Abụ Ọma 13
13
Abụ Ọma 13
Abụ Ọma nke dịrị onyeisi abụ. Abụ ọma Devid.
Ekpere maka nnapụta
1Ruo ole mgbe ka i ga-echefu m Onyenwe anyị?
Ruo ole mgbe ka i ga-ezonarị m ihu gị?#13:1 Job 13:24; Abụ 89:46
2Ruo ole mgbe ka mụ na mmụọ m ga na-agba mgba
nọdụkwa na-eru ụjụ kwa ụbọchị nʼime mkpụrụobi m?
Ruo ole mgbe ka ndị iro m ga-anọgide na-emeri m?
3Lekwasị m anya, ma zaa m, O Onyenwe anyị Chineke m.
Nyeghachi m ìhè nke anya m ka m ghara ịnwụ;
4mgbe ahụ onye iro m ga-asị, “Emeriela m ya,”
mgbe m ga-ada, ndị kpọrọ m asị ga-aṅụrịkwa ọṅụ.
5Ma atụkwasịrị m obi nʼịhụnanya gị nke na-enweghị ọgwụgwụ;
mkpụrụobi m na-aṅụrị ọṅụ na nzọpụta gị.
6Aga m abụku Onyenwe anyị abụ,
nʼihi na o mesoro m mmeso ọma.
Nke Ahọpụtara Ugbu A:
Abụ Ọma 13: BIU
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Baịbụlụ Nsọ nʼIgbo Ndị Ugbu a™
Ndị Biblica, Inc. degharịrị ya nʼafọ © 1980, 1988, 2019, 2020
Ọ bụ ndị Biblica, Inc. nyere ikike idenye amaokwu ndị a.
Ikike a dị nye ndị Biblica, Inc. nʼụwa niile.
――――――
Igbo Contemporary Bible™
Copyright © 1980, 1988, 2019, 2020 by Biblica, Inc.
Used with permission. All rights reserved worldwide.