Viv Ak Fòs Ak Kouraj!Egzanp

“Misyon Li pèsonèl”

Depi kòmansman kreyasyon an, Sentespri a te prezan, ki demere pami nou pandan tout jenerasyon yo.

“Men latè pa t’ gen fòm, li pa t’ gen anyen sou li. Fènwa te kouvri toupatou. Lespri Bondye t’ap plane sou dlo ki te kouvri latè.” Jenèz 1:2

Men se jiskaske Jezi fini travay li sou lakwa ke ministè Sentespri a te vin pèsonèl ak entim pou chak kwayan. Jezi te di disip Li yo anvan li mouri ke Sentespri a te prezan pami yo, men Li pa’t ko ap viv nan yo.

“Moun k’ap viv dapre prensip lemonn pa ka resevwa l’, paske yo pa ka wè’l, ni yo pa konnen li.    Men nou menm, nou konnen l’ paske li rete nan kè nou, paske li nan nou.   Mwen p’ap kite nou pou kont nou: M’ap tounen vin jwenn nou ankò.” Jan 14:17-18

Jezi pwomèt rekonfò pou disip Li yo jis anvan lanmò Li ke Li t’ap toujou avèk yo espirityèlman, pa prezans Sentespri k’ap viv nan yo a. Travay Jezi te kòmanse a, kontinye nan lavi nou atravè Sentespri a. Bondye itilize Sentespri ki nan nou an pou fè kat bagay:

1. Li fè sali a yon reyalite pèsonèl.
2. Li bay pouvwa pou viv nan fason ki viktorye.
3. Li konstui karaktè Kretyen an pou ede ou grandi.
4. Li fè tout bagay pou byen ou.