Vèsè popilè nan Bib la ki soti nan Iruka 22

Pataje

-Uiꞌywot etihep kuap mesuwat kuiꞌa uipo piat pote waku are maꞌato atikyꞌesat kahato emikyꞌesat ewy yn nug hamuat e. Etikyꞌesat atuꞌu pote atuꞌu mesup emikyꞌesat ewy e.

Pyno ahẽtup kahato Uiꞌywot pe emoesaika hamo. Miꞌi hawyi karapeĩ eraꞌaipok uhowowi i raꞌyn aru miꞌi hawyi etiꞌatumoesaika o ewyriaꞌin uimohey haria iꞌatuiãꞌãg hap turan e Iesui Peteru pe.

Miꞌi hawyi man teneg totat hawyi waku e Tupana pe hawyi toipik topo wo hawyi tutum naꞌyn topotmuꞌeria pe hawyi toꞌe -Mesuwat man uimipik uipiit ewy kahato toineꞌen katupono uipiit miitꞌin tipik kahato uiꞌauka turan e. Miꞌi pote uipiit iãꞌãkap kahato meikowat man e. Waku miꞌi tã eweitunug tuereto uiminug mowatetup hamuat

Teꞌerenuk kahu hawyi sapo hy kuiꞌa piat totat hawyi -Meikowat sapo hy uhuu ewywuat e. Taꞌi uhuu aat hap topyhuꞌat aru mohag wo miitꞌin Tupana wywo woꞌowese hap nug hamuat e.

Miꞌi hawyi Iesui ihay kahato Tupana wywo. Miꞌi hawyi tuwesatyꞌu kahato itote. Miꞌi hawyi huu tuwẽtem ipiit pyi huu aikotã an hakup ewy hom homꞌe yi tote iꞌakag owa pe pyi.

Maꞌato eipe ti yt miꞌiria ewywuat no i eweikupteꞌen e. Uwe toineꞌen poꞌog iraniaꞌin kai waku miꞌi temiitꞌin eropat hatno toineꞌen. Waku uwe morekuatno toineꞌen miꞌi ti eropat hat wo toineꞌen e.

Miꞌi hawyi Iesui toꞌe Peteru pe -Simau e mesuwat wãtym nuran aru -Yt atikuap i Miꞌi Miit ereꞌe aru uhepiat myẽꞌym mo mekewat waipaka ehay eꞌyian mete e Iesui Peteru pe.