Gyenesis 21
21
Isaak N’awoo
1Na EWURADZE bɛseraa Sara dɛ mbrɛ ɔsee no, na Ɔyɛɛ Sara dɛ mbrɛ ɔbɔɔ no anohoba no. 2#Heb 11.11 Na Sara nyinsenii, na ɔwoo babanyin maa Abraham wɔ no nkɔdaaber mu, wɔ aber a EWURADZE kaa ho asɛm kyerɛɛ no no mu. 3Na Abraham too ne babanyin a Sara woo no maa no no, dzin Isaak. 4#Gye 17.12; Ndwu 7.8 Na Abraham ne ba Isaak dzii nda awɔtwe no, otwaa no twatsia, dɛ mbrɛ Nyankopɔn hyɛɛ no no. 5Na aber a wɔwoo ne ba Isaak maa no no, nna Abraham edzi mfe ɔha. 6Na Sara see dɛ, Nyankopɔn ama maserew; hɔn a wɔbɛtse nyinara nye me bɛserew. 7Na ɔsee dɛ, Woana na nkyɛ akyerɛ Abraham dɛ, Sara bɛma mba enumfo? Naaso mawo babanyin ama no wɔ no nkɔdaaber mu.
Woyi Hagar Nye Ismael Edzi
8Na abofra no nyinii, na wotwaa no enumfo: na da a wotwaa Isaak enumfo no, Abraham too pon kɛsenara. 9Na Sara hun Egyptnyi Hagar ne ba a ɔwoo no maa Abraham no, dɛ orisi atwetwe. 10#Gal 4.29, 30 Dɛm ntsi ɔsee Abraham dɛ, Yi afonabaa yi nye ne ba no edzi: na afonabaa yi ne ba nnkɛnye me ba Isaak edzi adze. 11Na asɛm no yɛɛ Abraham yaw papaara, osian ne ba no ntsi. 12#Rom 9.7; Heb 11.1 Na Nyankopɔn see Abraham dɛ, Mma mma ɔnnyɛ wo yaw, osian abofra no ntsi, na osian w’afonabaa no ntsi; dza Sara ka kyerɛ wo no nyinara mu, tsie ne ndze; na Isaak mu na wɔbɛfrɛ w’asefo. 13Na afonabaa no ne ba no so mebɛyɛ no ɔman, osiandɛ ɔyɛ w’asenyi. 14Na Abraham soɛɛr anapaatu, na ɔfaa edziban nye nsu bɔdambɔ, na ɔdze maa Hagar, ɔdze sii no kɔn ho, na ogyaa ɔno nye abofra no kwan. Na Hagar sii mu, na okekyiin Beer-seba sar do. 15Na nsu a ɔwɔ bɔdambɔ no mu no no sae, na ɔdze abofra no too ndua no bi ase. 16Na ɔkɔree, na ɔkɛtsenaa ne tsentsendo wɔ ekyir kakra, bɛyɛ dɛ mbrɛ wɔtow egyen a obodu: na ɔsee dɛ, Mma mma monnhwɛ abofra yi no wu. Na ɔtsenaa ne tsentsendo, na ɔmaa ne ndze do, na osui. 17Na Nyankopɔn tsee abofra no ne ndze; na Nyankopɔn no bɔfoe fi sor frɛɛ Hagar, na ɔsee no dɛ, Ebɛnadze yɛ wo, Hagar? Mma nnsuro; na Nyankopɔn atse abofra no ne ndze wɔ mbrɛ ɔwɔ no. 18Soɛr, kɛma abofra no do, na fa wo nsa suo no mu; na mebɛyɛ no ɔman kɛse. 19Na Nyankopɔn buee n’enyiwa, na ohun nsubura bi; na ɔkɔree, na ɔkɛhyɛɛ bɔdambɔ no nsu ma, na ɔmaa abofra no nsu ma ɔnomee. 20Na Nyankopɔn dzii abofra no ekyir, na onyinii; na ɔtsenaa sar do, na ɔyɛɛ egyentonyi. 21Na ɔtsenaa Paran sar do; na ne na kɔwaar yer wɔ Egypt asaase do brɛɛ no.
Abraham Nye Abimelek Dzi Ahyɛmu
22 #
Gye 26.26
Na ɔbaa dɛ aber no no mu na Abimelek nye ne safohen tsitsir Fikol kasaa kyerɛɛ Abraham dɛ, Nyankopɔn dzi w’ekyir wɔ dza eyɛ nyinara mu: 23dɛm ntsi afei, fa Nyankopɔn dzi nsew kyerɛ me wɔ ha dɛ ennkɛdaadaa emi, nye me ba, nye me mbanana: na dɛ mbrɛ ayamuyie a medze ayɛ wo no tse no ara, ebɛyɛ ama emi, nye asaase a aba do ahɔhoyɛ yi. 24Na Abraham see dɛ, Mibedzi nsew. 25Na Abraham twuuw Abimelek n’enyim, wɔ nsubura a Abimelek no nkowaa dze enyimpi gyee no ntsi. 26Na Abimelek see dɛ, Minnyim nyia ɔyɛɛ iyi: na wo so annka annkyerɛ me, na nkyii so menntsee pɛn dɛ ndɛ. 27Na Abraham faa nguan, nye anantwi, na ɔdze maa Abimelek; na hɔn beenu no dzii ahyɛmu. 28Na Abraham yii nguankuw mu nguambaa aber esuon dze hɔn sii nkyɛn. 29Na Abimelek bisaa Abraham dɛ, Na nguambaa aber esuon a eyi hɔn esi nkyɛn yi ase nye dɛn? 30Na ɔsee dɛ, Nguambaa aber esuon yi na ebɛgye no wɔ me nsamu ama ɔaayɛ dase ama me, dɛ mara na mutuu bura yi. 31Dɛm ntsi ɔfrɛɛ hɔ Beer-seba; osiandɛ hɔ na hɔn beenu nyina wodzii nsew. 32Na wodzii ahyɛmu wɔ Beer-seba wiei no, Abimelek soɛree, nye ne safohen tsitsir Fikol, na wɔsanee ba Filistiafo asaase do. 33Na Abraham tsɛɛw ɔsɛntsɛw dua wɔ Beer-seba, na ɔsɔɔr EWURADZE, ɔdomankoma Nyankopɔn no wɔ hɔ. 34Na Abraham yɛɛ hɔho wɔ Filistiafo asaase do nda pii.
Nke Ahọpụtara Ugbu A:
Gyenesis 21: MFANBRPC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mfantse Bible © Bible Society of Ghana, 2011.
Gyenesis 21
21
Isaak N’awoo
1Na EWURADZE bɛseraa Sara dɛ mbrɛ ɔsee no, na Ɔyɛɛ Sara dɛ mbrɛ ɔbɔɔ no anohoba no. 2#Heb 11.11 Na Sara nyinsenii, na ɔwoo babanyin maa Abraham wɔ no nkɔdaaber mu, wɔ aber a EWURADZE kaa ho asɛm kyerɛɛ no no mu. 3Na Abraham too ne babanyin a Sara woo no maa no no, dzin Isaak. 4#Gye 17.12; Ndwu 7.8 Na Abraham ne ba Isaak dzii nda awɔtwe no, otwaa no twatsia, dɛ mbrɛ Nyankopɔn hyɛɛ no no. 5Na aber a wɔwoo ne ba Isaak maa no no, nna Abraham edzi mfe ɔha. 6Na Sara see dɛ, Nyankopɔn ama maserew; hɔn a wɔbɛtse nyinara nye me bɛserew. 7Na ɔsee dɛ, Woana na nkyɛ akyerɛ Abraham dɛ, Sara bɛma mba enumfo? Naaso mawo babanyin ama no wɔ no nkɔdaaber mu.
Woyi Hagar Nye Ismael Edzi
8Na abofra no nyinii, na wotwaa no enumfo: na da a wotwaa Isaak enumfo no, Abraham too pon kɛsenara. 9Na Sara hun Egyptnyi Hagar ne ba a ɔwoo no maa Abraham no, dɛ orisi atwetwe. 10#Gal 4.29, 30 Dɛm ntsi ɔsee Abraham dɛ, Yi afonabaa yi nye ne ba no edzi: na afonabaa yi ne ba nnkɛnye me ba Isaak edzi adze. 11Na asɛm no yɛɛ Abraham yaw papaara, osian ne ba no ntsi. 12#Rom 9.7; Heb 11.1 Na Nyankopɔn see Abraham dɛ, Mma mma ɔnnyɛ wo yaw, osian abofra no ntsi, na osian w’afonabaa no ntsi; dza Sara ka kyerɛ wo no nyinara mu, tsie ne ndze; na Isaak mu na wɔbɛfrɛ w’asefo. 13Na afonabaa no ne ba no so mebɛyɛ no ɔman, osiandɛ ɔyɛ w’asenyi. 14Na Abraham soɛɛr anapaatu, na ɔfaa edziban nye nsu bɔdambɔ, na ɔdze maa Hagar, ɔdze sii no kɔn ho, na ogyaa ɔno nye abofra no kwan. Na Hagar sii mu, na okekyiin Beer-seba sar do. 15Na nsu a ɔwɔ bɔdambɔ no mu no no sae, na ɔdze abofra no too ndua no bi ase. 16Na ɔkɔree, na ɔkɛtsenaa ne tsentsendo wɔ ekyir kakra, bɛyɛ dɛ mbrɛ wɔtow egyen a obodu: na ɔsee dɛ, Mma mma monnhwɛ abofra yi no wu. Na ɔtsenaa ne tsentsendo, na ɔmaa ne ndze do, na osui. 17Na Nyankopɔn tsee abofra no ne ndze; na Nyankopɔn no bɔfoe fi sor frɛɛ Hagar, na ɔsee no dɛ, Ebɛnadze yɛ wo, Hagar? Mma nnsuro; na Nyankopɔn atse abofra no ne ndze wɔ mbrɛ ɔwɔ no. 18Soɛr, kɛma abofra no do, na fa wo nsa suo no mu; na mebɛyɛ no ɔman kɛse. 19Na Nyankopɔn buee n’enyiwa, na ohun nsubura bi; na ɔkɔree, na ɔkɛhyɛɛ bɔdambɔ no nsu ma, na ɔmaa abofra no nsu ma ɔnomee. 20Na Nyankopɔn dzii abofra no ekyir, na onyinii; na ɔtsenaa sar do, na ɔyɛɛ egyentonyi. 21Na ɔtsenaa Paran sar do; na ne na kɔwaar yer wɔ Egypt asaase do brɛɛ no.
Abraham Nye Abimelek Dzi Ahyɛmu
22 #
Gye 26.26
Na ɔbaa dɛ aber no no mu na Abimelek nye ne safohen tsitsir Fikol kasaa kyerɛɛ Abraham dɛ, Nyankopɔn dzi w’ekyir wɔ dza eyɛ nyinara mu: 23dɛm ntsi afei, fa Nyankopɔn dzi nsew kyerɛ me wɔ ha dɛ ennkɛdaadaa emi, nye me ba, nye me mbanana: na dɛ mbrɛ ayamuyie a medze ayɛ wo no tse no ara, ebɛyɛ ama emi, nye asaase a aba do ahɔhoyɛ yi. 24Na Abraham see dɛ, Mibedzi nsew. 25Na Abraham twuuw Abimelek n’enyim, wɔ nsubura a Abimelek no nkowaa dze enyimpi gyee no ntsi. 26Na Abimelek see dɛ, Minnyim nyia ɔyɛɛ iyi: na wo so annka annkyerɛ me, na nkyii so menntsee pɛn dɛ ndɛ. 27Na Abraham faa nguan, nye anantwi, na ɔdze maa Abimelek; na hɔn beenu no dzii ahyɛmu. 28Na Abraham yii nguankuw mu nguambaa aber esuon dze hɔn sii nkyɛn. 29Na Abimelek bisaa Abraham dɛ, Na nguambaa aber esuon a eyi hɔn esi nkyɛn yi ase nye dɛn? 30Na ɔsee dɛ, Nguambaa aber esuon yi na ebɛgye no wɔ me nsamu ama ɔaayɛ dase ama me, dɛ mara na mutuu bura yi. 31Dɛm ntsi ɔfrɛɛ hɔ Beer-seba; osiandɛ hɔ na hɔn beenu nyina wodzii nsew. 32Na wodzii ahyɛmu wɔ Beer-seba wiei no, Abimelek soɛree, nye ne safohen tsitsir Fikol, na wɔsanee ba Filistiafo asaase do. 33Na Abraham tsɛɛw ɔsɛntsɛw dua wɔ Beer-seba, na ɔsɔɔr EWURADZE, ɔdomankoma Nyankopɔn no wɔ hɔ. 34Na Abraham yɛɛ hɔho wɔ Filistiafo asaase do nda pii.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mfantse Bible © Bible Society of Ghana, 2011.