Каласянам: 4-Дзённы План ЧытанняУзор

Апостал Павел заканчвае свой лiст да каласянаў некалькімі асабістымі паведамленнямі, якія падкрэсліваюць тры асноўныя моманты, згаданыя ім раней.

Некалькі радкоў таму Павел заклікаў рабоў служыць ахвотна, быццам яны служаць Ісусу. А гаспадарам нагадаў, што яны самі з'яўляюцца рабамі свайго Гаспадара, Бога. Затым ён знаёміць іх з Ціхікам, сваім памочнікам, і са збеглым рабом па імені Анісім. Вернікі ў Калосах збіраліся ў доме гаспадара Анісіма і ведалі пра яго ўцёкі. Тым не менш, Павел заклікае царкву прыняць Анісіма як брата, нягледзячы на тое, што Анісім добраахвотна вярнуўся ў статусе раба. Такім чынам, Павел заклікае каласянаў да ахвярнай сямейнай любові ў сітуацыях, дзе звычайна чакалася б кара.

Раней Павел пераканаўча тлумачыў, што для Бога няма юдэйскага або неюдэйскага спосабу дагадзіць Яму. Усе людзі — стварэнні Бога, і ўсе яны атрымліваюць збаўленне толькі праз Ісуса. Таму Павел пералічвае імёны трох юдэяў і трох грэкаў, якія з'яўляюцца яго супрацоўнікамі, і перадае іх прывітанні. Гэты спіс з шасці імёнаў нагадвае каласянам, што яны з'яўляюцца часткай плана Ісуса па аб’яднанні ўсіх людзей у Яго збаўленні.

У сваім пасланні Павел падкрэслівае важнасць сталення каласянаў у вучэнні Ісуса. Павел упэўнены, што, паглыбляючыся ў пасланне Ісуса, каласяны спазнаюць паўнату Бога і будуць жыць, як Ісус. Таму Павел асабліва адзначае Эпафраса, заснавальніка царквы ў Калосах. Эпафрас наведаў Паўла ў вязніцы, каб падтрымаць яго і запытацца парады адносна сваёй царквы. Павел заўважыў глыбокую любоў Эпафраса да каласянаў і яго шчырыя малітвы аб тым, каб яны сталелі ў сваёй адданасці Ісусу. Як апостал, Павел нёс гэтую адказнасць разам з Эпафрасам. Згадваючы малітву Эпафраса ў канцы ліста, Павел падкрэслівае важнасць сталення і нагадвае каласянам пра неабходнасць паглыблення ў ісціну і жыццё Ісуса.

Сталы хрысціянін ведае, што толькі Ісус збаўляе, і праяўляе ахвярную любоў нават тады, калі мае права патрабаваць адплаты. Жыць згодна з гэтымі ўрокамі складана, але кніга Каласянаў заканчваецца надзеяй, што сталенне ў веры Ісуса з’яўляецца рэальным.

Мы можам спадзявацца на сталенне ў Богу дзякуючы ўсяму, што Павел напісаў да гэтых асабістых пасланняў. Паўната Божай сілы жыве ў нас. Усё старое, мёртвае і грэшнае ў нас было прыбіта да крыжа. Мы цалкам прабачаны за нашыя мінулыя правіны. Аганьба, якаячакаланасз-занашыхграхоў, страціласілу, боўІсусенашыпрыніжэнністановяццамомантаміўваскрасення.

У Ісусе ты сталееш дзень за днём і крок за крокам, ператвараючыся ў вобраз Ісуса. Будзь упэўнены: ты сталееш кожны раз, калі ўспамінаеш, што Ісус зрабіў для цябе. Ты ўжо не той, кім быў раней. Нават калі табе здаецца, што нічога не змянілася і што ты такі ж, як тры гады таму, гэта не так. Калі ты трымаеш вочы на Ісусе, Ён абяцае, што будзе весці цябе да сталасці.

Я малюся, каб Святы Дух адкрыў табе Бога, які змяняе. І няхай Ісус дапамагае табе сталець у Яго вобраз кожны раз, калі ты ўспамінаеш аб тым, што Ён зрабіў для цябе.