Amaokwu Akwụkwọ Nsọ Ndị Ama Ama siteré na Genesis 39

Kesaa

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

Sika vano Potifara aahiya ddittheddene aariiyena m'mattani mwa Yosefe, mwawittho khaapwatha erive ello, opatula yoochave eyo acheeye. Yosefe aari awooneya phaama ni ooreera.

Nave oowehera endende aamutthattusa Yosefe kapitawo awaawehera a mundende akhwaaye attheene ni ddittheddene ddaweereya mundendenimmo.

Nave aamumakiha Yosefe, amuwallella mundendeni mmo mwawallelliwa a mundende a mwene nave aakhalla mwemmo. Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Nave viviralle enthawi, mwaariwa a apwinnya ahaamba omupaalla Yosefe. Vano mutthiyanooyo aamulleella Yosefe wi, “Ngawa, okone ni miyaano.” Koma Yosefe aakhoota wi, “Ngoonani, apwiyaaka khenapwatha dda erive ello yampammu, ekaamba ya miyaano. Ookivaha odindo woowehera ddaaye ddittheddene, nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.”

Koma nllapo nimodda Yosefe aavollowa mpa wi aphare mutteko nave khemwaari akaporo amodda mpammo. Sika mutthiyanoolle aamuphara yoowara Yosefooyo, amulleella wi, “Okone ni miyaano!” Koma olliye aathawella vaatte, ahiya yoowaraayeeyo eri m'mattani mwa mutthiyanooyo.