Шалёная Любоў з Фрэнсісам ЧанамУзор

“Шалёная любоў”

Калі вы правялі хоць колькі часу ў царкве, вы, пэўна, чулі так ці інакш, што Бог нас любіць. Я меў з гэтым праблему, бо гэная ідэя была толькі паняцьцем, якому мяне навучылі, а ня чымсьці такім, што я асабіста адчуваў. Я шмат гадоў “меў” Божую любоў у маёй галаве, даваў правільны адказ на тэсьце “Які ёсьць Бог?”, але не разумеў таго поўнасьцю.

Я ня думаю, што я адзіны чалавек, які сьпярша няправільна разумеў Божую любоў. Большасьць з нас у пэўнай ступені мае цяжкасьці зь верай, разуменьнем, альбо прыняцьцем абсалютнай ды неабмежаванай Божай любові да нас.

На маё шчасьце, мае адносіны з Богам рэзка перамяніліся, калі я сам стаў бацькам. Пасьля нараджэньня маёй першай дачкі я пачаў бачыць, наколькі я памыляўся ў маім разуменьні Бога. Упершыню я адчуў тое, што я думаю Бог адчувае да нас. Я часта думаў пра маю дачку. Я маліўся за яе, калі яна спала ўначы. Я паказваў яе фатаграфіі ўсім, хто пагаджаўся глядзець. Я хацеў падараваць ёй увесь сьвет.

Мая ўласная любоў і жаданьне адчуць любоў маіх дзяцей былі настолькі моцнымі, што тое дапамагло мне зразумець наколькі моцна Бог жадае і любіць нас. Тое, як мая дачка выказвае сваю любоў да мяне, а таксама яе жаданьне быць са мной — гэта найдзіўнейшая рэч. Нішто ня можа параўнацца з адчуваньнем таго шчырага і празьмернага жаданьня дзяцей быць побач з бацькамі.

Праз гэты досьвед, я зразумеў, што мая прага да маіх дзяцей — толькі слабае адбіцьцё любові, якую мае Бог да мяне і да кожнага чалавека, што Ён стварыў. Я толькі зямны, грэшны бацька, але да болю люблю маіх дзяцей. Як я мог не давяраць нябеснаму, беззаганнаму Бацьку, які любіць мяне бязьмежна больш, чым я калісь змагу палюбіць маіх дзяцей?

Ці верыце вы ў Божую любоў да вас асабіста? Што вы можаце зрабіць, каб дапамагчы перамясьціць гэтае веданьне з вашай галавы ў вашае сэрца?

У заключэньне, паглядзеце гэтае відэа ды падумайце, пра што там ідзе размова: