Эвел 32
32
Исав рякъюз Якьубдин гьязурлугъʼвал
1Якьубди чан рякъ давам апӀурайиган, Заанурин малайикариз думу алахъуру. 2Дурар гъяркъю Якьубди:
– Му йишв Заанурин дийигъру йишв ву! – кӀуру.
Ва му йишваз Якьубди Маханаим («дийигъру кьюб йишв») кӀуру ччвур туву.
3Якьубди Эдум уьлкейин Сеир жилариина чан чве Исавдихьна хабар хьади апӀури, адмийир гьаъру. 4Якьубди дурариз гьамци йипай кӀуру:
– Йиз агъа Исавдиз, яв лукӀ Якьубди гьамци йип кӀура: «Узу Лавандихь жара йишвариъ гизаф йисари яшамиш гъахьунза. 5Гьамус узуз йицарна дажйир, марччар, лукӀарди жиларна хпар азуз. Узу увуз, йиз агъайиз, гьаму хабар хьади гьаъраза ва миж кайиз уву узуз рягьим улупур кӀури».
6Кьяляхъ гъафи хабарчйири Якьубдиз гъапи:
– Учу яв чве Исавдихьна гъушунча. Думу яв улихьна гъюра. Дугъахъди юкьудварж адмира хъа.
7ГучӀ шулу Якьубдиз, гьапӀруш-гьапӀдарш мюгьтал шулу. Дугъу чан адмийир мал-къара, девйир кьюб йишваз пай апӀуру.
8«Эгер, – фикир апӀуру Якьубди, – Исав саб бинайиин алархьну вари терг гъапӀиш, имбуну бинайиин гъуздари гьергнура чиб уьрхюр». 9Хъа Якьуб ккарагуз хъюгъру: «Я, йиз аба Ибрагьимдин Заанур, йиз адаш Исакьдин Заанур – узуз йиз багъри ругариина гъарах гъапи ва, Узу уву арбаб апӀидизаву гъапи РАББИ! 10Узу, Яв лукӀ, Уву узуз улупури гъахьи вафалувализна мердвализ лайикьур дарза. Узу Иордан нирин тинди хилиъ саб маргъ адитӀан гъушур дайза, хъа гьамус узуз мал-мутмуйин кьюб бина азуз. 11Йиз гъардаш Исавдихьан узу уьрх сарун! Узуз яман гучӀ казуз: дугъу, дуфну учу вари, дишагьлийирра бицӀидарра кмиди, йивну йикӀуру! 12Узу уьрхидизаву дупну гаф Тувур Уву дайнахъа! Уву гаф тувундайнахъа йиз насил сан-гьисаб адру гьюлин гъумкьан гизаф хьиди кӀури!» 13Якьубди гьадушваъ йишв адапӀуру, хъа гвачӀниган Исавдиз чан мал-къарайикан багъишар гъядягъюру: 14кьюдварж цӀигь, къаб кьун, кьюдварж марчч, къаб якъ, 15кӀарарра хъайи ва ккудурзурайи сумчӀур деве, ягъчӀвур хюни, йицӀуб йиц, къаб хпи дажи, йицӀуб жили дажи. 16-17Гъядябгъю мал-къара Якьубди, гьар гъварч жа-жаради хъаъну гъяруси, чан лукӀарихьна тувру. Якьубди хъаъну гъярудариз кӀуру:
– Арайиъ саб кьадар манзил ади хъаъну гъарахай. Йиз гъардаш Исав увуз алахъиган, – кӀуру Якьубди хъаъну гъягъру сарпириз, – дугъу увхьан: «Шлин лукӀ вува? Наана гъярайир вува? Шлин мал-къара хъапӀрава?» – пну гьерхдивухьан, 18ва: «Му мал-къара, яв лукӀ Якьубдинуб, йиз агъа Исавдиз багъишди гьапӀнайиб вуйиз, хъа учв, Якьуб, кьяляхъди гъюра», – йип.
19-20– Исав алахъиган «Яв лукӀ Якьуб кьяляхъди гъюра» пуз, лигай, кӀваълан магьапӀанай, – кӀуру Якьубди кьюбпиризра шубубпиризра ва имбуну варидаризра.
Гьамци, улихьди хъаънайи багъишариинди Якьубдин Исав ккарцуз миж кайи. «Хъа, – фикир апӀуру Якьубди, – узу дугъаз ачмиш хьидиза. Белки гьадмуган узу ужуйи къаршуламиш апӀур». 21Хъа Якьуб, багъишар улихьди гьаъну, учв йишвазди бинайиин гъузру.
Якьубдин ччвур Израил хьуб
22Якьуб гьадму йишван гъудужвну, кьюрид чан хпарра, кьюрид чан лукӀ-хпарра ва йицӀисар чан баярра гъитӀиккну, Яббук ниркан ктучӀвуру. 23Дугъу дурар вари ва чаз айи вари мутму, тмуну гъирагъдикинди ктагънийи, 24хъа учв сарди муну гъирагъдихъ гъузнийи. Ва магьа Сар фуж-вуш мугъахъди юкьвяр дисуз хъюгъю. Думу Якьубдихъди ахсрар ккивайизкьан юкьвар дисури имийи. 25Чахьан Якьуб ккагъуз даршлуб аьгъю гъабхьири, Дугъу Якьубдин ликриз жукьвнан йиркк адабхъруганси йивуру, 26хъа Якьубдиз кӀуру:
– Ахсрар ккивну, сарун деет Узу.
– Уву узуз ужʼвал ибшривуз дарпиди деетударзаву, – жаваб туву Якьубди.
27– Яв ччвур фуж вуяв? – гьерхру Тмунури.
– Якьуб, – гъапи дугъу.
28Хъа гьадмуган Тмунури дугъаз гьамци кӀуру:
– Гьамусдихъантина увуз Якьуб кӀури хьидар, хъа – Израил («Заанурихъди женгнаъ гъахьир»), гьаз гъапиш, уву Заанурихъди ва инсанарихъдира женгнаъ ади гъахьунва. Уву ккагъуз гъабхьундар.
29– Яв ччвур узуз йипа! – тӀалаб гъапӀу Якьубди.
Хъа Тмунури:
– Йиз ччвур аьгъю дапӀну гьаз вуяв? – гъапи. Ва Дугъу Якьубдиз ужʼвал ибшривуз гъапнийи.
30Му ляхин гъабхьи йишваз Якьубди Пени-Эл кӀуру, гьаддиз дугъу гъапи: «Узуз мушвахь Заанур машна-машди гъяркъюнзуз ва чӀивиди гъузунзу». 31Ригъ гьудубчӀву. Якьубди Пени-Эл («Заанурин маш») гъибту. Думу ликуди гъяри гъаши. 32Гьаддиз гьамусдира израил халкьди жукьвнан табар итӀури шулдар. Гьаз гъапиш Якьубдин гьадму табариз айишваз Дугъу гъивнийи.
Nke Ahọpụtara Ugbu A:
Эвел 32: ТабГК
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023
Эвел 32
32
Исав рякъюз Якьубдин гьязурлугъʼвал
1Якьубди чан рякъ давам апӀурайиган, Заанурин малайикариз думу алахъуру. 2Дурар гъяркъю Якьубди:
– Му йишв Заанурин дийигъру йишв ву! – кӀуру.
Ва му йишваз Якьубди Маханаим («дийигъру кьюб йишв») кӀуру ччвур туву.
3Якьубди Эдум уьлкейин Сеир жилариина чан чве Исавдихьна хабар хьади апӀури, адмийир гьаъру. 4Якьубди дурариз гьамци йипай кӀуру:
– Йиз агъа Исавдиз, яв лукӀ Якьубди гьамци йип кӀура: «Узу Лавандихь жара йишвариъ гизаф йисари яшамиш гъахьунза. 5Гьамус узуз йицарна дажйир, марччар, лукӀарди жиларна хпар азуз. Узу увуз, йиз агъайиз, гьаму хабар хьади гьаъраза ва миж кайиз уву узуз рягьим улупур кӀури».
6Кьяляхъ гъафи хабарчйири Якьубдиз гъапи:
– Учу яв чве Исавдихьна гъушунча. Думу яв улихьна гъюра. Дугъахъди юкьудварж адмира хъа.
7ГучӀ шулу Якьубдиз, гьапӀруш-гьапӀдарш мюгьтал шулу. Дугъу чан адмийир мал-къара, девйир кьюб йишваз пай апӀуру.
8«Эгер, – фикир апӀуру Якьубди, – Исав саб бинайиин алархьну вари терг гъапӀиш, имбуну бинайиин гъуздари гьергнура чиб уьрхюр». 9Хъа Якьуб ккарагуз хъюгъру: «Я, йиз аба Ибрагьимдин Заанур, йиз адаш Исакьдин Заанур – узуз йиз багъри ругариина гъарах гъапи ва, Узу уву арбаб апӀидизаву гъапи РАББИ! 10Узу, Яв лукӀ, Уву узуз улупури гъахьи вафалувализна мердвализ лайикьур дарза. Узу Иордан нирин тинди хилиъ саб маргъ адитӀан гъушур дайза, хъа гьамус узуз мал-мутмуйин кьюб бина азуз. 11Йиз гъардаш Исавдихьан узу уьрх сарун! Узуз яман гучӀ казуз: дугъу, дуфну учу вари, дишагьлийирра бицӀидарра кмиди, йивну йикӀуру! 12Узу уьрхидизаву дупну гаф Тувур Уву дайнахъа! Уву гаф тувундайнахъа йиз насил сан-гьисаб адру гьюлин гъумкьан гизаф хьиди кӀури!» 13Якьубди гьадушваъ йишв адапӀуру, хъа гвачӀниган Исавдиз чан мал-къарайикан багъишар гъядягъюру: 14кьюдварж цӀигь, къаб кьун, кьюдварж марчч, къаб якъ, 15кӀарарра хъайи ва ккудурзурайи сумчӀур деве, ягъчӀвур хюни, йицӀуб йиц, къаб хпи дажи, йицӀуб жили дажи. 16-17Гъядябгъю мал-къара Якьубди, гьар гъварч жа-жаради хъаъну гъяруси, чан лукӀарихьна тувру. Якьубди хъаъну гъярудариз кӀуру:
– Арайиъ саб кьадар манзил ади хъаъну гъарахай. Йиз гъардаш Исав увуз алахъиган, – кӀуру Якьубди хъаъну гъягъру сарпириз, – дугъу увхьан: «Шлин лукӀ вува? Наана гъярайир вува? Шлин мал-къара хъапӀрава?» – пну гьерхдивухьан, 18ва: «Му мал-къара, яв лукӀ Якьубдинуб, йиз агъа Исавдиз багъишди гьапӀнайиб вуйиз, хъа учв, Якьуб, кьяляхъди гъюра», – йип.
19-20– Исав алахъиган «Яв лукӀ Якьуб кьяляхъди гъюра» пуз, лигай, кӀваълан магьапӀанай, – кӀуру Якьубди кьюбпиризра шубубпиризра ва имбуну варидаризра.
Гьамци, улихьди хъаънайи багъишариинди Якьубдин Исав ккарцуз миж кайи. «Хъа, – фикир апӀуру Якьубди, – узу дугъаз ачмиш хьидиза. Белки гьадмуган узу ужуйи къаршуламиш апӀур». 21Хъа Якьуб, багъишар улихьди гьаъну, учв йишвазди бинайиин гъузру.
Якьубдин ччвур Израил хьуб
22Якьуб гьадму йишван гъудужвну, кьюрид чан хпарра, кьюрид чан лукӀ-хпарра ва йицӀисар чан баярра гъитӀиккну, Яббук ниркан ктучӀвуру. 23Дугъу дурар вари ва чаз айи вари мутму, тмуну гъирагъдикинди ктагънийи, 24хъа учв сарди муну гъирагъдихъ гъузнийи. Ва магьа Сар фуж-вуш мугъахъди юкьвяр дисуз хъюгъю. Думу Якьубдихъди ахсрар ккивайизкьан юкьвар дисури имийи. 25Чахьан Якьуб ккагъуз даршлуб аьгъю гъабхьири, Дугъу Якьубдин ликриз жукьвнан йиркк адабхъруганси йивуру, 26хъа Якьубдиз кӀуру:
– Ахсрар ккивну, сарун деет Узу.
– Уву узуз ужʼвал ибшривуз дарпиди деетударзаву, – жаваб туву Якьубди.
27– Яв ччвур фуж вуяв? – гьерхру Тмунури.
– Якьуб, – гъапи дугъу.
28Хъа гьадмуган Тмунури дугъаз гьамци кӀуру:
– Гьамусдихъантина увуз Якьуб кӀури хьидар, хъа – Израил («Заанурихъди женгнаъ гъахьир»), гьаз гъапиш, уву Заанурихъди ва инсанарихъдира женгнаъ ади гъахьунва. Уву ккагъуз гъабхьундар.
29– Яв ччвур узуз йипа! – тӀалаб гъапӀу Якьубди.
Хъа Тмунури:
– Йиз ччвур аьгъю дапӀну гьаз вуяв? – гъапи. Ва Дугъу Якьубдиз ужʼвал ибшривуз гъапнийи.
30Му ляхин гъабхьи йишваз Якьубди Пени-Эл кӀуру, гьаддиз дугъу гъапи: «Узуз мушвахь Заанур машна-машди гъяркъюнзуз ва чӀивиди гъузунзу». 31Ригъ гьудубчӀву. Якьубди Пени-Эл («Заанурин маш») гъибту. Думу ликуди гъяри гъаши. 32Гьаддиз гьамусдира израил халкьди жукьвнан табар итӀури шулдар. Гьаз гъапиш Якьубдин гьадму табариз айишваз Дугъу гъивнийи.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023