ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Amba꞉ titina꞉ do kenke ya yaapo a̱i̱ na wepia wina꞉ leeke pita꞉ta꞉ mo hande Pita꞉ hao hayekeme. Ipikita꞉ Koda꞉ yaapo hao hayekepate Koda꞉ hayeke tupa꞉ kone ipiki make hayekeme.

Mo hande pa̱a̱ peaasa꞉ ekima꞉ta꞉ mo timba꞉ la꞉pa pula꞉ pa꞉ta꞉ pa̱a̱ peaasa꞉pate kone mo hande timba꞉ la꞉la꞉ ekima꞉ta꞉ pa̱a̱ pa꞉la꞉eki na honiao hala꞉me.

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Koda꞉ma꞉ leeke handaata꞉ mo hande Pima꞉ta꞉ ala꞉ta꞉ ala꞉ta꞉ paeyao wepia wina꞉ leekepate aleta꞉ ma꞉nda꞉siki kone Koda꞉ma꞉ ipika꞉ honumake hata꞉ na wepia wina꞉ leekeme. Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime. Ipikita꞉ ipika꞉ kenke teke nane epeekepate kone ipika꞉ wanda꞉halima꞉ ipiki na handa꞉ mimikime.

Mo hande pa̱a̱ pa꞉la꞉ ekita꞉ ota꞉eki yaalo hata꞉ kenke paeyao pa꞉ta꞉ a꞉paata꞉ wanda꞉hali paeyaona꞉ pa̱a̱ peao hala꞉me.

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.