Grandi Nan Sanktifikasyon Egzanp

Antrènman Espirityèl

Gen anpil moun ki konsantre sou amelyore kondisyon fizik yo. An reyalite genyen yon valè nan sa, jan vèsè jodi a rekonèt li a. Lè yon moun disipline epi kontwole pwòp tèt ou atravè jan ou jerekò ou se yon bon bagay. Gen kèk moun ki fè erè lè yo neglije pran swen kò yo.

Tantasyon pou fè antrennman espòtif sa a ka tounen yon fòm zidòl. Nou ka mete anpil anfaz pou sanble oubyen manje yon fason, nou menm rive inyore sa ki gen pi gwo valè a.

Malgre antrènman espòtif fizik gen kèk valè, vèsè yo di nou devosyon yo tou gen valè nan tout sans. Lè w antrène tèt ou nan fè devosyon, oswa chache sankifikasyon, sa senpleman vle di vin sanble pi plis tankou Jezi, sa ki pote pwomès pou lavi sa a kounye a ak pou lavi k ap vini an.

E ou menm? Èske ou ap pratike devosyon biblik ou tankou yon bagay ki enpòtan anpil pou ou? Oubyen èske ou mete plis efò nan antrènman pou kò fizik ou? Antrènman nan devosyon nan pawòl la mande anpil bagay, men nou kapab viv sa nan fason nou lapriyè, fason nou li Pawòl Bondye a, ak fason nou pratike lòt disiplin espirityèl yo. Si ou pako fè efò pou pratike kalite antrènman sa a, mande Bondye pou ede w kòmanse depi kounye a.

Priyè

Bondye papa nou, nou priye ou pou kapab ede nou pou nou pa mete sou kote lawsenyay kò nou nonplis pou nou fè sa tounen zidòl nou tou. Souple ede noupou nou chache pito pratike sanktifikasyon, yon bagay ki gen valè ki pap janm fini. Ede nou pou nou plis chak jou sanble ak Jezi atravè moman n ap pase ak ou nan Pawòl la ak nan lapriyè. Se pou jan nou pratike sanktifikasyon an ede nou swaye relasyon nou ak frè ak sè nou yo.

Fè nou tounen moun k ap fè disip ki va simaye toupatou levanjil la epi anseye lòt yo obeyisans. Ede nou pou nou ka renmen, sèvi epi aprann nou kijan pou nou bay lavi nou pou lòt yo. Nou di w mèsi pou antrennman sa a nan Sanktifikasyon an ki ban nou yon pwomès ki chita nan lavi sa a ak nan lavi k ap vini an. Se nan non Jezi nou priye w konsa, Amen.