Yele-za-pɛr-tib 22
22
A Abraham cɔbr'a na maal'ɩ a ʋ bie Ɩzaakɩ bàwr
1A yele á ŋá pùorí a, a Naaŋmɩn tɩ ɩ n a Abraham kaa. Ʋ tɩ bʋɔl'ʋ na: «Abraham i!» Ʋ sɔw: «Mãa n'ɩ ŋan.» 2A Naaŋmɩn yel: «De a fʋ bidɛb Ɩzaakɩ, a fʋ bidɛb-been fʋ na nɔnɛ yaga za a, cen nɩ Moriya#22:2 Moriya tẽw: A tẽw ŋa pʋɔ n'a a tãw ʋl bɛ na bʋɔlɛ a Moriya a be. Nyɛ̃ 2Bi-yel 3.1. — Maal'ɩ ʋ nyɩw-a-za-bàwr kʋ̀ m: Nyɛ̃ Eb 11.17-19. tẽw, tãw kãw ɩ̃ na na wul fʋ a zu, tɩ maal'ɩ ʋ nyɩw-a-za-bàwr kʋ̀ m a be.»
3A Abraham tɩ dãwnɩ nɩ ìru, ɓar a nyɩw-a-za-bàwr dàar, ƴãw a ʋ bõw a kɔw, ɛ́ lo a sɔ́r cere a zie bɛ na wul ʋ a. Ʋ tɩ tɛr'ɩ a ʋ tõ-tõ-biir ayi nɩ a ʋ bidɛb Ɩzaakɩ cere nɩ. 4A deyere daarɩ́ a, ʋ tɩ nyɛ̃ nɩ a tãw ʋ wɩɛr tɩ sãá. 5Lɛ n'a ʋ tɩ yel a ʋ tõ-tõ-biir ayi bɛl: «Nyɩ tɛr a bõw zɩ̃ nɩ a ka. Mãa nɩ a bie na do n a be tɩ puori a Naaŋmɩn nɩ tɩ tʋɔra-siwru, al pùorí tɩ lɛb wa páw nyɩ.»
6A Abraham tɩ de nɩ a nyɩw-a-za-bàwr dàar tuo a ʋ bidɛb Ɩzaakɩ. Ʋl mɩŋa tɩ tɛr'ɩ a vũu nɩ a sʋɔ, ɛ́ bɛ za ayi tɩ lãw cere. 7A Ɩzaakɩ tɩ ƴɛ̀r'ɩ a ʋ sãà Abraham zie yel: «Ɩ̃ sãà a», a Abraham sɔw: «Mãa n'ɩ ŋan, ɩ̃ bie e.» A Ɩzaakɩ yel: «A vũu nɩ a dàar'ɩ a ŋan, ɛ́ a pele wa a nyɩw-a-za-bàwr ƴãw?» 8A Abraham sɔw: «Naaŋmɩn na bãw nɩ a nyɩw-a-za-bàwr pele yele, ɩ̃ bie e.»
Bɛ tɩ cãà na lãw cere bɛ za ayi. 9Bɛ na tɩ ta a zie ʋl a Naaŋmɩn na wul a, a Abraham maal'ɩ a bàwr-maal-kuur ɛ́ cɔbrɩ a dàar dɔwlɩ. Ʋ tɩ 'lẽ nɩ a ʋ bidɛb Ɩzaakɩ dɔwlɩ a bàwr-maal-kuur zu, a dàar zu. 10Al pùorí, ʋ túr a nũu ɓáw a sʋɔ k'ʋʋ ŋmaar'ɩ a ʋ bie kɔkɔr. 11Ɛcɛ a Sore malkɩ tɩ be n a salom zu ɛ́ bʋɔl'ʋ yel: «Abraham i! Abraham i!» Ʋ sɔw: «Mãa n'ɩ ŋan.» 12A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»
13Lɛ n'a a Abraham tɩ dʋɔ a zu nyɛ̃ pʋ́ra na caw a ɩ́lɛ́ tuw gãgarɩ ƴãw a. Ʋ tɩ cen na tɩ nyɔw ʋ wa maal'ɩ a nyɩw-a-za-bàwr, lɩɛr'ɩ a ʋ bidɛb. 14A Abraham tɩ por'ɩ a zie nɛ yúor kɛ́: “A Sore na bãw na.” Alɛ so bɛ cãà mɩ́ yel a dɩ̃a: «A tãw zu a, a Sore na bãw na.»
15A Sore malkɩ tɩ be n a salom zu ɛ́ lɛb bʋɔlɩ a Abraham a gb'a ayi sob ƴãw, 16yel ʋ: «À ŋá n'a a Sore yere: Fʋ na ɩ à à ŋá, bɛ sɩb mɛ̃ a fʋ bidɛb-been a, mãa bɛ wa ɩ a Naaŋmɩn a n'a, alɛ bɛ ɩ lɛ, ɩ̃ pɔrɛ na 17k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ. 18Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw#22:18 Nyɛ̃ 12.3..» 19A Abraham tɩ lɛb'a wa páw a ʋ tõ-tõ-biir. Bɛ za tɩ lo n a sɔ́r lɛb cen a Bɛɛr-Seva, a be a Abraham na tɩ kpɩɛr a.
20A yele á ŋá pùorí a, bɛ tɩ wa na wa yel à ŋá kʋ̀ a Abraham: «Mɩlka mɩ̀ dɔw nɩ bidɛbr kʋ̀ a fʋ yɛb Nahɔɔr: 21a dãw-dɔw n'ɩ Usɩ, a ʋ yɛb'ɩ Buuzɩ, Kemuyɛl na ɩ a Aram sãà a, 22Kesɛdɩ, Hazo, Pɩldasɩ, Yidilafɩ nɩ Betuwɛl.» 23A bidɛbr ani a Mɩlka na dɔw kʋ̀ a Abraham yɛb Nahɔɔr a n'ɩ a bɛ ŋa. Betuwɛl tɩ n'ɩ a Erebeka sãà. 24A Nahɔɔr tɩ tɛr'ɩ pɔw-bile bɛ bʋɔlɛ Erewuma. Ʋ mɩ̀ tɩ tɛr'ɩ bibiir: Teva, Gaham, Tahasɩ nɩ Maaka.
Nke Ahọpụtara Ugbu A:
Yele-za-pɛr-tib 22: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Yele-za-pɛr-tib 22
22
A Abraham cɔbr'a na maal'ɩ a ʋ bie Ɩzaakɩ bàwr
1A yele á ŋá pùorí a, a Naaŋmɩn tɩ ɩ n a Abraham kaa. Ʋ tɩ bʋɔl'ʋ na: «Abraham i!» Ʋ sɔw: «Mãa n'ɩ ŋan.» 2A Naaŋmɩn yel: «De a fʋ bidɛb Ɩzaakɩ, a fʋ bidɛb-been fʋ na nɔnɛ yaga za a, cen nɩ Moriya#22:2 Moriya tẽw: A tẽw ŋa pʋɔ n'a a tãw ʋl bɛ na bʋɔlɛ a Moriya a be. Nyɛ̃ 2Bi-yel 3.1. — Maal'ɩ ʋ nyɩw-a-za-bàwr kʋ̀ m: Nyɛ̃ Eb 11.17-19. tẽw, tãw kãw ɩ̃ na na wul fʋ a zu, tɩ maal'ɩ ʋ nyɩw-a-za-bàwr kʋ̀ m a be.»
3A Abraham tɩ dãwnɩ nɩ ìru, ɓar a nyɩw-a-za-bàwr dàar, ƴãw a ʋ bõw a kɔw, ɛ́ lo a sɔ́r cere a zie bɛ na wul ʋ a. Ʋ tɩ tɛr'ɩ a ʋ tõ-tõ-biir ayi nɩ a ʋ bidɛb Ɩzaakɩ cere nɩ. 4A deyere daarɩ́ a, ʋ tɩ nyɛ̃ nɩ a tãw ʋ wɩɛr tɩ sãá. 5Lɛ n'a ʋ tɩ yel a ʋ tõ-tõ-biir ayi bɛl: «Nyɩ tɛr a bõw zɩ̃ nɩ a ka. Mãa nɩ a bie na do n a be tɩ puori a Naaŋmɩn nɩ tɩ tʋɔra-siwru, al pùorí tɩ lɛb wa páw nyɩ.»
6A Abraham tɩ de nɩ a nyɩw-a-za-bàwr dàar tuo a ʋ bidɛb Ɩzaakɩ. Ʋl mɩŋa tɩ tɛr'ɩ a vũu nɩ a sʋɔ, ɛ́ bɛ za ayi tɩ lãw cere. 7A Ɩzaakɩ tɩ ƴɛ̀r'ɩ a ʋ sãà Abraham zie yel: «Ɩ̃ sãà a», a Abraham sɔw: «Mãa n'ɩ ŋan, ɩ̃ bie e.» A Ɩzaakɩ yel: «A vũu nɩ a dàar'ɩ a ŋan, ɛ́ a pele wa a nyɩw-a-za-bàwr ƴãw?» 8A Abraham sɔw: «Naaŋmɩn na bãw nɩ a nyɩw-a-za-bàwr pele yele, ɩ̃ bie e.»
Bɛ tɩ cãà na lãw cere bɛ za ayi. 9Bɛ na tɩ ta a zie ʋl a Naaŋmɩn na wul a, a Abraham maal'ɩ a bàwr-maal-kuur ɛ́ cɔbrɩ a dàar dɔwlɩ. Ʋ tɩ 'lẽ nɩ a ʋ bidɛb Ɩzaakɩ dɔwlɩ a bàwr-maal-kuur zu, a dàar zu. 10Al pùorí, ʋ túr a nũu ɓáw a sʋɔ k'ʋʋ ŋmaar'ɩ a ʋ bie kɔkɔr. 11Ɛcɛ a Sore malkɩ tɩ be n a salom zu ɛ́ bʋɔl'ʋ yel: «Abraham i! Abraham i!» Ʋ sɔw: «Mãa n'ɩ ŋan.» 12A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»
13Lɛ n'a a Abraham tɩ dʋɔ a zu nyɛ̃ pʋ́ra na caw a ɩ́lɛ́ tuw gãgarɩ ƴãw a. Ʋ tɩ cen na tɩ nyɔw ʋ wa maal'ɩ a nyɩw-a-za-bàwr, lɩɛr'ɩ a ʋ bidɛb. 14A Abraham tɩ por'ɩ a zie nɛ yúor kɛ́: “A Sore na bãw na.” Alɛ so bɛ cãà mɩ́ yel a dɩ̃a: «A tãw zu a, a Sore na bãw na.»
15A Sore malkɩ tɩ be n a salom zu ɛ́ lɛb bʋɔlɩ a Abraham a gb'a ayi sob ƴãw, 16yel ʋ: «À ŋá n'a a Sore yere: Fʋ na ɩ à à ŋá, bɛ sɩb mɛ̃ a fʋ bidɛb-been a, mãa bɛ wa ɩ a Naaŋmɩn a n'a, alɛ bɛ ɩ lɛ, ɩ̃ pɔrɛ na 17k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ. 18Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw#22:18 Nyɛ̃ 12.3..» 19A Abraham tɩ lɛb'a wa páw a ʋ tõ-tõ-biir. Bɛ za tɩ lo n a sɔ́r lɛb cen a Bɛɛr-Seva, a be a Abraham na tɩ kpɩɛr a.
20A yele á ŋá pùorí a, bɛ tɩ wa na wa yel à ŋá kʋ̀ a Abraham: «Mɩlka mɩ̀ dɔw nɩ bidɛbr kʋ̀ a fʋ yɛb Nahɔɔr: 21a dãw-dɔw n'ɩ Usɩ, a ʋ yɛb'ɩ Buuzɩ, Kemuyɛl na ɩ a Aram sãà a, 22Kesɛdɩ, Hazo, Pɩldasɩ, Yidilafɩ nɩ Betuwɛl.» 23A bidɛbr ani a Mɩlka na dɔw kʋ̀ a Abraham yɛb Nahɔɔr a n'ɩ a bɛ ŋa. Betuwɛl tɩ n'ɩ a Erebeka sãà. 24A Nahɔɔr tɩ tɛr'ɩ pɔw-bile bɛ bʋɔlɛ Erewuma. Ʋ mɩ̀ tɩ tɛr'ɩ bibiir: Teva, Gaham, Tahasɩ nɩ Maaka.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.