde man by die apostels sien staan, kon hulle niks teen hulle inbring nie. 15Die raadslede het hulle toe beveel om die raadsaal te verlaat en het die saak met mekaar bespreek.</div><div class="p"> 16&#8220;Wat gaan ons met hierdie mense maak?&#8221; het hulle gevra. &#8220;Dat 'n onmiskenbare wonder deur hulle plaasgevind het, is vir al die inwoners van Jerusalem duidelik. Ons kan dit nie ontken nie. 17Maar om te voorkom dat hierdie dinge nog verder onder die volk versprei, moet ons hulle met dreigemente verbied om weer in die Naam van Jesus met iemand te praat.&#8221;</div><div class="p"> 18Daarna het die Raad die apostels weer laat inkom en hulle beveel om glad nie verder in die Naam van Jesus iets te verkondig of te leer nie. 19Maar Petrus en Johannes het vir hulle ges&#234;: &#8220;Julle moet maar self besluit wat voor God reg is: om aan j&#250;lle gehoorsaam te wees of aan God. 20Wat ons betref, dit is onmoontlik om nie te praat oor wat ons gesien en gehoor het nie.&#8221;</div><div class="p"> 21Nadat die Raad die apostels daarby nog ernstig gedreig het, het hulle hulle losgelaat. Hulle het dit gedoen omdat hulle geen rede kon vind om hulle te straf nie en vanwe&#235; die houding van die volk, want al die mense het God geprys oor wat daar gebeur het. 22Die man wat deur hierdie wonder gesond geword het, was immers al oor die veertig.</div><div class="s1">Die gebed van die gelowiges</div><div class="p"> 23Nadat Petrus en Johannes losgelaat is, het hulle na hulle medegelowiges toe gegaan en vir hulle vertel wat die priesterhoofde en die familiehoofde alles vir hulle ges&#234; het. 24Toe hulle dit hoor, het hulle almal saam tot God gebid en ges&#234;: &#8220;Here, dit is U wat die hemel en die aarde en die see en alles wat daar is, gemaak het. 25En U het deur die Heilige Gees by monde van ons voorvader Dawid, u dienaar, ges&#234;:</div><div class="b"></div><div class="q1">&#8220;Waarom het heidennasies te kere gegaan,</div><div class="q1">en het volke sinlose planne beraam?</div><div class="q1"> 26Die konings van die aarde het in opstand gekom,</div><div class="q1">en die heersers het saamgespan</div><div class="q1">teen die Here en teen sy Gesalfde. </div><div class="b"></div><div class="m"> 27&#8220;Dit is wat werklik in hierdie stad gebeur het. Herodes en Pontius Pilatus het met heidennasies en die volk Israel saamgespan teen u heilige Dienaar, Jesus, wat deur U gesalf is, 28en hulle het alles gedoen wat U vooruit beskik en besluit het.</div><div class="p"> 29&#8220;En nou, Here, kyk hoe dreig hulle ons. Gee dat u dienaars met volle vrymoedigheid u woord sal verkondig. 30Laat u hand genesing bring, en laat daar tekens en wonders plaasvind deur die Naam van u heilige Dienaar, Jesus.&#8221;</div><div class="p"> 31Nadat hulle gebid het, het die plek waar hulle bymekaar was, geskud. Hulle is almal met die Heilige Gees vervul en het met vrymoedigheid die woord van God verkondig.</div><div class="s1">Onderlinge mededeelsaamheid</div><div class="p"> 32Die groot getal wat gelowig geword het, was een van hart en siel. Niemand het sy goed net vir homself gehou nie, maar hulle het alles met mekaar gedeel. 33Die apostels het kragdadig getuig dat die Here Jesus uit die dood opgestaan het, en die genade van God was groot oor hulle almal. 34Nie een van hulle het gebrek gely nie, want di&#233; wat grond of huise besit het, het dit verkoop en die verkoopprys daarvan gebring 35en vir die apostels gegee. Di&#233; het dit dan uitgedeel volgens elkeen se behoefte.</div><div class="p"> 36Josef 'n Leviet wat op Siprus gebore is en wat deur die apostels Barnabas genoem is &#8211; dit beteken iemand wat mense moed inpraat &#8211; 37het ook die grond wat hy gehad het, verkoop en die geld gebring en dit vir die apostels gegee.</div>
 </div>
 </div>
</div>

HandelingeVoorbeeld

Skrif

Aangaande hierdie leesplan

Verwante Leesplanne