Vèsè popilè nan Bib la ki soti nan Genesisi 6

Pataje

Sekoko MKOMA Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Se MKOMA Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Aniko Nowa a mani kukateka masoni ka MKOMA Txizimu.

Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

Se MKOMA a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Mbimo yi vathu va nga khata kuanda ha mafuni, va txi veleka vanana vamahorana, vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe. Sekoko, MKOMA a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.” Ka yona yile mbimo, ha mafuni ku ti ti ni vanyasihakate va nga velekwa, mbimo yi vanana va Txizimu va nga tekana ni mahorana, ya i ku vanana va vathu, ve veleka vanana. Ngu vonevo tindena ta nduma ta mbimo ya kale.

Nowa a to maha toneto; totshe ti Txizimu txi nga mruma tona, ene a ti mahile.

Sekoko Txizimu txi to kha txona ka Nowa: “Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu.

Aka ngalava ngu mapulango a mndonga wa nyeti ngu sibhiya, u lemetela ngu phula, hahanze ni mndani.

Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.

Ni ka sotshe si si hanyako, ni ka sotshe si i ku nyama, u na teka simbidi-simbidi, matune ni mkati, u txi wulela naso mu ngalavani, kasi ku si hulukisa, si txi hanya kumweko ni nawe.