Vèsè popilè nan Bib la ki soti nan Zɛnɛse 39

Pataje

Yâwɛɛ è kɛ̀ Zosɛ pôlu. È maa mɛni kélee su sãa. Zosɛ è kɛ̀ ŋɔmɛi-nuui ŋɔpɛ́rɛi mu, nyii kɛ̀ a Ize-nuui.

Mɛni ma è ǹyée ŋá-sãa kélee lɛ̀ɛ Zosɛ yêei mɛi káa mɛni ma. Vé ŋɔ́nɔ kɛ́ ní a gbáaŋɔɔ mɛni da kélee ma fɛ̂ɛ nɔ́ é ǹáa míi. Ǹyaŋ Zosɛ è kɛ̀ a nyáŋkpa lɛ́lɛɛ gbono-toɔɔ zu.

Nya ƃe gbini-pɛrɛ lá-nuui è Zosɛ kɛ̀ pélesinɛ-ŋai kélee mɛi kɛ̀ gbini-pɛrɛi mui. Ǹyaa ƃé kɛ̀ tíi kɛ̂i a dîa.

Nya ƃe Potifa è Zosɛ pìli kpíni-pɛrɛ mu ƃɛ́i gâloŋ a kâa ŋɔpelesinɛ-ŋai pili naai. Nàa ƃé è kɛ̀ naa kpini-pɛrɛ mu. Kɛ́lɛ Yâwɛɛ è kɛ̀ nɔ́ Zosɛ pôlu. È ŋɔwɛli-kɛ-maai lɛ̀ ma. È gɛ̀ gbini-pɛ̂rɛ lá-nuu kɛ́tɛi é Zosɛ wɛ́li.

È kɛ̀ a tãi tɔnɔ, Zosɛ ŋɔmɛi-nuui Potifa ŋɔnɛnîi è Zosɛ kàa ǹyɛɛ mai, “Pá kú láa.” Kɛ́lɛ Zosɛ fé fáa ní. È mò nɛnîi mâ ǹyɛɛi, “Gáa, ḿɛi-nuui a ńziɣe a núu sãa. Vé ŋɔ́nɔ kpáaŋ ní mɛni da kélee mɛ̂ni ma ŋɔpɛ́rɛi mu. A ŋ́gɛ ǹyée ŋá-sãa kélee mɛi. Va gbîŋ kɛ̀tɛ é tɛ́ɛ ḿâ bɛ́rɛi ŋí mu. A ǹyée ŋá-sãa kélee tɛ́ɛ ḿbɔ fɛ̂ɛ nɔ́ yá, kpɛ́ni fêi, íkaa a ŋɔnɛnîi. Ŋa pɔ̂ri ŋaŋ ŋwana-lɔ̂ɔ tarei ŋí da zɔnyɔ̂ŋ kɛ́tɛi kɛ́ɛ ŋí kɛ̂i léŋ Ɣâla ŋɛ́i?”

Kɛ́lɛ tãi tɔnɔ da, Zosɛ è lɔ̀ bɛ́rɛi mu tíi da kɛ̂i. Núu da kélee fé kɛ́ ní bɛ́rɛi mu. Nya ƃe nɛnîi è zòŋ a ŋɔseɣei ǹyɛɛ mai, “Fɛ̂ɛ nɔ́ kwa yá kú láa.” Kɛ́lɛ è ŋɔseɣei lɛ̀ɛ ǹɛnii yêei é pú é kúla bɛ́rɛi mu.