Grandi Nan Sanktifikasyon Egzanp

Meditasyon sou pawòl Bondye a

Vèsè jodi a ap ban nou kle pou siksè nan lavi nou.Wi, definisyon siksè pou Bondye se pamenm definisyon an pou mond lan. Pi gwo siksè yon moun kapab fè nan je Bondye se sanktifikasyon: Grandi nan sanktifikasyon, viv yon lavi obeyisans, epi mache pi pre Senyè nou an, Jezi. Yon siksè konsa soti nan meditasyon Pawòl Bondye a, lajounen kou lannuit.

Pasaj n ap konsidere jodi a mete anfaz sou Pawòl Bondye a ki ta dwe toujou nan bouch nou. Sa fè pati sa nou rele meditasyon an. Sa mande pou nou repete Pawòl Bondye a epi kite li antre nan nou. Sa a ale pi lwen pase senpman li Pawòl Bondye a pou tcheke yon lis bagay ou te planifye pou te fè pandan jounen an. Si nou medite sou Pawòl Bondye a epi nou mete li an pratik, n ap jwi lapè, nou va vrèman sanble ak Kris la, Bondye ap ban nou direksyon selonplan pafè li pou lavi nou.

Priyè

Bondye, nou dezire pou lavi nou, bonjan siksè ki chita sou verite, e se pou sa nou ap mande ou ede nou medite sou Pawòl ou lajounen kou lannuit. Ede nou fè sa depi moman nou reveye nan maten jouk lè nou rive pou nou al dòmi nan lannuit. Nou vle viv selon Pawòl ou.

Se pou Pawòl ou toujou rete nan bouch nou, pandan n ap repete li nan kè nou, epi n’ap pataje li ak lòt moun. Bondye, ede nou anonse Pawòl ou ki bay lavi ak moun ki bò kote nou e moun ki toupatou nan mond lan. Se nan non Jezi nou priye w konsa, Amèn.