Дзяліцца Ісусам з УпэўненасцюУзор

Упэўненасць у прызначэннi

Пасля таго, як Павел тлумачыць рымлянам, што калі яны будуць верыць і вуснамі прызнаваць Ісуса за Госпада, то будуць збаўлены, ён задае наступныя пытанні: Як жа можна прызываць таго, у каго не паверылі? Як можна паверыць у таго, пра якога не чулі? Як пачуць без прапаведніка? І як прапаведаваць, калі не будзе пасланых?

Некаторыя могуць адкрыта адхiлiць гэта пасланне, але многія проста ніколі не чулі Добрай Навіны. Хтосьці павінен ім пра яе расказаць. Чаму б гэта зрабіць не табе?

Быць прапаведнікам Евангелля прызначана ўсім, хто называе сябе вучнямі Хрыста. Калі мы ўпэўнены ў тым, хто мы ёсць і ў тым, каму мы належым, Добрая Навіна будзе струменіць з нас часта і лёгка. Калі мы падрыхтаваныя, гаварыць пра Ісуса становіцца значна прасцей. Калі мы зразумеем, што істотная змена ў жыцці чалавека можа быць выклікана ўсяго адной размовай, мы будзем імкнуцца выкарыстоўваць усе магчымасці для такіх размоў. Мы нават самi пачнем ствараць такія магчымасці.

Твая роля — апавядаць пра Евангелле і сеець яго зерні. Бог зробіць усё астатняе. Не ўспрымай асабіста, калі нехта цябе не прымае або цалкам адхіляе. Ісус нават сказаў, што калі Яго адхіляюць, то вас таксама будуць адхіляць. Але гэта робіць моманты, калі людзі прымаюць Евангелле, яшчэ мацнейшымі.

Адно з запланаваных на сёння чытанняў — гэта размова паміж Філіпам і эфiопскім еўнухам, калі Філіп падарожнічаў, шукаючы магчымасці падзяліцца Добрай Навінай пра Ісуса. Звярніце ўвагу на ўпэўненасць Філіпа пры размове, нягледзячы на тое, што гэта была надзвычайная сітуацыя з незнаёмым чалавекам. Ён данёс Добрую Навіну незнаёмаму чалавеку з іншай краіны, і стаў часткай таго, як гэты чалавек знайшоў свой шлях да Ісуса.

Некалькі гадоў таму я зрабіў невялікае даследаванне пра Эфіопію. Сёння найбольш распаўсюджаная рэлігія там — хрысціянства, і 63% з 113 мільёнаў чалавек лічаць сябе вернікамі Ісуса Хрыста. Гэта вялікая колькасць людзей!

Гэтая гісторыя ў кнізе Дзеяў Апосталаў можа быць тым месцам, дзе для гэтай краіны пачалася гiсторыя хрысцiянства– дзякуючы Філіпу, які быў пасланы падзяліцца Евангеллем. Філіп быў накіраваны да незнаёмага чалавека, які не мог зразумець, што чытае. Адказы Філіпа на яго пытанні змянілі яго жыццё назаўсёды і аказалі ўплыў на гісторыю мільёнаў людзей у яго роднай краіне, як гэта бачна сёння.

Пастаў перад сабой мэту лепш пазнаць Ісуса. Папрасі Бога ўзмацніць тваю любоў да Яго Слова. Задавай смелыя пытанні пра веру ў размовах з іншымі. Стань вядомым сваёй актыўнай дзейнасцю па распаўсюджванні Добрай Навіны пры кожнай магчымасці, будучы пад кіраўніцтвам Ісуса.