1 Johannes 1
1
I vorba le trajoski
1Phenas tumenge pa i vorba le trajoski, savi sas tista anglunes. So ašundam, so dikhlam amare jakhenca, so dikhlam taj azbadam amare vastenca. 2Taj o trajo sikhadjilas, ame dikhlam kodo, taj phenas pa leste, taj phenas tumenge pa o trajo trajostar kaj sas kai o Dad taj sikhadjilas amenge. 3So dikhlam taj ašundam phenas tumenge te šaj aven vi tume jekh amenca, sar kaj sam ame jekh le Dadesa taj leske Šavesa, o Jesus Kristus. 4Kado ramonas tumenge te šaj avel amari voja tista bari.
Trajin and'o udud!
5Kadi si i vorba kaj ašundam leske Šavestar taj phenas tumenge: O Del si o udud, taj ande leste na'i či sosko tunjariko. 6Te phenasa ke sam jekh le Devlesa, me phiras and'o tunjariko, atunči xoxavas taj či žas pala o čačimos. 7Me te trajinasa and'o udud, sar kaj o Del si and'o udud, atunči sam jekh avrenca, taj le Devleske Šavesko rat vužarel amen katar sako bezex. 8Te phenasa ke na'i amen bezex, atunči pale amen xoxavas, taj o čačimos na'i ande amende. 9Te phenasa pe amare bezexa le Devleske, vo si čačimasko taj vorta, taj jertil amare bezexa taj vužarel amen katar sako nasulimos. 10Te phenasa ke či kerdam šoha bezexa, atunči las le Devles xoxamneske, taj leski vorba na'i ande amende.
Nke Ahọpụtara Ugbu A:
1 Johannes 1: LOV1984
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Det Norske Bibelselskap (Norwegain Bible Society) 1984