Шалёная Любоў з Фрэнсісам ЧанамУзор

“Вашае найлепшае жыцьцё… Пазьней”

Вы, напэўна, ужо зразумелі, што мусіце зрабіць адметны выбар: пусьціць жыцьцё на самаплыў, — што па сутнасьці ёсьць тое ж самае, што і прапанаваньне аб’едкаў Богу — альбо актыўна бегчы насустрач Хрысту.

Ці ўсьведамляеце вы, што шукаць задавальненьня незалежна ад Бога — неразумна? Ці разумееце, што немагчыма дагадзіць Богу інакш, акрамя як скарыўшыся Яму ад усяго сэрца? Ці асэнсоўваеце прыгажосьць і глыбокую радасьць, што мы можам мець ад сапраўднай блізкасьці з Богам — нашым Айцом і Сябрам? Ці прагнеце вы бачыць Бога больш, чым прагнеце мець бясьпеку?

Магчыма, вы адказалі “так” на гэтыя пытаньні, але дагэтуль дзівіцеся, што гэта значыць і якія ёсьць альтэрнатывы плаваньню па цячэньню. Я прывяду адзін прыклад.

Як бы зьмянілася вашае жыцьцё, калі б вы пачалі абыходзіцца з кожным чалавекам, зь якім вы сустракаецеся, нібыта ён ці яна — Хрыстос? Вунь з тым чалавекам наперадзе, які кіруе немагчыма павольна; з касіркай у магазіне, якой, здаецца, больш цікава пагутарыць, чым разьлічыць вас; са сваяком ці сваячкай, зь якімі вы ня можаце паразмаўляць без раздражненьня?

У Мацьвеі 25 Ісус дабраслаўляе некаторых людзей за тое, што яны ўчынілі. Зьбянтэжаныя тым, яны пытаюцца: “Госпадзе! калі мы бачылі Цябе галоднага і накармілі? Альбо сасьмяглага і напаілі? Калі ж мы бачылі Цябе падарожнага і прынялі? Альбо голага і адзелі? Калі ж мы бачылі Цябе хворага, альбо ў цямніцы, і прыйшлі да Цябе?” Ягоны адказ надта ўражвае: “Праўду кажу вам: як што зрабілі вы гэта аднаму з братоў Маіх меншых, дык зрабілі Мне.” Ісус вучыць, што калі мы праяўляем клопат аб бедняках ды пакутніках, мы паказваем сапраўдную любоў да Бога. Ён жадае, каб мы ставіліся да бедных і да даведзеных да роспачы людзей так, нібыта яны — Сам Хрыстос.

Ці абыходзіцеся вы зь людзьмі, якіх бачыце штодня, так, нібыта яны Хрыстос? Ці дбаеце вы аб “братах Яго меншых” нават сабе на шкоду? Якім чынам вы можаце перапраграмаваць вашае сэрца ды розум, каб пачаць бачыць магчымасьці для распаўсюджваньня Хрыстовай любові?

У заключэньне, паглядзеце маё відэа, у якім гаворыцца трохі больш на гэтую тэму:

Ці спадабаўся вам гэты плян? Калі так, заходзьце сюды