Grandi Nan Sanktifikasyon Egzanp

Se Pawòl la ki pou fòs nou

Selon vèsè jodi a, pandan Jezi te nan dezè a pandan 40 jou yo, Li te site pasaj nou jwenn nan Detewonòm 8:3 lè satan te vin tante l la nan dezè a. Apre 40 jou jèn nan, satan t ap eseye pouse Jezi pou Li transfòme wòch an pen. Jezi te reponn li epi fè l konnen se pa de pen sèlman moun k ap viv, men de tout pawòl ki soti nan Bouch Bondye papa a.

Eske nou kwè sa ? Eske se tout pawòl ki soti nan bouch Bondye papa a ki fè w ap viv? Sa ta vle di pawòl Bondye a pi enpòtan pou ou pase manje ou nan maten, a midi ak manje leswa a, sa vle di pi enpòtan pase manje a menm ? Eske w wè pawòl Bondye tankou sous ki fè w kanpe a, yon bagay nou paka viv san li ?

Bib la montre depi nan kòmansman jiska lafen, Pawòl Bondye a se sous lavi nou. Se sa Jezi te di dyab la menm nan moman li te al eseye tante Li a yon fason pou li te pouse l al depann de yon bagay materyèl ki pa t pawòl Papa Li ki nan syèl la.

Kesyon an se, èske kalite depandans sa a sou Pawòl la vizib nan lavi ou? Èske ou viv yon mannyè kote Pawòl Bondye a se pen ou manje chak jou ou a? Si ou pa gen yon plan lekti Bib regilye pou ede w fè efò pou nouri nan Pawòl la chak jou, mwen ankouraje w fè sa tounen yon priyorite. Pa jis pran yon ti moso nan Pawòl la. Pawòl la pi enpòtan pase nenpòt kalite repa sou latè ou kamanje.

Priyè

Bondye papa, ede nou viv pou nou rive fè Pawòl ou a tounen sous vital lavi nou, paske se sa li ye vre ! Lavi nou depann de pawòl la. Ou ban nou lavi atravè pawòl ou, Donk ede nou pou nou kapab etidye li memorize li epi medite li nan jounen kou nan lannuit, pou nou kenbe li tankou byen ki pi presye nan lavi nou. Nan Non Jezi nou priye w konsa, Amèn.