1 Пятра: 5-дзённы План ЧытанняУзор

Хрысціянскія жонкі, рабы і грамадзяне церпяць з-за сваёй вернасці Ісусу. Найпрасцей было б адпомсціць. Але Пётр вучыць, што лепш пакутаваць за дабро, чым адплочваць злом. У рэшце рэшт, народ Божы закліканы быць дабраславеннем для свету, а не праклёнам. Цытуючы Псалом 34, Пётр кажа, што добрае жыццё чакае толькі тых, хто адварочваецца ад зла. Цытуючы Ісуса, Пётр кажа, што тыя, хто церпіць за справядлівасць, атрымаюць дабраславенне. Рабіць дабро, нягледзячы на несправядлівасць,— гэта шлях Ісуса.

Адмовіўшыся адпомсціць сваім абвінаваўцам, Ісус прывёў нас у прысутнасць Бога. Калі мы былі збаўленыя такім чынам, то так і павінны дзейнічаць ў адносінах да сваіх абвінаваўцаў. І так, як уваскрасенне Ісуса з мёртвых асароміла ўлады Рыма, смерць і пекла, наша лагоднасць і павага могуць асароміць тых, хто нас абгаворвае і пераследуе.

Пётр нагадвае сваім людзям, што канфлікт паміж злымі духоўнымі і чалавечымі ўладамі і народам Божым існуе з самага пачатку. Аднак вынік канфлікту заўсёды аднолькавы: Бог збаўляе сваіх і сароміць зло. Калі Бог паслаў патоп, гэта выратавала Ноя і яго сям'ю, але таксама асароміла ўлады. І як Ной быў выратаваны праз воды патопу, так і мы збаўленыя праз воды хросту. І як злыя людзі часоў Ноя патанулі пад каўчэгам, так і ўся сіла і ўлада цяпер пакладзены пад ногі Ісуса. Рабіць дабро сярод зла — гэта шлях збаўлення.

Пакутаваць пад уціскам зла, але ўзняцце ў сіле — гэта новы светапогляд для вучняў Ісуса. Нас будуць ненавідзець і нават пераследаваць тыя, сярод каго мы жывём. Але Евангелле абяцае, што нават калі мы памрэм, мы ўваскрэснем.

Пакутаваць за праўду – гэта нармальна. Паслядоўнікі Ісуса павінны рыхтавацца да пераследу за жыццё па прыкладзе Ісуса. Для тых, хто церпіць пераслед, несправядлівая смерць і ўваскрасенне Ісуса — гэта не толькі прыклад, але і прэцэдэнт. Калі мы пакутуем, як Ісус, Бог нас падыме, як Яго. Калі мы церпім за дабро, а не за зло, нам не давядзецца саромецца. Мы можам смела памерці для старога, злога і помслівага жыцця, бо ведаем, што нас уваскрэсіць Бог.

Мы можам адмовіцца ад сваіх старых жарсцяў. Людзям часоў Ноя, язычнікам часоў Пятра і нашым суседзям сёння здаецца дзіўным не ўдзельнічаць у культуры сэксу, п'янства і жарсцяў. Жыць не так, як нашы суседзі, а па прыкладзе Ісуса, мае сваю сацыяльную, палітычную або фізічную цану. Але Пётр падкрэслівае, што, як Ісус пакутаваў за нашыя грахі і ўваскрос, а злодзеі патанулі падчас патопу, а Ной быў выратаваны, пакуты за дабро вядуць да ўваскрасення і збаўлення.

Калі вы жывяце ў краіне, дзе прымаюцца законы супраць хрысціян, або ў культуры, што ўслаўляе пачуццёвасць і высмейвае цвярозасць, ці ў свеце, які ненавідзіць Ісуса, уваскрасенне вакол вас.Кожны пераслед пацвярджае нашае збаўленне, а кожная смерць захоўвае для нас вечнае жыццё. Хрысціяне не з'яўляюцца ахвярамі ў свеце, які іх не разумее, але, падобна Ісусу, мы перамагаем кожную ўладу. Менавіта таму лепш цярпець за дабро.

Няхай Святы Дух адкрые твае вочы на Бога, які судзіць справядліва. І няхай Ісус адкрыецца табе як уваскрослы Збавіцель, які пакутаваў за дабро, каб мы маглі ўваскрэснуць разам з Ім.