Эвел 33
33
Якьубна Исав къаршуламиш хьуб
1Гъилигу Якьубдиз чан гъаншаризди юкьудварж кас хъади гъюрайи Исав гъяркъю. Якьубди чан веледар, гьарсар чан дадайин – Лияйин Рахилин ва кьюрид лукӀ-хпарин гъвалахъ дерккну. 2Дугъу лукӀ-хпарна дурарин бицӀидар улихь дерккнийи, дурарин кьяляхъ – Лияна дугъан бицӀидар, хъа дугъан кьяляхъ – Рахилна Юсуф. 3ВаритӀан улихьди гъярайи Якьубди, чан гъардшиз багахь хьайиз, дугъаз жилиинакьан ургуб ражари икрам гъапӀу. 4Хъа Исав кӀуруш, жаргъну дугъан гардандиъ макар апӀури архьру ва кьюридра ишуру. 5Хпарна бицӀидар гъяркъю Исавди:
– Хъа мурар фужар вуяв? – пну гьерху.
– Мурар узуз, яв лукӀраз, Заанури багъиш гъапӀу веледар вуйиз, – гъапи Якьубди.
6ЛукӀ-хпар, чпин бицӀидарра хъади дуфну, Исавдиз икрам гъапӀу. 7Хъасин Лияйи, чан бицӀидар хъади дуфну, икрам гъапӀу, хъасин – Рахилина Юсуфди икрам гъапӀу.
8– ГьапӀру лижар вуяв узуз рякъюъ алахьдар? – гьерху Исавди.
– Дурар, уву узу рягьим улупузди гьаънайи пешкешар, йиз агъа, – гъапи Якьубди.
9– Узуз ккунибкьан мутму азуз, йиз гъардаш, – кӀуру Исавди, – гъит, яв мутму увуз гъубзри.
10– Ваъ, дици шулдар, узухьна рягьимлу йихь, уву йиз багъиш кьабул апӀин! Уву рякъюб узуз – машна-машди Заанур гъяркъюбси вузуз – гьаци ужуди уву узу кьабул гъапӀунва! 11Уву йиз багъиш, йиз увухьна вуйи ужʼвалин лишан вуди бис. Заанури узуз бегьемди тувунзуз, узуз вари азуз.
Якьубди чан багъиш бисуб ижмишнаан ккун апӀурайи, ва Исав думу кьабул апӀуз рази гъаши.
12– Гъач, сарун рякъюъ учӀвурхьа, – гъапи Исавди Якьубдиз. – Узу увухъди гъягъидиза.
13Аммаки Якьубди:
– Увуз аьгъявуз, йиз агъа, бицӀидар фици зяифдар шулуш. Хъа марччарна малар ккитрайидар вуйиз. Дурариин маргъ иливиш, вари сад йигъандин арайиъ йихиди. 14Гьамци гъапӀиш, йиз агъа, ужу хьибди: уву улихьди гъарах, хъа узу, яв лукӀ, мал-марчч гъябгъруси, бицӀидар гъяруси, Сеириз хъуркьайизкьан увухьна, йиз агъайихьна явашди гъидиза.
15– Гъач, узу увухъди йиз адмийирикан гъитдиза, – теклиф диву Исавди.
Хъа Якьубди:
– Уву фу кӀурава, ваъ! Уву, йиз агъа, гьацира узухьна рягьимлу вува!
16Гьадму йигъан Исав, кьяляхъ, Сеириз рякъюъ учӀву.
17Хъа Якьубди Суккутдизди рякъ гъибису. Дугъу душваъ чаз хал, мал-къарайиз далда диву. Гьаддиз му йишваз Суккут («далдйир») кӀури гъаши.
18Паддан-Арамдиан кьяляхъ гъафи Якьуб, Ханаан жилиин али Шехем шагьриз сагъ-саламатди гъафи, ва шагьрин гъирагъдихъ яшамиш хьуз хъюгъру. 19Бина диву жил Якьубди Хамурин баярихьан, Шехемдин адашдихьан, варж кесита#33:19 Кесита – кюгьне вахтарин му уьлчме фукьан гъагъишан вуш ясана пулин кьадар вуш, мялум дар. арсрахъ гъадабгъуб вуйи. 20Душваъ дугъу гъурбан апӀрушв тикмиш гъапӀу ва душваз Эл-Элохе-Израил («Заанур – Израилин Заанур ву») кӀуру ччвур туву.
Nke Ahọpụtara Ugbu A:
Эвел 33: ТабГК
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023
Эвел 33
33
Якьубна Исав къаршуламиш хьуб
1Гъилигу Якьубдиз чан гъаншаризди юкьудварж кас хъади гъюрайи Исав гъяркъю. Якьубди чан веледар, гьарсар чан дадайин – Лияйин Рахилин ва кьюрид лукӀ-хпарин гъвалахъ дерккну. 2Дугъу лукӀ-хпарна дурарин бицӀидар улихь дерккнийи, дурарин кьяляхъ – Лияна дугъан бицӀидар, хъа дугъан кьяляхъ – Рахилна Юсуф. 3ВаритӀан улихьди гъярайи Якьубди, чан гъардшиз багахь хьайиз, дугъаз жилиинакьан ургуб ражари икрам гъапӀу. 4Хъа Исав кӀуруш, жаргъну дугъан гардандиъ макар апӀури архьру ва кьюридра ишуру. 5Хпарна бицӀидар гъяркъю Исавди:
– Хъа мурар фужар вуяв? – пну гьерху.
– Мурар узуз, яв лукӀраз, Заанури багъиш гъапӀу веледар вуйиз, – гъапи Якьубди.
6ЛукӀ-хпар, чпин бицӀидарра хъади дуфну, Исавдиз икрам гъапӀу. 7Хъасин Лияйи, чан бицӀидар хъади дуфну, икрам гъапӀу, хъасин – Рахилина Юсуфди икрам гъапӀу.
8– ГьапӀру лижар вуяв узуз рякъюъ алахьдар? – гьерху Исавди.
– Дурар, уву узу рягьим улупузди гьаънайи пешкешар, йиз агъа, – гъапи Якьубди.
9– Узуз ккунибкьан мутму азуз, йиз гъардаш, – кӀуру Исавди, – гъит, яв мутму увуз гъубзри.
10– Ваъ, дици шулдар, узухьна рягьимлу йихь, уву йиз багъиш кьабул апӀин! Уву рякъюб узуз – машна-машди Заанур гъяркъюбси вузуз – гьаци ужуди уву узу кьабул гъапӀунва! 11Уву йиз багъиш, йиз увухьна вуйи ужʼвалин лишан вуди бис. Заанури узуз бегьемди тувунзуз, узуз вари азуз.
Якьубди чан багъиш бисуб ижмишнаан ккун апӀурайи, ва Исав думу кьабул апӀуз рази гъаши.
12– Гъач, сарун рякъюъ учӀвурхьа, – гъапи Исавди Якьубдиз. – Узу увухъди гъягъидиза.
13Аммаки Якьубди:
– Увуз аьгъявуз, йиз агъа, бицӀидар фици зяифдар шулуш. Хъа марччарна малар ккитрайидар вуйиз. Дурариин маргъ иливиш, вари сад йигъандин арайиъ йихиди. 14Гьамци гъапӀиш, йиз агъа, ужу хьибди: уву улихьди гъарах, хъа узу, яв лукӀ, мал-марчч гъябгъруси, бицӀидар гъяруси, Сеириз хъуркьайизкьан увухьна, йиз агъайихьна явашди гъидиза.
15– Гъач, узу увухъди йиз адмийирикан гъитдиза, – теклиф диву Исавди.
Хъа Якьубди:
– Уву фу кӀурава, ваъ! Уву, йиз агъа, гьацира узухьна рягьимлу вува!
16Гьадму йигъан Исав, кьяляхъ, Сеириз рякъюъ учӀву.
17Хъа Якьубди Суккутдизди рякъ гъибису. Дугъу душваъ чаз хал, мал-къарайиз далда диву. Гьаддиз му йишваз Суккут («далдйир») кӀури гъаши.
18Паддан-Арамдиан кьяляхъ гъафи Якьуб, Ханаан жилиин али Шехем шагьриз сагъ-саламатди гъафи, ва шагьрин гъирагъдихъ яшамиш хьуз хъюгъру. 19Бина диву жил Якьубди Хамурин баярихьан, Шехемдин адашдихьан, варж кесита#33:19 Кесита – кюгьне вахтарин му уьлчме фукьан гъагъишан вуш ясана пулин кьадар вуш, мялум дар. арсрахъ гъадабгъуб вуйи. 20Душваъ дугъу гъурбан апӀрушв тикмиш гъапӀу ва душваз Эл-Элохе-Израил («Заанур – Израилин Заанур ву») кӀуру ччвур туву.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023