Mātiu 10
10
Ko e Fili ‘e Si̇̄sū ʻene Kau ‘Apōsitoló
(Ma‘ake 3:13-19; Luke 6:12-16)
1Pea ui ange ‘e Si̇̄sū ʻene kau ako ‘e toko hongofulu mā uá ke nau fakatahataha mai. Pea naʻe tuku kiate kinautolu ʻa e mafai̇́ ke kapusi tēvolo mo fakamo‘ui ʻa e fa‘ahinga alanga mahaki mo e mahamahaki̇́ kotoa pē.
2Ko ʻeni ʻa e kau ʻapositolo ‘e toko hongofulu mā uá: Ko e ʻuluaki̇́ ko Saimone, ‘a ē ‘oku ui ko Pitá, pea mo hono tokouá, ‘a ‘Anitelū. Ko Sēmisi mo hono tokouá, ‘a Sione, ko e ongo foha ia ‘o Sēpeti̇́; 3Ko Filipe mo Pātolomiu, ko Tōmasi, ko Mātiu ‘a ē na‘e tānaki tukuhaú, ko Sēmisi ʻa e foha ‘o ‘Alefiusi̇́, mo Fataisa. 4Ko Saimone (ʻa e Mamahi‘i Fonuá) pea mo Siutasi ‘Isikāliote, ‘a ē na‘á ne lavaki‘i iá.
Ko e Ngaahi Fakahinohino ‘a Si̇̄sū ki he Kau ‘Apōsitoló
(Ma‘ake 6:7-13; Luke 9:1-6)
5Ko ʻeni ia ʻa e toko hongofulumāua naʻe fekau atu mo e tuʻutuʻuni ʻa Si̇̄sū kiate kinautolu ʻo pehē:
‟‘Oua te mou ō ʻi he hala ki he Senitailé, pea ʻoua naʻa mou hū ko ha kolo ‘i Samēlia,” 6Ka mou ō muʻa ki he fanga sipi kuo mole ʻi he kakai ‘Isileli̇́. 7Pea ʻi hoʻomou ō mou malangaʻaki ʻo pehē: ‟Kuo panaki ʻa e Pule‘anga ‘o Hēvani̇́.”
8Mou fakamo‘ui ʻa e kakai ‘oku mahakiʻiá, pea fokotu‘u ʻa e kakai kuo maté. Mou fakamaʻa ʻa e kiliá, mo kapusi tēvolo. ‘Oua te mou ‘ai ke totongi ‘e he kakai̇́ ho‘omou ngāue ‘oku fai kiate kinautolú, he na‘e foaki atu maʻamoutolu ʻa e moʻui̇́, kae ‘ikai ‘eke atu ha totongi.
9‟Vakai na‘á mou fa‘o kato ha pa‘anga koula, pē siliva, pē ko ha pa‘anga kapa. 10Pea vakai na‘á mou ō mo ha kato meʻakai ki he fonongá, pē ko ha sote, pē sū ‘e ua, pē ko ha tokotoko, he ko e tangata ngāué, ‘oku taau ke tauhi ‘e he kakai̇́.
11Pea ka mou ka a‘u leva ki ha kolo lahi, pē ha kolo si‘isi‘i, pea mou kumi ha ‘api ‘e talitali lelei ai kimoutolu, ʻo mou nofo ai kae‘oua kuo mou hiki mei he kolo ko iá.
12Peá ka mou ka hū ki ha ‘api, pea mou tuku ha tāpuaki ma‘a e ‘api ko iá. 13Ka talitali lelei kimoutolu ‘e he ‘api ko iá, pea tuku ke nofo ai mo kinautolu ho‘omou tāpuaki̇́, pea kapau ‘e ‘ikai te nau talitali lelei kimoutolu, pea mou toe ō pē mo ho‘omou tāpuaki̇́.
14Peá ka ‘i ai ha taha ‘e ‘ikai te ne tali kimoutolu pē tokanga ki hoʻomou malangá, pea mou hiki mei he ‘api ko iá, pē ko e kolo ko iá. Tūtuu‘i ʻa e efu ‘o e feitu‘u ko iá mei homou vaʻé. 15He ko hono mo‘oni̇́ ʻeni ‘oku ou tala atu, ‘e ma‘ama‘a ange ʻa e tautea ʻo e kakai ‘o Sōtoma mo Komolá, ʻi he ʻAho Fakamaaú, ‘i he tautea ‘e fai ki he kakai ko iá.”
Ko e Fehangahangai mo e Faingata‘a
(Ma‘ake 13:9-13; Luke 21:12-17)
16‟Pea ko ʻeni ʻoku ou fekau ke mou ō atu ʻo mou hangē ko ha fanga sipi̇ ʻi he lotolotonga ‘o ha fanga ulofi̇. Ko ia ai, ‘ai ke mou olopoto ‘o hangē ko ha ngata, mo angamalū ‘o hangē ko ha lupe. 17Ka mou tokanga, he ‘e feinga ha ni‘ihi ke puke kimoutolu ‘o taki ki honau ngaahi fale fakatahaʻangá mo honau ngaahi falelotú, ke tāaʻi ai kimoutolu. 18Pea ʻe taki atu foki kimoutolu ki ha kau pule mo ha ngaahi Tuʻi koeʻuhi̇̄ ko au, ke mou hoko ko ha fakamo‘oni kiate au ‘i honau lotolotongá pea ki he kakai Senitailé foki.
19Peá ka fakamāau‘i kimoutolu, pea ‘oua te mou loto hoha‘a pē ko e hā ha lea te mou fai, pē ‘e anga fēfē. He ka toki hokosia ia, pea ‘e fakahā atu leva kiate kimoutolu ʻa e lea ke faí. 20He ʻoku ‘ikai ko kimoutolu ‘e lea ai̇́, ka ko e Laumālie ‘o ho‘omou Tamai̇́, te ne lea ‘iate kimoutolu.
21Pea ʻe fakaʻilo ‘e ha taha hano tokoua ke tāmate‘i, mo ha tamai hano foha pē ko hano ‘ōfefine ke tāmate‘i̇́. Pea ‘e fakafepaki ha fānau ki he‘enau mātu‘á, ‘o ‘ai ke tāmate‘i kinautolu. 22Pea tuʻunga ‘i hoku hingoá, ‘e fehi‘a ʻa e kakai̇́ kotoa kiate kimoutolu. Ka ko ia ‘e kātaki ‘o a‘u ki he ngata‘angá, ‘e fakamoʻui ia.
23Peá ka ngaohikovi‘i kimoutolu ‘i ha kolo, pea mou hiki atu ki ha kolo ‘e taha. He ko hono mo‘oni̇́ ʻeni ‘oku ou tala atú, ‘e te‘eki ke ‘osi ʻa e ngaahi kolo kotoa ‘o ‘Isileli̇́ ‘i ho‘omou ‘a‘ahi ki ai, kuo a‘u mai ʻa e Foha ‘o e Tangatá.
24‘Oku ‘ikai ha tama ako ‘e tuʻunga mā‘olunga hake ‘i heʻene faiakó, pea ‘oku ‘ikai ha tamaioʻeiki ‘e tuʻunga mā‘olunga hake ‘i hono pulé. 25‘Oku taau mo ha tama ako ke fiemālie ‘okapau ‘e tuʻunga tatau mo ʻene faiakó, pea fiemālie ha tamaioʻeiki ‘okapau ‘e tuʻunga tatau mo hono pulé. Kapau kuo ui ‘e ha ni‘ihi ʻa e ʻulu ‘o e fāmili̇́ ko Sētane, pea huanoa ha‘anau laukovi ʻe fai, ki he toenga ‘o e fāmili̇́.”
Ko Hai te ke Manavahē ki ai?
(Luke 12:2-7)
26‟Ko ia, ʻoua ‘e manavahē ki ha taha ʻi he kakai ko iá. He ‘oku ‘ikai ha me‘a ‘e fufūu‘i ka kuo pau ke fakahāa‘i. Ko e me‘a fakapulipuli kotoa pē kuo pau ke ‘ilo ki ai.
27Ko e me‘a ‘oku ou tala poʻuli atu kiate kimoutolú, mou tala ho‘atā atu ia. Ko e me‘a kotoa ‘oku ou fanafanahi atú, mou kailangaki‘i atu ia mei he ngaahi funga falé.
28Pea ʻoua te mou manavahē ki he fa‘ahinga, te nau lava ‘o tāmateʻi homou sinó pē, ka ‘oku ‘ikai te nau lava ‘o tāmate‘i homou laumālié, ka mou manavahē kimoutolu ki he ‘Otuá, ʻa ē ʻokú ne lava ke faka‘auha fakatou‘osi homou sinó mo homou laumālié, ‘i Heli.
29‘Ikai ‘oku mahu‘inga tatau ha ongo ki‘i fo‘i manupuna mo ha sēniti ‘e taha? Ka ʻoka tō ha ki‘i fo‘i manupuna ‘e taha ki he kelekelé, ‘oku ʻafioʻi pē ia ‘e ho‘omou Tamai̇́. 30Pea na‘á mo hoʻomou tu‘oni louʻulú tāutaha, kuó ne ‘osi lau fakalāutelau mo ia. 31Ko ia, ‘oua te mou manavahē. He ‘oku mou mahu‘inga ange kimoutolu ki he ‘Otuá ‘i ha fanga ki‘i manupuna tokolahi!”
Ko e Fakamo‘oni kia Kalaisi
(Luke 12:8,9)
32‟Pea ko ia kotoa pē te ne fakahā ʻi he haʻohaʻonga ʻo e kakai̇́ ʻene kau mo aú, te u fakahā foki ʻe au ki he‘eku Tamai ʻi Hēvani̇́ ʻeku kau mo iá. 33Pea ko ia kotoa pē te ne faka‘ikai‘i au ʻi he haʻohaʻonga ʻo e kakai̇́, te u fakahā foki ki he‘eku Tamai ʻi hēvani̇́, ‘oku ‘ikai te u kau mo ia.”
Ko e Fakatupu Moveuveu ‘o ‘Ikai ko e Fakatupu Melino
(Luke 12:51-53; 14:26,27)
34‟‘Oua te mou fakakaukau ko ‘eku ha‘ú ke fakamelino ‘a māmani. Na‘e ‘ikai te u ha‘u au ke fakamelino, ka ke fakaheletā. 35He ko ‘eku ha‘ú ke iku ʻo fehangahangai ai ha foha mo ʻene tamai̇́, ha ʻōfefine mo ʻene fa‘eé, ha fefine mali mo e fa‘ē ‘a hono mali̇́. 36Pea ko e fili lahi tahá ʻo ha tangata, ʻakinautolu pē ʻoku nofo mo ia ʻi hono ʻapi̇́.
37Ko ia ‘oku lahi ange ʻene ‘ofa ki heʻene tamai̇́ mo ʻene fa‘eé, pē ko hono fohá, pē ‘ōfefiné, ‘i heʻene ‘ofa kiate aú, ‘oku ‘ikai taau ia ke kau mo au. 38Pea ko ia ‘oku ‘ikai te ne loto ke fua hono kolosi̇́ ‘o muimui mai kiate aú, ‘oku ‘ikai ke taau ia ke kau mo au.
39ʻIlonga ha taha te ne feinga ke maʻu ʻene moʻui̇́, kuo pau ke mole ia. Pea ʻilonga ha taha te ne tuku ke mole ʻene moʻui̇́ koeʻuhi̇̄ ko au, te ne toki ma‘u ai ʻene moʻui̇́.”
Ko e Ngaahi Pale
(Ma‘ake 9:41)
40‟Ka talitali ‘e ha taha ʻakimoutolú, ko ʻene talitali ia aú, peá ka talitali ‘e ha taha au, ko ʻene talitali ai pē ia ʻa e toko taha na‘á ne fekau ke u ha‘ú.
41ʻIlonga ha taha te ne talitali ha palōfita koeʻuhi̇̄ ko e palōfita ia, kuo pau ke fakapale‘i ʻaki ia ha totongi fakapalōfita. Pea ko ia te ne talitali ha taha māʻoniʻoni koeʻuhi̇̄ ko ʻene māʻoniʻoni̇́, kuo pau ke fakapale‘i ia ʻaki ʻa e totongi ʻa e māʻoniʻoni̇́.
42Pea ʻilonga ‘a ia te ne ‘oange ha ipu vai momoko ki ha taha ʻi he‘eku kau ako ta‘etokangaekina tahá koeʻuhi̇̄ ko ʻene muimui ‘iate aú, ko hono mo‘oni̇́ ʻeni ‘oku ou tala atú, ‘e ‘ikai ʻaupito mole ʻene totongi̇ ʻaʻaná.”
Nke Ahọpụtara Ugbu A:
Mātiu 10: TCNT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Tongan Contemporary New Testament © Bible Society of the South Pacific, 2011.