LUK 11
11
प्रभुनदी प्रार्थना
मत्तय 6:9-15
1मंग इल्ला आय्या की, येशुड वगा जागा मिंदा प्रार्थना शेयदु. आदी आयनेंका वान वगा शिष्य वान आन्या, “प्रभु, यल्ला योहान वान शिष्यलाक नेरप्या; आल्ले नु पण माक प्रार्थना शेशेद नेरपु.”
2मंग वाड वारनी आन्या, “यप्पुड मीर प्रार्थना शेस्तार आप्पुड मीर इल्ला आनना:
हे मा स्वर्गलोन यब्बा,
नीद फेर पवित्र मानाशेदेंक दावाला, नीद राज्य दावाला,
3 माक धीन्नाम आंटेद रोट्या माक इ,
4 मा पापलाद माक क्षमा शेय,
येनटीक की मिम पण मा पराध्यालकी
वार पराधलाद क्षमा शेस्ताम
मोमलान परीक्षाला येका दाक
तर मोमलान वाईटकेल इडपी.”
निम्मा मोब्बुला वच्चीने मित्रद दृष्टांत
5मंग येशुड वान आन्या, “समजा मी दिंटल्योन्केल यवाड इल्ला उंडाड वानकी मित्र उंडाड इंगा वाड वान तिकुड निम्मा मोब्बुला फोया इंगा वान आन्या, ‘जता गंगुडा, नाक मुड रोट्याल उसना इ, 6येनटीक की ना मित्र नेमकच प्रवास शेशी ना तिकुड वच्चीनाड इंगा वानकी सदरेदेंक ना देगार येमीच लेद.’ 7इंगा आ मनशी इंटलेल आन्या, ‘नाक त्रास इयाक! इप्पुड कवाड आंचकुन्नेद उंडाद इंगा ना बिळ्ळु ना देगार फंडकुंडार. निन निक रोट्याल इच्चेदेंक लेशी शकायान.’ 8निन मिक शपतान की, वाड वान मित्र उंडाड आंका जरी वाड वानकी इयाकुंटे, तरी वाड वानदी शिग्गु इडशी जामुजामुक आडगीने वाड वानकी आंटी आन्नी रोट्याल इच्ची. 9इंगा दिनिचांग निन मिक शपतान, आडगुना आंटे मिक इच्चेदेंक वच्ची. फुडकुना आंटे मिक शिक्की, कोटना आंटे मी इचांग कवाड तेरशेदेंक वच्ची. 10येनटीक की यवाडाना येमाना आडगुताड वानकी आदी शिक्ताद, यवार फुडकुताड वानकी शिक्ताद इंगा यवार कोटताड, वान इचांग कवाड तेरशेदेंक वस्ताद. 11मी दिंटल्या इल्ला यवाड आब्बाड उंडाड, की वान कोडकु वान मीन आडगुते, दान बद्दल वाड वानकी फाम इच्ची? 12लेकाते जर बिडा गुड्डु आडगुते तर या आब्बाड वानकी तेल इच्ची? 13जर मीर वाईट उंडीगास पण मी बिळ्ळाक मंची माटलु इच्चेद मिक तेलस्ताद, तर मंग स्वर्गीय परमेश्वर आब्बान देगार यवार आडगुतार वारकी वाड यंता विशेष शेशी पवित्र आत्मा इच्ची?”
शैतान मदतता येशुड फनी शेस्ताड इ आरोपकी वाड इच्चीनेद उत्तर
मत्तय 12:22-30; मार्क 3:22-27
14वगा नाड येशुड वगाट दैयाम तिसतुन्या, आदी मुकीद उंड्या. मंग इल्ला आय्या की, या मनशी माटलाडी शकाया कुंटुन्या, दैयाम बैटीक यल्लीनेंका, वाड माटलाडेदेंक आंट्या इंगा आता मंदी आश्चर्य चकीत आय फोईर. 15पण आ मंदी लोन्केल काही मंदी आनीर की, दैयाम सरदार बालजबुल इन मदतता वाड दैयाल तिस्ताड. 16इंगा काही मंदी वानदी परीक्षा सुशेदेंक स्वर्गलेल चिन्हल आडगीर. 17पण वार मनला येम उंड्या आदी येशुनकी यरका उंड्या आंका वाड वारनी आन्या, “वगामेगारला फुट फडीनेद राज्य यल्ला टीकाशी इंगा या इंटल्योन मंदी वगामेगार विरुद्धला जगडाम आडतार आ इल्लुय तुकडाल आयताय. 18इंगा मीर आंटार आल्ला जर दैयालला फुट फडते तर वारदी राज्य यल्ला टीकाशी? निन मिमलान इदी आडगुतान, येनटीक 'मीर आंटार निन बालजबुल मदतता दैयाल तिस्तान' 19पण जर निन बालजबुल मदतता दैयाल तिस्तान, तर मी शिष्यल यवार मदतता दैयाल तिस्तार? दिनिचांग वारे मिद न्याय शेशार. 20पण निन जर परमेश्वर मदतता दैयाल तिस्तान, तर मंग दिन मिंदकेल इदी स्पष्ट उंडाद की, परमेश्वरदी राज्य मी देगार वच्चीनेद उंडाद. 21यप्पुड यवाडाना बलवान मनशी वान इल्लु सुरक्षा इचांग आन्नी शस्त्रसामग्रील देगार फेटकुंटाड आप्पुड वानदी धन सुरक्षित उंटाद. 22पण यवाडाना वान काना शेंगेम बलवान मनशी वान मिंदा हल्ला शेशी वानदी पराभव शेस्ताड, आप्पुड या शस्त्रसामग्री मिंदा वाड विश्वास फेट्टीन्या, आदी वाड येकेन फोयताड इंगा वानकी शिक्कीनेद लुट वान मित्रलाक फंचताड. 23यवाड ना तीकेल लेड, वाड ना विरुद्ध उंडाड इंगा यवाड ना जताक जमा शेयाड वाड पांगाय मतताड.
अशुद्ध आत्मा इल्लु फुडकुताद
मत्तय 12:43-45
24 यप्पुड अशुद्ध आत्मा मनशी बैटीक वस्ताद, आदी विश्राम शेशेदेंक मरु भुमीला जागा फुडकुताद. पण दानकी आदी विश्रांती शिक्काद. आप्पुड आदी आंटाद, 'निन या इंटल्योन्केल बैटीक वच्चीनान आद्दे इंटल्योंग निन वापस फोयान.' 25आदी आ इल्लु तीकुड वापस फोयताद आप्पुड दानकी आदी इल्लु उडशी साफ शेशी फेटनेद कमस्ताद. 26यंकसार आदी फोयताद इंगा दान काना जास्त दुष्ट इल्ला योड आत्मालनी जताक तिस्कुंटाद इंगा आय आ इल्लुक फोयताय इंगा आंदे निलस्ताय. आप्पुड आ मनशीद परिस्थिती पहिला काना वाईट आयताद.” 27वाड इ माटलु माटलाड्या आप्पुड इल्ला आय्या की, मंदी गर्दी लोन्केल वगा आंडीद बेग्गे कीरलीगास वान आन्या, “धन्य आदी गर्भाशय, यंदाटला नु निलस्ती इंगा धन्य आय सनलु याय नु शिपकुती.” 28पण वाड आन्या., “यवार परमेश्वरी वचनलु इंटार इंगा पाळास्तार वारे खरेम धन्य उंडार!”
चिन्ह आडगे बद्दल इच्चीनेद चेतावनी
मत्तय 12:38-42
29यप्पुड मंदीद गर्दी वाढाशेदेंक आंट्या, आप्पुड वाड माटलाडेदेंक आंट्या, “इदी पिढी मंदी दुष्ट उंडार. वार चिन्हल आडगुतार पण वारकी योनाद चिन्ह इडशी इंगोगोट यादुच चिन्ह शिक्काक फोई. 30येनटीक की यल्ला योनाड निनवेलोन मंदी इचांग चिन्ह उंड्या आल्ले मनशी कोडकु पण इ पिढी इचांग चिन्ह आय्यी. 31न्याय दिनमुनाड दक्षिण तीकुड उंडीने देशलोनदी राणीद इ पिढीलोन मंदी जताक नीला फडी दिन दोषी ठरायमती येनटीक की शलमोनदी ज्ञान इनेदेंक आदी पृथ्वी शेवटकेल वच्चीन्या इंगा सुडना, शलमोन काना पण महान इल्ला वगाड इंदु उंडाड.#1 राजे 10:1-10; 2 इतिहास 9:1. 32न्याय दिनमुनाड निनवेलोन मंदी इ पिढी जताक नीला फडी दिन दोषी ठराय मत्यार येनटीक की वार योनानदी उपदेश इनी पापलाकेल परमेश्वर तीकुड तिरगीर इंगा सुडना, योना काना पण महान इल्ला वगाड इंदु उंडाड.”
दिवा मिंदकेल धडा
मत्तय 6:22-23
33 “यवार पण दिव्वा आंची किंदुड इंटल्या लेकाते बतकुला किंदा मुशी फेट्टार तर लोनीक वच्चेतोनकी यलगु कमसाला आंका आदी दिव्वा फेट्टे जागाला फेटतार. 34कन्नु इदी मी फयीद दिव्वा उंडाद. जर मी कंडलु शिंगार उंटे, तर मिद फय पण यलगुता निंडीनेद उंडी. 35पण आय जर वाईट उंटे तर मिद फय अंधकारमय उंटाद, दिनिचांग मी दिंटल्योनदी यलगु इदी मोब्बु तर लेद, दिनदी काळजी तिस्कोंडा. 36जर मिद आंता फय प्रकाशमय उंडाद इंगा दांटल्योनदी यादुच भाग अंधकारमय लेद तर, यल्ला दिव्वाय किरणलु निक यलगु इस्ताय, आल्ले नु पुर्णपणे प्रकाशीत उंड्याव.”
परुशी इंगा शास्त्री मंदीद निषेध
37येशुनदी माटलाडेद आयनेंका वगा परुशी मनशी येशुन वान इल्लुक वच्ची वान जताक तिनेदेंक फिलच्या. येशुड लोनीक फोया इंगा वान जागा मिंदा तिनेदेंक कुसन्या. 38पण वाड तिना काना मुंची शेतलु कडगाक फो इदी सुशी परुशी मनशीक शेंगेम आश्चर्य आय्या. 39आप्पुड प्रभुड वान आन्या, “मीर परुशी मंदी प्याला इंगा तल्या बैटीकेल शिंगार साफ शेस्तार पण मीर लोनीकेल लोभता इंगा दुष्टताता निंडीनोर उंडार. 40हे बुद्धीहीन मंदीलाला! यवाड बैटुडदी बाजु बनायमत्या वाडे लोनुडदी बाजु बनाय मतालेद येम? 41पण याद लोना उंडाद, आदी गरीबोरकी इचकाडना मंग मी इचांग आंताच शुद्ध आय्यी.
42 दिनिचांग मी परुशी मंदी मिंदा हाय उंडाला, येनटीक की मीर पुदिना, जीरा इंगा प्रत्येक भाजीपालाद दशमांश इस्तार. पण मीर न्याय इंगा परमेश्वर बद्दलदी प्रेम दिन तिकुड दुर्लक्ष शेस्तार. मीर नितीता जगाशेद इंगा परमेश्वर मिंदा प्रेम शेशेद इ माटलु पहिला शेशेद आवश्यक उंडाद; मीर इ माटलु शेया बेकुंटीर इंगा आय पण इडवा बेका लेकुंटुटीर. #
मत्तय 23:23; मीखा 6:8; लेवी 27:30. 43मी परुशी मंदीद यंता दुर्दशा आय्यी, येनटीक की मिक यहुदी सभास्थानला मुख्य जागा मिंदा कुसनेद इंगा संताला दंडाम तिस्कुनेद आवडास्ताद. 44मिद यंता दुर्दशा आय्यी! येनटीक मीर इल्लोन कबरला लेका उंडार याय कमसाव, इल्लोन कबरला मिंदकेल मंदी यरका लेनदे काळ फेट्टी फोयतार.”
45वगा नियमशास्त्र शिक्षक येशुन आन्या, “गुरुजी, नु इल्ला माटलाडताव आप्पुड नु माद पण अपमान शेस्ताव.” 46आप्पुड येशुड आन्या, “नियमशास्त्र शिक्षकलाला मी मिंदा पण धिक्कार उंडाला, येनटीक की मीर मंदीक भोरु येतेदेंक शपतार इंगा आदी येतेदेंक मी वगा बोटदी पण उपयोग शेयार. 47मी मिंदा धिक्कार उंडाला, येनटीक की मी पुर्वजलु मतेशीने संदेष्ट्याल इचांग मीर कबरलु कटतार. 48इल्ला शेशी मीर मी पुर्वजलु शेशीने फनुलाद समर्थन शेस्तार. 49दिनिचांग परमेश्वरदी ज्ञान पण इल्ला आनीनाद की, 'निन प्रेषितलान इंगा संदेष्ट्यालनी वार तीकुड आंप्यान. वार दिंटल्योन्केल काही मंदीद वार जेम तिस्कुन्यार इंगा काही मंदीद वार छळ शेशार!' 50तर, संदेष्ट्यालदी आदी रक्ताम याद दुन्याम बनाशीनोट सल्लेदेंक वच्चीनाद दान बद्दलदी दंड इ पिढीक निंचीगास इयाबेक आय्यी. 51हुं, निन मिक खरेम शपतान की हाबेल रक्तामकेल तर परमेश्वर भवन इंगा वेदी नडमा मतेशेदेंक वच्चीने जखऱ्यान रक्ताम नंताक इ पिढीन जबाबदार फट्टेदेंक वच्ची.#उत्पत्ती 4:8; 2 इतिहास 24:20-22. 52मिद नियमशास्त्र शिक्षकलाद यंता दुर्दशा आय्यी येनटीक की मीर ज्ञानदी किल्ली येकेन फोयतीर, मीर स्वता लोनीक फोलेद इंगा यवार लोनीक फोयेद प्रयत्न शेयदुर, वारनी पण फोनीयालेद.”
53येशुड आंदुकेल फोयेताप्पुड नियमशास्त्र शिक्षकलु इंगा परुशी मंदी वानदी शेंगेम विरोध शेशेदेंक आंटीर इंगा वान शेंगेम माटला बद्दल प्रश्नल आडगेदेंक आंटीर. 54वाड माटलाडीने माटलाला वान फट्टेदेंक वार टपाशी उंडीर.
اکنون انتخاب شده:
LUK 11: WNT
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید