Viv Ak Fòs Ak Kouraj!Egzanp

“Li fè tout bagay pou byen ou”

Bondye gen kontwòl sou tout bagay nan chak domèn nan lavi nou. Li kapab ranje nenpòt sikonstans pou byen nou antanke kwayan.

“Tansèlman nou konn sa byen: nan tout bagay, Bondye ap travay pou byen moun ki renmen’l, pou byen tout moun li te fè lide rele.”   Women 8:28

Li plis ke kapab ou Li jere menm defi ki pi konplike nan lavi, epi L’ap dirije nou pou nou akonpli plan Li nan lavi nou. Li sèlman vle nou fè Li konfyans pou fè sa.

“Fè Seyè a konfyans ak tout kè ou epi pa apiye sou pwòp konpreyansyon pa ou; nan tout fason, rekonèt Li, epi L’ap rann wout ou dwat.” Pwovèb 3:5-6

Lè nou mete konfyans nou nan Bondye, sa pa pran plas responsablite pèsonèl ak bon entandans nou. Men, responsablite pèsonèl ak konfyans nan Li ale men nan men. Lè nou fè pati pa nou, Bondye toujou fidèl pou Li fè pa’l epi dirije nou nan fason ki efikas.

Nan anpil ka, direksyon Bondye vini sou fòm “pòt” ki louvri ak fèmen nan sikonstans nou yo.  Gen lòt fwa, sitiyasyon nou yo pa egzije anyen mwens ke entèvansyon Bondye pou geri, fè yon mirak, oswa akonpli yon bagay ki enposib si se pa sa.

Jezi gade yo, li di: “Moun pa fè sa, se vre. Men, pa gen anyen Bondye pa kapab fè.” Matye 19:26

Menm si li ka ap fè fas ak yon maladi enkirab, yon kriz finansye, oswa menm pèt inatandi yon pwòch, Bondye prezan e li kapab travay nan fason sipènatirèl pandan moman sa yo

Bondye se yon espesyalis nan fè trajedi tounen triyonf epi difikilte tounen lajwa atravè Sentespri a. Pa janm doute ke Bondye toujou nan “biznis fè mirak” la jodia. Bondye kapab fè entèvansyon nan nenpòt sitiyasyon ki enposib!