Dolabololo 16
16
1Ngowa'a 'aḏi madibanga toma 'akala re sinyingara ma dara,
mada'a ma sa-sangoro, Ma JOU 'i sitantukanga.
2Manusia manga 'ahu ma ngo'omo kama rapu ua mete'e manga wo-waro masiretene,
mada'a Ma JOU 'o tai'i manga 'akala re sinyingara ma maksudu.
3Sidoa'a ie 'ani ga'a mo-moini ra Ma JOU,
la 'ani rancana gena-ge ḏuanga i'a 'i dadi.
4Ma JOU 'o 'a'a 'ori i'a mo-moini, tantu ḏua rema maksudu,
re Unanga ḏi'i Ro sitantukanga, ma wangere di'a sijira ngowa'a kajahatana.
5Ngowa'a mo-moini ga'a momole, Ma JOU ya'u emono,
Tantu ḏua, ananga gena-ge ḏuanga i'a 'aḏi mawiḏi yoḏu'u toma hukumana.
6Ngowa-ngowa'a ga'a 'aḏi dadalara re setia ra Ma Jou'ongu Madutu, ananga gena-ge manga ḏosa Unanga 'a singi-ngiranga,
re ngowa'a ga'a silamo'o re mojongo Ma JOU, ananga gena-ge Unanga ya'u silalo'o toma 'ori i'a ma jira.
7Na'o ngowa'a manga 'ahu ma ngo'omo 'i sisanangi Ma JOU 'Ai 'akala re sinyingara,
Unanga ḏuanga i'a 'o si'a'a manga lawana 'aḏi dadi ḏagilomu la.
8Lebe rousu ma hasili pa'i ceka'a ua rema loasa re banari,
reo mahasili repe mada'a kama adili ua.
9Manusia manga 'akala re sinyingara 'i fikiri mangale manga rancana masiretene,
mada'a Ma JOU ga'a 'O sitantukanga ananga 'aḏi tagi toma ngo'omo le'a.
10'Olana 'o kanau reo Ma Jou'ongu Madutu 'ai kuasa,
na'o unanga 'o 'a'a putusanga, 'o kanau kama sala ua.
11Ngowa'a wu-wu'unu balasu 'aḏi pake kilo ba-banari re 'aḏi situga te-tero sababu kilo ba-banari gena-ge Ma JOU 'a nyafusu,
re maḏi tuga-tuga mo-moini toma tohe ma dara, Ma JOU 'a si'a'a.
12'Ola-'olana 'aḏi emono ngowa'a ga'a 'aḏi 'a'a 'ori i'a ma jira,
sababu pamarenta 'i dadi te'e na'o ngowa'a 'aḏi 'a'a 'ori i'a ma loasa re banari.
13Madanga ga'a banari 'i sisanangi 'olana 'ai 'akala re sinyingara,
re unanga 'o dadalara ngowa'a gena-ge ga'a 'aḏi kanau demo-demo ma banari.
14Ma 'olana 'ai duruta, gena-ge ma tero habari ga'a gasa hukumu sengene
mada'a ngowa'a 'akala soro'unu nyengara 'aḏi siogoro unanga.
15Na'o 'olana 'ai biono 'i cahaya rema sa-sanangi, unanga 'o pula'a 'ahu tai rayata,
re unanga 'ai 'akala re sinyingara ma la-la ma tero sa'olo besa'a toma 'orasa tuju'u.
16Sanga 'akala soro'unu lebe rousu reo sanga guraci,
re sanga wo-waro lai ngido lebe lamo'o reo sanga salaka.
17Ngowa'a ga'a manga 'ahu 'i boloto, ananga gena-ge 'aḏi malalo'o toma 'ori i'a ma jira,
ngowa-ngowa'a ga'a 'aḏi totoho manga de'oso re ḏegoro, ananga gena-ge 'aḏi palihara manga diri.
18Momole ma ḏo-ḏogumu 'i cira,
re 'akala re sinyingara gau'u ma ḏo-ḏogumu 'i eta'a.
19Lebe rousu, ngowa'a ga'a manga 'akala re sinyingara maholo re ngowa'a ma dinga'unu ua,
reo ngowa'a ga'a sibalangu harata ra-rabasa rema ngowa'a momole.
20Ngowa-ngowa'a ga'a 'aḏi totoho do-doto'o, ananga gena-ge ḏuanga i'a 'aḏi sanga 'ori i'a ma la-la,
re bara'utungu ngowa'a ga'a 'aḏi ngaku ra Ma JOU.
21Ngowa'a ga'a 'akala soro'unu, ananga gena-ge ngowa'a remanga wo-waro ga'a ya sinyanyasele,
re demo-demo ma rousu 'i si'a'a ngowa'a 'aḏi ngaku.
22'Akala ma la-la ma tero sa'olo 'ahu ma cimi di'a ngowa'a 'akala soro'unu,
mada'a haga 'i si-sikisa ngowa'a haga masiretene.
23Ngowa'a 'akala soro'unu, ananga gena-ge 'aḏi kanau remanga 'akala ma la-la,
re manga do-doto'o 'i si'a'a ngowa'a 'aḏi sahe.
24Demo-demo ga'a 'i sisanangi ma tero sa'olo madu ma ngi'i,
mami toma 'akala re sinyingara re sisanangi toma obo-obongo.
25Rema ngo'omo ga'a ngowa'a 'aḏi ta'ajiri enanga gena-ge 'i boloto,
mada'a ma ḏo-ḏogumu ngo'omo gena-ge 'i sigasa jau i'a toma sengene.
26Nyafusu oromo, enanga gena-ge 'i si'a'a ngowa'a 'aḏi munara,
sababu manga po'olo batolo 'i sipakisa ananga 'aḏi 'a'a munara.
27Ngowa'a ma pa-pake ua 'aḏi paiti tana'a di'a sibodito matengo i'a,
re manga demo-demo ma tero sa'olo u'u ga'a siro'u.
28Ngowa-ngowa'a ga'a foriki 'aḏi sibaolo 'a'a kaco,
re ngowa'a tukanga fitana,#Dol. 18:8; 26:22 ananga 'aḏi sito-tola'a ḏagilomu sabi.
29Ngowa'a ga'a 'a'a kajahatana 'aḏi sihaga manga ḏagilomu,
re 'aḏi sigasa ananga toma ngo'omo ma jira.
30Ngowa'a ga'a 'aḏi coḇi la'o,#Dol. 6:13 manga rancana 'i cira
ngowa'a ga'a 'aḏi pu'i manga madanga, ananga 'aḏi 'a'a kajahatana ḏua.
31Utu buḏo ma tero sa'olo lastari ga'a ma rousu,
ga'a ya sanga toma ngo'omo ma loasa re banari.
32Lebe rousu, ngowa'a ga'a 'akala ḇanyo reo sordado ga'a 'aḏi kuasa lamo'o,
re ngowa-ngowa'a ga'a 'aḏi tahana manga dirilebe rousu reo sordado ga'a 'aḏi sita'aloko limau.
33Loterei ya upa'a di'a disa waro 'ahu ma ḏo-ḏagi,
mada'a pa'i Ma JOU ḇato ga'a 'O sitantukanga ma sa-sangoro.
اکنون انتخاب شده:
Dolabololo 16: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)