Каласянам: 4-Дзённы План ЧытанняУзор

Некаторыя кіраўнікі раз’ядноўваюць царкву ў Калосах, сцвярджаючы, што Евангелле апостала Паўла занадта простае. Калі каласяне жадаюць спазнаць сапраўдную паўнату Бога і вызваліцца ад амаральнага мінулага, ім трэба звярнуцца да рэлігійных традыцый вакол іх. Але Павел зноў і зноў нагадвае, што ўсё, што патрэбна для жыцця ў Ісусе і свабоды ад амаральнасці, ужо дадзена ім праз Ісуса.

Адна з груп у Калосах сцвярджае, што зварот да іншых духоўных сіл, акрамя Ісуса, забяспечыць больш поўнае духоўнае жыццё. Павел папярэджвае, што гэта можа прывесці да траплення пад уплыў больш ці менш злых духоўных сіл. Больш за тое, паўната Божай сілы і ўлады ўжо дадзена каласянам. Ісус жыве ў іх сэрцах, і няма патрэбы звяртацца да іншых духоўных практык, каабглыбей спазнаць Бога.

Некаторыя юдэйскія лідары лічылі, што абразанне з'яўляецца доказам таго, што вы «адсеклі» свае грахі перад Богам. Але Павел кажа, што Ісус ужо здзейсніў большае абразанне. Наша цела было пахавана разам з Ісусам праз хрост, і ўсё злое, што было ў нас, засталося ў магіле, калі Бог уваскрасіў нас. Злое ў нас адсякаецца не нажом, а крыжам Ісуса. Бог нас ужо прабачыў, і няма неабходнасці нешта Яму даказваць.

Іншыя сцвярджалі, што «добрыя» хрысціяне трымаюцца кашрута і адпачываюць у Суботу. «Сапраўдныя» хрысціяне маюць пэўныя палітычныя погляды. «Сапраўдныя» хрысціяне практыкуюць пост і маюць духоўныя бачанні. Але Павел адзначае, што гэтыя рэчы могуць здавацца мудрымі, але ў выніку яны толькі падзяляюць нас і не могуць вызваліць ад мінулых грахоў або прынесці Божую паўнату. Акрамя таго, тое, што людзi шукаюць у палітыцы, законах Суботы і бачаннях, ужо ім дадзена. Уваскрасенне Ісуса пазбавіла палітычную ўладу яе сілы. Субота — гэта пра Ісуса. Бачанні не змогуць нас змяніць, але Ісус як Галава царквы можа аднавіць нас у свой вобраз.

Замест таго, каб звяртацца да чалавечых філасофій, уладаў і традыцый, народ Божы павінен узносіць вочы да ўваскрослага Ісуса, які сядзіць на нябёсах, і дбаць пра сваё новае жыццё ў Ім. Толькі Ісус дае Свайму народу свабоду і паўнату. Каласяны ўжо маюць жыццё на нябёсах разам з Ісусам, што азначае, што яны ўжо маюць усё неабходнае, каб адкінуць зямное і набыць новую тоеснасць адноўленых людзей. Замест зайздрасці і раздзяленняў у сэрцы, яны могуць апрануцца ў дабрыню і прабачэнне. Для духоўнай паўнаты і свабоды ад мінулай амаральнасці ім патрэбен толькі Ісус.

Павел заканчвае гэтую частку свайго ліста заклікам каласянаў да адзінства. Настойваючы, што паўната Бога і свабода ад зла даюцца толькі праз Ісуса, Павел спрыяе адзінству сярод людзей, якім звычайна цяжка знайсцi паразуменне. У Ісусе няма юдэйскага і неюдэйскага спосабу дагадзіць Богу. Абразанне або яго адсутнасць не даказваюць нашай вернасці Богу. Ёсць толькі Ісус. У Ім мы паміраем, і ў Ім усе ўваскрасаем.

Крыж і ўваскрасенне Ісуса стварылі новы глабальны і міжнародны народ Божы, аб'яднаны агульнай надзеяй на тое, што толькі Ісус дае ім паўнату і свабоду. Чым больш мы дазволiм гэтай ісціне жыць у нас і будзем дзяліцца ёю з іншымі, тым больш мы будзем аб'яднаны ў падзячнасці Богу, які збавіў нас усіх.

Няма нічога кепскага ў тым, каб прытрымлівацца кашэру або адпачываць у Суботу. Няма нічога дрэннага ў жаданні, каб вашы сябры больш глыбока спасцігалі Бога праз пост ці духоўныя перажыванні. Няма нічога няправільнага ў тым, каб падтрымліваць і адстойваць пэўныя палітычныя погляды. Няправільна вучыць або паводзіць сябе так, нібыта вашыя перакананні могуць даць большую свабоду і паўнату, чым крыж Ісуса. Такое пачуццё перавагі не дазваляе дасягнуць адзінства. Збавёныя Божай ласкай у Ісусе павінны рабіць усё дзеля Госпада, які іх аб'ядноўвае. І дзякуй Богу, што нас збаўляе сіла Ісуса, а не нашыя асабістыя перакананні.

Я малюся, каб Святы Дух адкрыў твае вочы на Бога, які даў нам Ісуса. І няхай Ісус адкрыецца табе як адзіны, хто можа даць паўнату Бога і свабоду ад грахоў.