Methiu Yaophi
Yaophi
Methiu pha Muawie yao pha ji ne Isu ne Ragia ro sbang rek, ai chiang shii Hamangkhung-aphuii è ihèg surua shii awai branthek shii sbangthek rek pha ji duiine zab rey yi. Hì pha mua wie jine Jewish branthek jia shii asidoh bie ro, jishii zab pha sohjambling shii, hanyie thek duchoi shii Isu giak ne sieng pha ji shii de ro.
Methiu pha jigigam ne gayiigdang ne zey marui ro. Hì ne Isu giak pha è jao ne, airo khowo nane chuajan, ji pha idoh shii Galili hà airo muyua nane gang rek phi pha ji ìd yi. Jithek zey ched ne Isu è Galili è Jerusalem wuii dun, chiih-è idoh pha habda aishii bai hà ziin ne ua muii chiih-è ai hòi din chiih-è nyie rey pha miyao ji de zey ne um ro.
Hì pha Muawie è yao pha ji ne Isu ne, hanyie shii Hamangkhung-aphuii pha Iphey ji shii yua mua pha riichai um, chiih-è Hamangkhung-aphuii pha Sajathua chiang yuaphi pha bajoboh Masdo ro. Ai muyua marui pha miyao khrab pha ji ne guii rang shii rab ne zey pha miyao ro: (1) Phiing giu shii yua pha muyua ro: Hamangkhung pha Sajathua shii rai pho ro bujuii, bliathek, chua, nane phariang ishak nane hì zab pha chiang shii yao. (Itho 5-7); (2) samoy snanyi shii blia khi-èrek chiid pha ji yua pha jigigam ro (itho 10); (3) Hamangkhung pha Sajathua shii najang yao (itho 13); (4) samoy izai rek pha miyao siu yao pha jigigam ro (itho 18); (5) thuh shii um pha ishak ji jong ne Hamangkhung-aphuii pha Sajathua thog sharuii pha miyao ji de zey ne um ro (ithothek 24-25).
Iliing shii um pha ji
Achinmoi nane Isu giak pha ji (1:1—2:23)
Jon khowo ro Blia (3:1-12)
Isu shii khowo phi pha ji nane chuajan (3:3—4:11)
Isu è Galili shii hong ne blia rek (4:12—18:35)
Galili è Jerusalem (19:1—20:34)
Idohhè pha habda Jerusalem hà chiih-è inui shii (21:1—27:66)
Ithong hòi pha nane dong pha (28:1-20)
Nke Ahọpụtara Ugbu A:
Methiu Yaophi: BUG
Mee ka ọ bụrụ isi
Kesaa
Mapịa
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fig.png&w=128&q=75)
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bugun New Testament © NECTAR and The Word For The World International 2018