લૂક પ્રસ્તાવના
પ્રસ્તાવના
લૂક. આલેખિત શુભસંદેશ પ્રભુ ઈસુને સમસ્ત માનવજાતના ઉદ્ધારક તરીકે અને જેમના વિષે વચન આપવામાં આવ્યું હતું તે ઇઝરાયલના મસીહ તરીકે રજૂ કરે છે. આ શુભસંદેશની શરૂઆતમાં જ આપવામાં આવ્યું છે કે “દરિદ્રીઓની આગળ શુભસંદેશ પ્રગટ કરવા માટે” પ્રભુના આત્માએ ઈસુને તેડયા હતા, અને આ શુભસંદેશમાં જાતજાતની જરૂરિયાતો ધરાવતા લોકોની કાળજી લેવાયેલી જોવા મળે છે. શુભસંદેશમાં શરૂઆતે તેમ જ અંતે આનંદના સૂર સાંભળવાના મળે છે. શરૂઆતના અયાયોમાં ઈસુના આગમનની જાહેરાતમાં, તેમ જ શુભસંદેશના અંતભાગમાં પ્રભુ ઈસુનું સ્વર્ગારોહણ થાય છે, ત્યાં પણ આનંદના સૂર સંભળાય છે. આ શુભસંદેશનું આલેખન કરનાર લૂક. વૈદ્ય હતો અને પાઉલની શુભસંદેશ પ્રચારની મુસાફરીમાં તેનો સાથી હતો. આ જ શુભસંદેશના લેખક લૂકે ‘પ્રેષિતોનાં કાર્યો’ નામના તેના પુસ્તકમાં ઈસુના સ્વર્ગારોહણ પછી ખ્રિસ્તી વિશ્વાસની વાતની વૃદ્ધિ અને એના ફેલાવા વિષે લખ્યું છે.
ઘણી બધી બાબતો એવી છે કે જે માત્ર આ શુભસંદેશમાં જ જોવા મળે છે; જેમ કે, ઈસુના જન્મ વખતે દૂતોના ગાયનની અને ઘેટાંપાળકો જોવા ગયા તે વાત, બાર વર્ષની ઉંમરે મંદિરમાં પંડિતોની આગળ ચર્ચામાં ઊતર્યા તે અને ભલા સમરૂનીની વાત તેમજ ખોવાયેલા પુત્રની વાત. આ સમસ્ત શુભસંદેશમાં આ બાબતો પર વારંવાર ભાર મૂક્તો જોવા મળે છે: પ્રાર્થના, પવિત્ર આત્મા, ઈસુના સેવાકાર્યમાં સ્ત્રીઓએ ભજવેલો ભાગ, અને ઈશ્વર તરફથી મળતી પાપોની ક્ષમા.
રૂપરેખા
પ્રસ્તાવના ૧:૧-૪
યોહાન બાપ્તિસ્મા કરનાર અને ઈસુનો જન્મ અને બાલ્યકાળ ૧:૫—૨:૫૨
બાપ્તિસ્મા કરનાર યોહાનનું સેવાકાર્ય3:૧-૨૦
ઈસુનું બાપ્તિસ્મા અને તેમની ક્સોટી ૩:૨૧—૪:૧૩
ગાલીલથી યરુશાલેમ૯:૫૧—૧૯:૨૭
યરુશાલેમ અને એની આસપાસ ઈસુએ ગાળેલું છેલ્લું અઠવાડિયું ૧૯:૨૮—૨૩:૫૬
પ્રભુ ઈસુનું મૃત્યુમાંથી સજીવન થવું, તેમનાં દર્શનો અને તેમનું સ્વર્ગારોહણ ૨૪:૧-૫૩
Nke Ahọpụtara Ugbu A:
લૂક પ્રસ્તાવના: GUJCL-BSI
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Gujarati Common Language Bible - પવિત્ર બાઇબલ C.L.
Copyright © 2016 by The Bible Society of India
Used by permission. All rights reserved worldwide