ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

А нылӧ, кӧдна лэдзисӧ Сійӧ сьӧлӧманыс да веритісӧ Сылӧ, шуис лоны Енлӧн челядьӧн.

Медодз вӧлі Кыв. Кылыс вӧлі Енкӧт. Кылыс вӧлі Ен.

Югытыс пемытсӧ югдӧтӧ. Пемытыс югытсӧ эз пӧдты.

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Быдӧс, мый эм, керӧм Сы пыр. Сытӧг нем эз вӧв керӧм. Сыын вӧлі олан. Сія оланыс вӧлі отирсӧ Югдӧтан.

Мӧд лунас Иоаныс казяліс сы дынӧ локтісь Исуссӧ да шуис: «То Енлӧн Дзельыс! Сія босьтӧ отирлісь умӧль керӧммесӧ Ас вылас.

Сія вӧлі му вылас. Му вылісьыс быдӧс вӧлі керӧм Сы пыр, но му вылісь отирыс Сійӧ эзӧ тӧдӧ. Сія локтіс Аслас отир дынӧ, нія тай Сійӧ абутӧм туйӧ пуктісӧ.

Сія вӧлі былись Югытыс, быд мортсӧ Югдӧтісьыс, Кӧда локтіс му вылас.

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.