Дзяліцца Ісусам з УпэўненасцюУзор

Упэўненасць у Працэсе

Ісус абяцаў, што Святы Дух з’явіцца, калі Ён пакіне зямлю. Евангеллі ад Матфея, Марка, Лукі і Яна апісваюць жыццё Ісуса ад нараджэння да смерці і ўваскрасення. У кнізе Дзеяў Апосталаў мы чытаем, што Ісус узыходзіць на неба і з’яўляецца Святы Дух! Пётр падымаецца і звяртаецца да вялікай колькасці людзей, каб абвясціць Евангелле і паведаміць ім, што Святы Дух будзе жыць у кожным, хто пойдзе за Ісусам.

Пётр быў з Ісусам падчас Яго служэння і чуў, што Госпад казаў і распавядаў людзям. Цяпер ён шчыра імкнуўся да таго, каб людзі знайшлі збавенне. Ёнбыўцалкампадрыхтаваныадказацьнаўсепытаннi прасваюнадзеюўІсусе. Ён абвясціў ім, што Ісус заплаціў за іх грахі і памылкі сваёй ахвярай, маючы на ўвазе, што многія з іх маглі бачыць Ісуса на крыжы.

Пётр дакладна растлумачыў, што трэба рабіць. Ён сказаў людзям пакаяцца і прыняць хрышчэнне.

Пакаяцца азначае змяніцца — змяніць напрамак. Гэта значыць выбраць святасць, калі ты знаходзішся ў граху. Пакаяўшыся, мы уваходзiм у новае жыццё і пачынаем прыносіць плады Святога Духа. Пакаянне — гэта больш, чым проста словы; гэта лад жыцця.

Хрышчэнне (баптызм) азначае проста апусканне ці пагружэнне ў ваду. Ян Хрысціцель таксама звязваў гэтыя два дзеянні як падрыхтоўку да служэння Ісуса. Цяпер iПётр прапануе гэты шлях пераменаў. Ён не дае падрабязных тлумачэнняў, але заахвочвае новых вернікаў прыняць хрышчэнне пасля пакаяння.

Як і Ісус памёр, быў пахаваны і ўваскрос з мёртвых, так і мы імітуем Яго ў паслухмянасці Евангеллю. Старае прайшло, новае нарадзілася. Напоўненыя Духам Божым, мы не працягваем грашыць дзеля атрымання Божай ласкi, бо мы памерлі для старога жыцця і цяпер прыносим новыя плёны.

Калі Дух Божы жыве ў нас, няма асуджэння за нашыя грахі — мінулыя, цяперашнія або будучыя. Мы больш не падлягаем асуджэнню да духоўнай смерці. Мы атрымалі новае жыццё! Гэта Добрая Навіна пра Ісуса Хрыста, якая была патрэбна людзям у мінулым і якая патрэбна нам таксама i сёння!

Ты, аднак, знаходзішся не ў царстве цела, а ў царстве Духа, калі Дух Божы сапраўды жыве ў табе. Калі ж хто не мае Духа Хрыста, той не належыць Хрысту.

Мы можам удзельнічаць у пошуку і збавенні згубленых, пачынаючы размовы, задаючы пытанні і высвятляючы, дзе людзі знаходзяцца ў сваіх адносінах з Богам. Давайце дапаможам людзям атрымаць збавенне!