Viv Ak Fòs Ak Kouraj!Egzanp

“Bondye vini jwenn Ou!”

Pwomès lavi etènèl la se yon rezilta ke Bondye vini jwenn li olye limanite ap eseye chèche epi jwenn Bondye nan kèk plas byen lwen.

Depi kòmansman tan, Bondye te renmen chak nan nou ak yon lanmou enkondisyonèl epi ki p’ap janm fini. Entansyon orijinal li se te yon relasyon solid epi vivan ak chak nan nou. Men, lè Adan ak Èv te dezobeyi Bondye nan Jaden an, peche yo te kreye yon baryè ant nou menm ak Bondye. Nou te vin separe de Li etènèlman.

Olye li pèmèt nou rete separe ak Li, Bondye mete yon plan pafè an mach pou restorasyon ki dirije pa lanmou san fen ak mizerikòd Li pou nou. Objektif plan Li a se pou li restore nèt menm aspè ki pi entim nan relasyon Li ak limanite jan li te egziste anvan Adan ak Èv te peche a.

Plis pase 2,000 an de sa, Bondye te voye Pitit Li sou latè pou retire baryè peche te lakoz, epi rann sali disponib pou tout moun.

“Paske Bondye sitèlman renmen lèzòm li bay sèl pitit li a pou tout moun ki mete konfyans yo nan li p’ap peri men yo va gen lavi etènèl. Bondye pa voye Pitit li a sou latè pou kondanen lèzòm, men pito pou’l te kapab delivre yo.” Jan 3:16-17

Atravè lanmò ak rezireksyon Li, Jezi te peye nan non nou nèt pou pèn peche a, epi Li te retire baryè a ant nou menm ak Bondye. Padon an disponib pou tout moun ki sèlman resevwa Li kòm Sovè yo.

Men se te sèlman kòmansman an. Anvan Jezi te konplete tan li sou latè pou rejwenn Papa Li nan Syèl la, Li te dekri disip Li yo yon lòt eleman nan plan ki pi gran Bondye a pou restore limanite nèt nan Li:

“Lakay Papa a gen anpil kote pou moun rete.    Mwen pral pare plas pou nou. Si se pa’t vre, mwen ta di nou sa.    Lè m’a fin pare plas la pou nou, m’a tounen vin chache nou. Konsa, kote m’a ye a, se la n’a ye tou.” Jan 14:2-3

Bondye pa’t sèlman voye Jezi pou retire baryè peche a, men yon jou alavni, Jezi ap retounen pou mennen tout kwayan yo “lakay” pou yo avèk li pou tout tan.