Amaokwu Akwụkwọ Nsọ Ndị Ama Ama siteré na མཛད་འཕྲིན། 1

Kesaa

འོན་ཀྱང་ཁྱོད་རྣམས་ཀྱི་སྟེང་ལ་དམ་པའི་ཐུགས་ཉིད་ཁྱབ་པ་ན་དབང་ཐོབ༌སྟེ། ཡེ་རུ་སཱ་ལེམ༌དང༌། ཡ་ཧུ་དཱ་དང༌སཱ་མར་ཡ་ཡུལ་ཐམས་ཅད༌དང༌། ས་མཐའི་བར་དུའང་བདག་ལ་དཔང་པོ་བྱེད་པར་འགྱུར་ཞེས་གསུངས་སོ།།

ཁོང་གིས་འདི་སྐད༌དུ། ཡབ་ཀྱིས་རང་ཉིད་ཀྱི་དབང་ལ་བརྟེན་ནས་གཏན་དུ་ཁེལ་བའི་དུས་དང་ཟླ་ཚེས་ནི་ཁྱོད་རྣམས་ཀྱིས་ཤེས་མི་རུང༌ངོ་།།

དེ་ཡང་ཁོང་ཉིད་སྐུ་ཚབ་པ་རྣམས་དང་མཉམ་དུ་བཞུགས་པའི་དུས་ཤིག༌ལ། ཁོང་གིས་བཀའ་གནང་སྟེ་འདི་སྐད༌དུ། ཁྱོད་རྣམས་ཡེ་རུ་སཱ་ལེམ་དང་ཁ་མི་འབྲལ་བར་ཡབ་ཀྱིས་ཞལ་བཞེས་གནང་ཡོད་པ་སྟེ། ངས་སྔ་མོ་ནས་ཁྱོད་ཅག་ལ་སྨྲས་མྱོང་བའི་དོན་དེར་སྒུགས་ཤིག ཡོ་ཧ་ནན་གྱིས་ཆུ་ཡིས་ཁྲུས་གསོལ་བྱས༌མོད། འོན་ཀྱང་ཉིན་མང་པོ་མ་འགོར་བར་ཁྱོད་རྣམས་ལ་དམ་པའི་ཐུགས་ཉིད་ཀྱིས་ཁྲུས་གསོལ་མཛད་པར་འགྱུར་ཞེས་གསུངས༌སོ།།

ཁོང་གིས་སྡུག་བསྔལ་མྱངས་རྗེས་རྟགས་མང་པོར་བརྟེན་ནས་རང་ཉིད་གསོན་པོར་སྐུ་ཚབ་པ་རྣམས་ལ་བསྟན༌ཏེ། ཉིན་བཞི་བཅུའི་རིང་ལ་མངོན་པར་མཛད་ཅིང་དཀོན་མཆོག་གི་རྒྱལ་སྲིད་སྐོར་གྱི་དོན་ཡང་གསུངས་སོ།།

དེ་ནས་སྐྱབས་མགོན་ཡེ་ཤུས་དེ་སྐད་གསུངས་པ་དང་སྐུ་ཚབ་པ་རྣམས་ཀྱིས་ཁོང་ཉིད་ལ་ལྟ་བའི་དུས༌སུ། ཁོང་ཉིད་ནམ་མཁའི་ཞིང་ཁམས་སུ་དྲངས་པ༌དང༌། སྤྲིན་ཕུང་ཞིག་གིས་ཁོང་ཉིད་བསྒྲིབས་ཏེ་མི་མཐོང་བར་གྱུར་ཏོ།།

སྐྱབས་མགོན་ཡེ་ཤུ་ནམ་མཁའི་ཞིང་ཁམས་སུ་འཕག་བཞིན་པ༌དང༌། སྐུ་ཚབ་པ་རྣམས་ཀྱིས་མིག་ཅེ་རེར་ནམ་མཁར་ལྟ༌སྐབས། གློ་བུར་ཉིད་དུ་གོས་དཀར་པོ་གྱོན་པའི་མི་གཉིས་ཁོ་རྣམས་ཀྱི་གམ་དུ་བྱུང་སྟེ་འདི་སྐད༌དུ། ཀྱེ། ག་ལིལ་པ༌རྣམས། ཅིའི་ཕྱིར་ཡར་ལངས་ནས་ནམ་མཁར་ལྟ་བ་ཡིན༌ནམ། ཁྱོད་ཅག་གི་མདུན་ནས་ནམ་མཁའི་ཞིང་ཁམས་སུ་དྲངས་པའི་ཡེ་ཤུ་ཁོང་ཉིད༌ནི། ཁྱོད་རྣམས་ཀྱིས་ཁོང་ཉིད་ཇི་ལྟར་ནམ་མཁའི་ཞིང་ཁམས་སུ་དྲངས་པ་མཐོང་བ་བཞིན་སླར་ཡང་དེ་ལྟར་འབྱོན་པར་འགྱུར་ཞེས་གསུངས༌སོ།།