Дзяліцца Ісусам з УпэўненасцюУзор

Упэўненасць, каб Дзяліцца

Імітацыя – гэта не толькі форма ліслівасці, але і спосаб, якім дасягаюцца многія вялікія мэты. Калі мы бачым, як іншыя робяць нешта вялікае, мы імкнемся зрабіць тое ж самае. Калі гаворка ідзе пра адносіны з Ісусам, усё гэтак жа. Больш за тое, Біблія кажа нам, што мы павінны мець такі ж лад мыслення, як Ісус. Следаванне за Ісусам – гэта не проста словы, а наш штодзённы лад жыцця. Калі мы павінны жыць так, як жыў Ісус, як дакладна гэта выглядае?

Ён быў не толькі добрым чалавекам і выдатным суседам, які імкнуўся як мага часцей хадзіць у храм. Ён асабліва вылучаўся тым, што дагаджаў Айцу і клапаціўся пра людзей. Ён быў асабліва засяроджаны на тых, хто згубіўся і верыў толька ў зямныя рэчы.

Ісус спачувае згубленым, і каб жыць, як Ён, мы павінны мець такое ж сэрца.

Шукаць і збаўляць згубленых, што значыць актыўна рухацца насустрач згубленым людзям – вось для чаго прыйшоў Ісус і да чаго закліканыя і мы. Бачыць згубленых вакол нас лёгка, але шукаць іх так, як гэта рабіў Ісус, - гэта сапраўдны выклік.

Падумай пра тое, як мы шукаем згубленыя ключы ад машыны, кашалёк ці сумку. Пошук становіцца нашым галоўным прыярытэтам. Усё астатняе на час пошукаў становiцца неiстотным, бо для большасці з нас жыццё без іх як бы спыняецца. Мне часта даводзілася губляць і нават цалкам страчваць і кашалёк, і ключы ад машыны. Без наяўных грошай або банкаўскіх карт страчваеш магчымасць купляць што заўгодна.

У наш час пошук згубленага тэлефона становіцца сапраўднай місіяй! Узнікае адчуванне націску, бо цяжка ўявіць, як можна пражыць дзень без яго. Ты пачынаеш успамінаць кожны свой крок, і кожная дэталь мае значэнне. Большасць інструментаў для пошуку тэлефона таксама знаходзяцца на ім. Звычайна ў пошуку табе патрэбна дапамога іншых людзей, але, вядома, ты не можаш ім патэлефанаваць. І хутчэй за ўсё, ты так i не запомнiў іх нумары тэлефона. Таму табе даводзіцца у прамым сэнсе шукаць таксама і іх.

Сёння я спадзяюся, што мы, як Царква, зноў звернемся да слоў Ісуса і прымем Яго місію — шукаць і збаўляць згубленых, жывучы так, як Ён нас заклікаў. Мы не можам рабіць гэта выпадкова, як быццам проста робім пакупкі, мы павінны дзейнічаць мэтанакіравана, што больш падобна на пошук згубленага тэлефона.

Я малюся, каб ты знайшоў упэўненасць у тым, як дзяліцца сваёй верай, прачытаўшы мой заклік да цябе. Маё наступнае спадзяванне ў тым, што дзялiцца Ісусам стане місіяй, якая вызначае цябе як асобу. Вакол нас безліч згубленых людзей, таму давай, наперад! Пачнем шукаць іх і расказваць ім гісторыю Ісуса Хрыста — адзінага, хто можа іх збавiць!