Эвел 34
34
Динайиз гъапӀу аьрвал
1Дина, Лияйикан вуйи Якьубдин риш, думу йишван шубарихьна гъушнийи. 2Думу уьлкейин аьхюр вуйи хиввейжви Хамурин бай Шехемдиз Дина рякъюру ва дидисну дугъʼина аьрвал хуру. 3Думу балин юкӀв Динайик, Якьубдин шурак, кабсру. Думу дугъаз ккун шулу ва шураз уччвудар гафар апӀуру. 4Хъа чпин адашдиз:
– Му риш узуз швушвди ча йип, – кӀуру.
5Якьубдиз, чан шурʼина аьрвал хуб аьгъю шулу. Думу вахтна дугъан баяр ятгъариъ малар-марччар уьрхюри ярхлаъ ади гъахьну. Дурар гъяйиз Якьуб ккебехъну гъузнийи. 6Шехемдин адаш Хамур Якьубдихьна му ляхин албагуз гъюру.
7Мидкан хабар гъеебхьу Якьубдин баяр хулаз гъюру. Дурарик яман хъял кубчӀвнайи, фицики Якьубдин шурʼина аьрвал хувал – му думуганра гьамусра Израилиъ зурба аьйиб ву: мици апӀуб зат хьуз мумкин вуйи ляхин дар!
8Хамури гъапи:
– Йиз бай Шехемдихьан яв риш дарди ктисуз шуладариз! Узу ичв риш ча кӀури дуфнайир вуза! 9Учву учукди кдикьидичва. Ичв шубар учуз швушварди, ич шубар учу учвуз швушварди туври хьидихьа. 10Учухъди сатӀиди яшамиш йихьай, ич ватан ичв улихь хьа: ккунишваъ яшамиш йихьай, азадди лицай, жил ичв хусусиятдиз илтӀибкӀай.
11Хъа Шехемди Динайин адашдизна гъардшариз гьамци гъапи:
– Узухьна рягьимлу йихьай, учву гъапиб вари тувурзачвуз! 12ВаритӀан зурба кьимат ва варитӀан багьа багъишар йипай, учву гъапиб вари тувурзачвуз, анжагъ узуз риш швушвди чавай!
13Хъа Якьубдин баяри Шехемдизна дугъан адаш Хамуриз аьмал ади гьамциб жаваб туву, фицики Шехемди дурарин чи Динайиин аьйиб илипнайи:
14– Учхьан дици апӀуз хьибдарчухьан, – гъапи дурари. – Суннат дапӀну адру касдиз ич чи тувуз хьибдарчухьан, фицики думу учуз биябур хьувал ву. 15Аммаки учу саб ляхнизтӀан рази хьидарча: учвура учуси хьузди, вари ичв жиларин суннат дапӀну ккунду. 16Гьадмуган учу учвуз ич шубар швушварди туври ва ичв шубар учуз швушварди хури апӀидича, гьаци гъабхьиган учу учвукди кдикьидича ва учвухъди саб халкьди хьидича. 17Хъа эгер учву учухъ хъпебехъиш ва ичв суннатар дарапӀиш, учу ич чи гъадагъну удучӀвну гъярча.
18Хамуризна Шехемдиз мицдар тӀалабар кьабул гъахьнийи. 19Жигьили шлубкьан ухди чан суннат апӀуз гьял гъапӀнийи – гьаци ижмиди дугъаз Якьубдин риш ккун духьнайи. Шехем чпин адашдин тухмиъ варитӀан гьюрматлу кас вуди гъахьну. 20Ва магьа, шагьрин урнарихъна дуфну Хамурина Шехемди халкьдиз гьамци гъапи:
21– Думу адмийир мясляаьт ккуни адмийир ву. Гъит дурар ихь ругариин биналамиш ишри ва азадди лицри. Дураризра кади ккунибкьан жил ахьуз. Дурарин шубар ухьуз швушварди гъадагъидихьа ва ихь шубар – дурари. 22Аммаки дурарин ухьухьна вуйи саб тӀалаб а: дурариси ухьура ихь варидарин суннат дапӀну ккунду. 23Дурарин лижар, дурарин мутму, дурарин мал-къара, эгер дурарин тӀалаб ухьу кьабул гъапӀиш – вари ихьуб хьибди, ва дурар ухьухъди сатӀиди яшамиш хьуз хъюгъди!
24Шагьрин агьалйир Хамурина Шехемди кӀурубдиз рази гъаши ва шагьрин вари жилари чпин суннат гъапӀу. 25Шубудпи йигъан, дурар иццури имиди, Якьубдин баяр вуйи, Динайин багъри гъардшар Симеонна Левийи чпин турар гъадагъну, саб манигъʼвалра адарди шагьриъ архьнийи ва саркьан гъидидипди вари жилар йивну гъийихнийи. 26Хамурна Шехемра туриинди дийихну, Шехемдин хулʼан Дина адагъну хъади гъягъюру. 27Хъасин Якьубдин баяри, шагьриз дуфну, думу тӀараш гъапӀнийи, фицики му шагьриъ дурарин чуччʼина аьрвал дубхнайи. 28Дурари, шагьриъ ва чӀурдиъ айи дурарин мал-марчч, дажйир, 29хиввеярин вари девлет, вари бицӀидар ва хпар йисирвализ гъадагъну, хулариъ айиб вари тӀараш дапӀну гъушнийи.
30Якьубди Симеондизна Левийиз гъапи:
– Учву узʼин бала илипунчва! Му йишван халкьариз – ханаанеяризна перизеяриз узкан душман ктаунчва. Ухьуз цӀибтӀан адмийир адархьуз, хъа дурар сатӀи хьиди, узу йивну йикӀиди ва ихь вари тум ккадабхъиди!
31Хъа Симеондина Левийи гьамциб жаваб тувнийи:
– Дурариз шли ихтияр тувну ич чуччкан лицру дишагьлийикансдар апӀуз!
Nke Ahọpụtara Ugbu A:
Эвел 34: ТабГК
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023
Эвел 34
34
Динайиз гъапӀу аьрвал
1Дина, Лияйикан вуйи Якьубдин риш, думу йишван шубарихьна гъушнийи. 2Думу уьлкейин аьхюр вуйи хиввейжви Хамурин бай Шехемдиз Дина рякъюру ва дидисну дугъʼина аьрвал хуру. 3Думу балин юкӀв Динайик, Якьубдин шурак, кабсру. Думу дугъаз ккун шулу ва шураз уччвудар гафар апӀуру. 4Хъа чпин адашдиз:
– Му риш узуз швушвди ча йип, – кӀуру.
5Якьубдиз, чан шурʼина аьрвал хуб аьгъю шулу. Думу вахтна дугъан баяр ятгъариъ малар-марччар уьрхюри ярхлаъ ади гъахьну. Дурар гъяйиз Якьуб ккебехъну гъузнийи. 6Шехемдин адаш Хамур Якьубдихьна му ляхин албагуз гъюру.
7Мидкан хабар гъеебхьу Якьубдин баяр хулаз гъюру. Дурарик яман хъял кубчӀвнайи, фицики Якьубдин шурʼина аьрвал хувал – му думуганра гьамусра Израилиъ зурба аьйиб ву: мици апӀуб зат хьуз мумкин вуйи ляхин дар!
8Хамури гъапи:
– Йиз бай Шехемдихьан яв риш дарди ктисуз шуладариз! Узу ичв риш ча кӀури дуфнайир вуза! 9Учву учукди кдикьидичва. Ичв шубар учуз швушварди, ич шубар учу учвуз швушварди туври хьидихьа. 10Учухъди сатӀиди яшамиш йихьай, ич ватан ичв улихь хьа: ккунишваъ яшамиш йихьай, азадди лицай, жил ичв хусусиятдиз илтӀибкӀай.
11Хъа Шехемди Динайин адашдизна гъардшариз гьамци гъапи:
– Узухьна рягьимлу йихьай, учву гъапиб вари тувурзачвуз! 12ВаритӀан зурба кьимат ва варитӀан багьа багъишар йипай, учву гъапиб вари тувурзачвуз, анжагъ узуз риш швушвди чавай!
13Хъа Якьубдин баяри Шехемдизна дугъан адаш Хамуриз аьмал ади гьамциб жаваб туву, фицики Шехемди дурарин чи Динайиин аьйиб илипнайи:
14– Учхьан дици апӀуз хьибдарчухьан, – гъапи дурари. – Суннат дапӀну адру касдиз ич чи тувуз хьибдарчухьан, фицики думу учуз биябур хьувал ву. 15Аммаки учу саб ляхнизтӀан рази хьидарча: учвура учуси хьузди, вари ичв жиларин суннат дапӀну ккунду. 16Гьадмуган учу учвуз ич шубар швушварди туври ва ичв шубар учуз швушварди хури апӀидича, гьаци гъабхьиган учу учвукди кдикьидича ва учвухъди саб халкьди хьидича. 17Хъа эгер учву учухъ хъпебехъиш ва ичв суннатар дарапӀиш, учу ич чи гъадагъну удучӀвну гъярча.
18Хамуризна Шехемдиз мицдар тӀалабар кьабул гъахьнийи. 19Жигьили шлубкьан ухди чан суннат апӀуз гьял гъапӀнийи – гьаци ижмиди дугъаз Якьубдин риш ккун духьнайи. Шехем чпин адашдин тухмиъ варитӀан гьюрматлу кас вуди гъахьну. 20Ва магьа, шагьрин урнарихъна дуфну Хамурина Шехемди халкьдиз гьамци гъапи:
21– Думу адмийир мясляаьт ккуни адмийир ву. Гъит дурар ихь ругариин биналамиш ишри ва азадди лицри. Дураризра кади ккунибкьан жил ахьуз. Дурарин шубар ухьуз швушварди гъадагъидихьа ва ихь шубар – дурари. 22Аммаки дурарин ухьухьна вуйи саб тӀалаб а: дурариси ухьура ихь варидарин суннат дапӀну ккунду. 23Дурарин лижар, дурарин мутму, дурарин мал-къара, эгер дурарин тӀалаб ухьу кьабул гъапӀиш – вари ихьуб хьибди, ва дурар ухьухъди сатӀиди яшамиш хьуз хъюгъди!
24Шагьрин агьалйир Хамурина Шехемди кӀурубдиз рази гъаши ва шагьрин вари жилари чпин суннат гъапӀу. 25Шубудпи йигъан, дурар иццури имиди, Якьубдин баяр вуйи, Динайин багъри гъардшар Симеонна Левийи чпин турар гъадагъну, саб манигъʼвалра адарди шагьриъ архьнийи ва саркьан гъидидипди вари жилар йивну гъийихнийи. 26Хамурна Шехемра туриинди дийихну, Шехемдин хулʼан Дина адагъну хъади гъягъюру. 27Хъасин Якьубдин баяри, шагьриз дуфну, думу тӀараш гъапӀнийи, фицики му шагьриъ дурарин чуччʼина аьрвал дубхнайи. 28Дурари, шагьриъ ва чӀурдиъ айи дурарин мал-марчч, дажйир, 29хиввеярин вари девлет, вари бицӀидар ва хпар йисирвализ гъадагъну, хулариъ айиб вари тӀараш дапӀну гъушнийи.
30Якьубди Симеондизна Левийиз гъапи:
– Учву узʼин бала илипунчва! Му йишван халкьариз – ханаанеяризна перизеяриз узкан душман ктаунчва. Ухьуз цӀибтӀан адмийир адархьуз, хъа дурар сатӀи хьиди, узу йивну йикӀиди ва ихь вари тум ккадабхъиди!
31Хъа Симеондина Левийи гьамциб жаваб тувнийи:
– Дурариз шли ихтияр тувну ич чуччкан лицру дишагьлийикансдар апӀуз!
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023