Дзяліцца Ісусам з УпэўненасцюУзор

Упэўненасць у Хрысце

Ён прыйшоў на зямлю каля дзвюх тысяч гадоў таму і заявіў, што з'яўляецца праваднiком да Бога. Вось чаму адносіны з Ім — гэта ключ да ўсяго.

Ісус з'яўляецца як чалавекам, так і Богам, або Богам у чалавечым абліччы. Ісус называе Бога Айцом, паказваючы людзям, што Яго прыход на зямлю заўсёды быў часткай Божага плана для чалавецтва. Гэты план патрабаваў найвышэйшай ахвяры, бо Ісус павінен быў аддаць Сваё жыццё за нашы правіны, або, як гаворыцца ў Бібліі, грахі. Яго ахвяра з'яўляецца крыніцай нашай надзеі i натхняе нас на новы, ахвярны, лад жыцця.

Памятай, што Ісус прыйшоў на зямлю менавіта дзеля таго, каб шукаць і збаўляць. Збаўляць ад грахоў, што аддзяляюць нас ад Бога. Гэта не дзіўная рэлігійная ідэя, бо штодня людзі аказваюцца ізаляванымі ад грамадства праз свае ўчынкі, злачынствы ці грахі. Шматлікія правіны могуць аддзяліць нас ад грамадства, але любы грэх, які парушае Божы закон, аддзяляе нас ад Яго царства па-за межамі зямнога свету.

Дрэнная навіна ў тым, што мы ўсе падпадаем пад катэгорыю грэшнікаў; добрая ж навіна — Ісус прыйшоў, каб збавiць нас усіх. Ёнпрыйшоў, каб адшукаць і збавiць тых, хто выбраў Яго. Яго пошукі адбываліся праз размовы з людзьмі. Ён шукаў тых, хто дазволіў сябе знайсці: тых, хто меў веру і быў гатовы слухацца.

Першая частка Евангелля — гэта смерць Ісуса за нашы грахі. Мы ведаем, што за вялікую памылку заўсёды трэба заплаціць цану. Гэта зразумелая для нас ідэя. Мы ўсе часам робім памылкі. Мы парушаем закон. Мы парушаем давер. Мы кажам страшныя рэчы. Мы не дасягаем ідэалу.

Уся наша сістэма грунтуецца на выпраўленні нашых памылак: праваахоўныя органы, суды, інкасатары, сямейныя кансультацыі, размовы з начальнікам, сустрэчы з дырэктарам школы і гэтак далей. Мы плацім цану за свае памылкі. Часам за нашы памылкі даводзіцца плаціць і іншым. Аднак вынікам заўсёды павінна быць прабачэнне. Без прабачэння мы наогул не зможам мець глыбокія і важныя адносіны. Дзякуючы прабачэнню, муж і жонка застаюцца разам, сямейныя традыцыі працягваюцца, а сябры любяць і падтрымліваюць адзін аднаго як у добрыя часы, так і ў цяжкія.

Ісус прапануе прабачэнне тым, хто выбірае мець з Ім адносіны. Мы атрымліваем збавенне не таму, што Ён існуе. Мы павінны самі вырашыць мець адносіны з Ім.

Калі ты выбіраеш мець гэтыя адносіны з Ісусам, ты становішся адзіным з Ім.