Yele-za-pɛr-tib 49
49
A Zakɔb ƴɛ̀r'ɩ nɔ-vla ƴãw a ʋ bidɛbr pie nɩ ayi
1A Zakɔb tɩ bʋɔl'ɩ a ʋ bidɛbr wa yel bɛ:
«Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.
2Nyɩ ɓã taa ɛ́ bɛrɛ wone, Zakɔb bidɛbr i,
nyɩ wone a nyɩ sãà Ɩsɩrayɛl ƴɛ̀rʋ.
3Fʋ̃ʋ Urubɛn, fʋ̃ʋ n'ɩ a ɩ̃ bi-dãw,
fʋ̃ʋ n'ʋ ɩ̃ de niwn dɔw,
a lɛn daar ɩ̃ na tɩ cãà kpɛmɛ kpɛmɛ a.
Fʋ tɛr'ɩ ƴãwfʋ nɩ fãw gãw a fʋ yɛbr.
4Fʋ ɩ n bà-fʋɔla kʋ̃ɔ na darɛ taa a.
Ɛcɛ fʋ kʋ̃ cãà ɩ a dãw-niwn sob ɛ,
fʋ ƴãw mɛ̃ nɩ vĩ,
fʋ na gã nɩ a ɩ̃ pɔw kãw a ɩ̃ gado zu a#49:4 Nyɛ̃ 35.22..
5Sɩmɩ̃ɔ nɩ Levi ɩ n yɛbr:
a bɛ wõ-taa ɩ n po-to-fãw-ɩb tɛwr ƴãw#49:5 Nyɛ̃ 34.25-31.,
6ɩ̃ bɛ pʋɔrɛ a bɛ bʋ-taa pʋɔ ɩ,
ɩ̃ bɛ pʋɔrɛ a bɛ lãw-zɩma pʋɔ ɩ,
bʋ̃ʋ n'ʋ vɛ̃, bɛ kʋ n nɩbɛ a bɛ suur pʋɔ,
ɛ́ ƴãw nadɛɛ bàalʋ, a na ɩrɛ bɛ nʋ̃ɔ̀ a ƴãw.
7Ɩ̃ ŋmɩɛr'a ƴãwn a bɛ su-faa faa
nɩ a bɛ su-yãyaar na bɛ zɔrɛ nɩbaalʋ a!
Ɩ̃ na põ nɩ a bɛ bʋʋrɛ yàarɩ a Ɩsɩrayɛl tẽw pʋɔ,
ɩ̃ na diw bɛ na yàarɩ a tẽw za pʋɔ.
8Zuda a, a fʋ yɛbr na danɛ fʋ na#49:8 Nyɛ̃ 29.35 nɩ a manʋ..
A fʋ nũu na mɩ́ dĩ nɩ a fʋ dɔ̃ dem nyuru,
a fʋ yɛbr tɛɛ za na mɩ́ gbĩ n dume
gũu tɩ tɔ tẽw a fʋ niŋé.
9Ɩ̃ bidɛb Zuda a, fʋ ɩ n gbẽw-pɔl#49:9 Nyɛ̃ Sɔr-n 24.9 nɩ Yel-w 5.5.
na 'wɔb a dʋ̃w ʋ na nyɔw,
ɛ́ lɛb cere a ʋ gaa-zie a.
A gbẽw dɔm'a, ʋ gã na.
Ãa n'ʋ na ɩ ʋ ìr?
10A nãà dabɔl bɛ yire zaarɛ a Zuda yir pʋɔ ɩ,
a nɩ-bɛrɛ dabɔl na be n a ʋ bʋʋrɛ nuru pʋɔ,
ɛ́ gù a sob nɛ na sɩrɩ so ʋ a, wa wa,
a sob nɛ nʋɔr a nɩ-bʋʋrɛ na na sàwr a.
11Ʋ na mɩ́ 'lẽ nɩ a ʋ bõw a divɛ̃ tɩɛ ƴãw,
ɛ́ 'lẽ a bõw-bile a divɛ̃ tɩ-vla vla ƴãw.
Ʋ na mɩ́ pɛ́w nɩ a ʋ kparʋ a divɛ̃ pʋɔ,
ɛ́ pɛ́w a ʋ kpale a divɛ̃ tɩ-wɔmɛ kʋ̃ɔ pʋɔ.
12A divɛ̃ na mɩ́ mʋ̃ɔ ʋ nɩ a mimie,
ɛ́ a bʋ̀rʋ ɩ a ʋ nyɩmɛ a pɛlɩ#49:12 A Zuda dɔwlʋ naalʋ tɩ n'ɩ a divɛ̃ tɩɩr póru nɩ a dʋn. Alɛ n'a a kan-nɛ́ɛ 11 nɩ 12 sob manɩ à à ŋá..
13Zabulɔ̃ na kpɩɛr'ɩ a kʋ̃ɔ-kpɛ̃ɛ nʋɔr,
be gbee siwfʋ zie na be a.
A ʋ tẽw na cen na tɩ tɔ Sɩdɔ̃.
14Ɩsakaar ɩ n bõw na kpɛmɛ a,
ʋ gã nɩ zaw na tɛr dacine ayi a pʋɔ.
15Ʋ tɩ nyɛ̃ na k'aa zie vɩɛl'a, ɛ́ a tẽw ɩ tẽ-nʋ̃ɔ̀.
Ʋ cɔw nɩ a ʋ bawŋman a tuor tuofʋ ƴãw,
ʋ sàw nɩ a gbãgba-tome.
16Dan na dɩ n nɩ a ʋ nɩbɛ a ƴɛ̀rʋ#49:16 Nyɛ̃ 30.6 nɩ a manʋ.
mɛ̃ a Ɩsɩrayɛl dɔwlʋ al na cɛ a.
17Dan ɩ na mɛ̃ waab a sɔ́r zu a,
mɛ̃ dɔpan na gã a sɔ́r nʋɔr a:
ʋ dʋ n a wur a gbɛ́rɩ́,
a wur zɔmnɛ 'law tɩ lo.
18Sore e, ɩ̃ tɩ́ɛrɛ na kɛ́ fʋ na faa mɛ̃ na!
19Nɩ-farbɛ wa n Gadɩ ƴãw,
ʋ mɩ̀ ír a bɛ ƴãw, ta tu bɛ.
20Asɛɛr tẽw bʋ̃-dɩrɩ na ʋr a,
nãà bʋ̃-dɩ-nʋʋr'a ʋ na mɩ́ tɩr.
21Nɛfɩtali ɩ n wal-jãgara na dɔwr bil-vɩɛlɩ a.
22Zuzɛb ɩ n tɩ-wɔna
na bul pɩɛlɩ zie kʋ̃ɔ na bule yire a.
A ʋ wuli vo na do gãw a dacin bɛr.
23Tã-tɛbrbɛ dam'ɩ a ʋ suur,
bɛ tɛ n a bɛ pime, bɛ zɛb'ɩ ʋ na.
24Ɛcɛ ʋ fɩɩr'ɩ a ʋ tam tɛr kpɛ̃w za,
a ʋ kpãkpamɛ nɩ a ʋ nuru dɔlɛ na ɛ́ gùre vla.
A Zakɔb Naaŋmɩn na bɛ tɛr tʋ̃ɔ́fʋ a fãw zũú,
fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.
25A fʋ sãà Naaŋmɩn na ɩ a fʋ sõwne a zũú,
a Naaŋmɩn kpɛnʋ-za-sob na maalɛ fʋ a zũú,
de a saa na mine a salom zu siwr a maalʋ,
a kʋ̃ɔ na gã a tẽsɔw pʋ̃ɔmɩ za a maalʋ,
a pɔwbɛ nɩ a dʋn na dɔwr a maalʋ.
26A fʋ sãà nɔ-vla zuo nɩ
a dɩta-pɛ-yome za tã-bɛrɛ maalʋ,
ʋ zuo nɩ a tãli-kore kore na-bome.
A Zuzɛb sãà nɔ-vla, ʋ tu a Zuzɛb,
ʋ tu a ʋl na ɩ a ʋ yɛbr nɩ-kpɛ̃ɛ a!
27Bɛ̃zamɛ ɩ n wɛ-baa na mɩ́ dʋ̃ taw cɩɛrɩ a.
Ʋ mɩ́ 'wɔb'ɩ dʋ̃w a biɓaara,
ɛ́ a zaanʋɔra ʋ pone a bome ʋ na fa a.»
28A bɛ ŋa za nɛbɛ ɩ a Ɩsɩrayɛl dɔwlʋ pie nɩ ayi. A ƴɛ̀rʋ á ŋá n'a a bɛ sãà tɩ ƴɛ̀r ƴãw bɛ, a lɛn daar ʋ na tɩ ƴɛ̀r a nɔ-vla ƴãw bɛ a. Ʋ tɩ ƴɛ̀r'ɩ nɔ-vla kʋ̀ ŋa za mɛ̃ a lɛ a na sɛw taa nɩ ʋ a.
A Zakɔb kũu
29Al pùorí a Zakɔb yel à ŋá kʋ̀ bɛ: «Mãa wa kpi a, nyɩɩm ũù mɛ̃ a ɩ̃ sãàkʋm-kore yaa pʋɔ. A tãw bɔw na be a Hititɩ dɔɔ Efron púo pʋɔ a n'ʋ, 30ʋ tɩ be n Makɩpela na pɩɛlɩ Mamire, a Kanãa tẽw a. Abraham dà n a púo ŋa a Efron zie, k'aa yaa tʋ̃ɔ́ ɩ a ʋ sób#49:30 Nyɛ̃ 23.3-18.. 31Be n'a bɛ ũù ʋ ʋlɛ nɩ a ʋ pɔw Saara, ɛ́ mɩ̀ ũù Ɩzaakɩ nɩ a ʋ pɔw Erebeka#49:31 Abraham yaa: Nyɛ̃ 25.9-10, Saara yaa: Nyɛ̃ 23.19, Ɩzaakɩ yaa: Nyɛ̃ 35.29.. Be n'a ɩ̃ ũù a Leya. 32A púo nɩ a tãw bɔw na be a ʋ pʋɔ a, bɛ dà a nɩ Hititɩ mɩnɛ zie.» 33A Zakɔb na wa ƴɛ̀r a ʋ ƴɛ̀rʋ kʋ̀ a ʋ bidɛbr baar'a, ʋ lɛb'a gã ɛ́ ŋmãa a vʋʋrʋ, kpi cen tɩ páw a ʋ sãà mɩnɛ.
Nke Ahọpụtara Ugbu A:
Yele-za-pɛr-tib 49: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.