Шалёная Любоў з Фрэнсісам ЧанамУзор

Калі вы закаханыя

Ці сустракаўся вам калісь чалавек, які быў цалкам і поўнасьцю закаханы ў Ісуса? Мне сустракаўся. Баба маёй жонцы Кляра.

Штораніцы Кляра cхіляла калені каля свайго ложку і праводзіла каштоўныя гадзіны са сваім Збаўцам і Каханкам. Пазьней у той жа дзень адзін погляд на той куточак ложку прыносіў ёй сьлёзы радасьці. Яна ўсім сэрцам чакала наступнай раніцы, каб ізноў схіліць калені ў Ягонай прысутнасьці.

Баба Кляра паводзіла сябе з Богам так, як мы паводзім сябе зь людзьмі, якіх мы шалёна кахаем.

Калі вы сапраўды закаханыя, вы робіце ўсё магчымае, каб быць з чалавекам, якога кахаеце. Вы праводзіце гадзіны ў дарозе, каб пабачыць адзін аднога, хоць можа й ненадоўга. Вы ня супраць таго, каб пайсьці спаць пазьней, каб толькі пагутарыць з каханым чалавекам. Шпацыр пад дажджом вам не падаецца непрыемным, а наадварот, рамантычным. Вы ахвотна траціце нямала грошай на чалавека, у якога вы шалёна закаханыя. Калі вы ня разам, вам балюча, нават жаласна. Ён ці яна — гэта ўсё, аб чым вы думаеце; вы хапаецеся за любую магчымась пабыць разам.

У сваёй кнізе “Бог — гэта Эвангельле” Джон Пайпэр пераважна пытаецца, ці мы закаханыя ў Бога:

“Найсур’ёзьнейшым пытаньнем для нашага пакаленьня — і для кожнага пакаленьня — ёсьць наступнае: Калі б вы маглі мець неба, дзе не было б хваробы; дзе былі б усе вашыя зямныя сябры; уся ежа, якая вам найбольш падабаецца і ўсе актыўнасьці, што любіце рабіць у вольны час; усе прыхажосьці прыроды, што вы кальсь пабачылі; усе фізычныя асалоды, што вы некалі пакаштавалі; дзе не было б канфліктаў паміж людзьмі альбо стыхійных бедстваў — ці задаволіла б вас неба, калі б Хрыстос там адсутнічаў?”

Колькі з вас, прачытаўшы тыя словы, скажуць: “Ведаеш, я думаю яно б задаволіла мяне”? Але ж калі вы шалёна закаханыя ў Хрыста, як баба Кляра, вы ведаеце, што рай без Хрыста вас ніколі не задаволіў бы.

Ці сустракаўся вам калісьці чалавек, які быў цалкам і поўнасьцю закаханы ў Бога? Калі маеце магчымасьць, патэлефануйце яму ці ёй сёньня, і паразмаўляйце аб вашых адносінах з Госпадам і аб тым, як вы маглі б павялічыць вашую любоў да нашага Збавіцеля.

У заключэньне, паглядзеце гэтае відэа ды паразважайце, пра што там ідзе размова: