Amaokwu Akwụkwọ Nsọ Ndị Ama Ama siteré na Ilu 19

Kesaa

Ọtụtụ atụmatụ dị nʼobi mmadụ; maọbụ uche ONYENWE ANYị ga-emezu.

Onye ọbụla na-egosi ndị ogbenye obi ebere na-ebinye ONYENWE ANYị ihe, ọ ga-akwụghachi ha nʼihi ihe ọma ha mere.

Ezi uche mmadụ nwere na-amụpụta ndidi; ọ bụkwa nkwanye ugwu nye onye nʼadịghị agụ mkparị a na-akparị ya.

Gee ntị na ndụmọdụ a na-enye gị, nabata ịdọ aka na ntị. Nʼikpeazụ, ị ga-abụ onye maara ihe.

Ịtụ egwu ONYENWE ANYị na-eweta ndụ na ọṅụ, na nchebe site nʼihe mmerụ ahụ.

Onye na-enweta amamihe hụrụ ndụ nʼanya, onye na-edebekwa nghọta na-enweta ọganihu.

Dọọ nwa gị aka na ntị mgbe ọ ka dị na nwantakịrị nʼihi na oge ahụ ka olileanya dị. Ma i meghị otu a, ọ bụ ndụ ya ka ị na-emebi.

Onyeama ụgha aghaghị ịta ahụhụ, onye ọbụla na-ekwupụ okwu ụgha dịka mmiri ga-ala nʼiyi.