Атрымаць прыкладаннеШалёная Любоў з Фрэнсісам ЧанамУзор
“Пакіньце маліцца”
Што б вы падумалі, калі б я сказаў: “Пакіньце маліцца”? Што б вы падумалі, калі б я сказаў вам перапыніць ненадоўга вашыя размовы з Богам і замест таго гэтак доўга і пільна паглядзець на Яго перад тым, як нешта прамовіць? Саламон папярэджваў нас не сьпяшацца казаць слова перад Богам. Тое робяць неразумныя людзі. І часта мы таксама тое робім.
Mудры чалавек прыходзіць да Бога, ня кажучы ані слова, і стаіць перад Ім у трымценьні. Дзівіцца на нябачнага Бога можа падацца безнадзейным намаганьнем. Але Рымлянаў 1:20 кажа нам, што, гледзячы на тварэньне, мы разумеем Ягоныя нябачныя ўласьцівасьці і Ягоную боскую натуру.
Пачнем чытаць гэты плян з пазіраньня на Бога ў цішыні. Паглядзеце гэтае відэа.
Ці бракуе вам слоў? Ці ўразіла вас тое, што ўбачылі? Ці адчулі вы сваю нязначнасьць?
Калі я ўпершыню ўбачыў тыя выявы, я ня змог не пакланіцца. Я не адчуў жаданьня размаўляць ці дзяліцца тым з кімсьці. Я папросту хацеў ціха сядзець і дзівіцца на Творцу.
Р. Ч. Спраўл піша: “Людзей ніколі належным чынам ня ўражвае іхняя нязначнасьць, пакуль яны не супрацьпаставяць сябе велічы Бога.
Як даўно вы папросту разважалі над веліччу і магутнасьцю Бога? Якім чынам вы можаце зрабіць гэтую пашану і трымценьне часткай вашага штодзённага жыцьця?
І ў заключэньне, паглядзеце гэтае відэа і падумайце пра тыя меркаваньні, што прапануе вядучы:
Сьвятое Пісьмо
Аб гэтым плане
Плян узяты з кнігі "Crazy Love" Фрэнсіса Чана. У ёй аўтар нырае ў надзвычайна шалёную любоў, якую мае да нас Бог, і адначасова паказвае, якой мусіць быць нашая адпаведная рэакцыя на такую любоў. Але Фрэнсіс Чан не спыняецца на гэтым. Ён заклікае чытача паразважаць над веліччу Бога ды над калясальнай розьніцай паміж Ягонай спрадвечнай велічнасьцю і нашым часовым жыцьцём на гэтай зямлі.
More
