Levitɩ mɩnɛ 19
19
Nyɩ ɩ nɩ-son, ɩ̃ na ɩ sõw a ƴãw
1A Sore tɩ yel'ɩ a Moyiir 2k'ʋʋ tɛr a wulu á ŋá a Ɩsɩrayɛl nɩbɛ lãw za zie:
«Nyɩ ɩ nɩ-son, a mãa Sore nyɩ Naaŋmɩn na ɩ sõw a ƴãw!»
3«A nyɩ kãw za na ƴãwnɛ nɩ a ʋ sãà nɩ a ʋ mã#19:3 Ƴãwnɛ a sãà nɩ a mã: Nyɛ̃ 20.9, Ety 20.12, 21.17, Wl-ayi 5.16, Ezek 22.7, Mat 15.4, Efɛ 6.2., ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»
4«Nyɩ taa maalɛ ŋmɩn-bɛlɛbɛlɛ#19:4 Ŋmɩn-bɛlɛbɛlɛ: Nyɛ̃ 26.1, Ety 20.3, 34.14, Ssy 81.10, Mat 4.10. ɩ, ɛ́ taa nyɩlɛ kure maalɛ nɩ ŋmɩmɛ ɩ. Mãa n'ɩ a Sore nyɩ Naaŋmɩn.»
5«Nyɩmɛ wa maalɛ lãw-taa bàwr kʋ̀rɛ mɛ̃ a, nyɩ maalɩ ʋ, ʋ tu a tub, a ɩ̃ pʋɔ pɛlɩ a nyɩ ƴãw. 6Nyɩ na tʋ̃ɔ́ na 'wɔb a bàwr-maal nɛn a bàwr maalʋ bibir nɩ a bio daarɩ́, ɛcɛ ʋlɛ wa guu yi deyere a, nyɩ na nyɩw ʋ na bɛr. 7Nɩr wa cãà 'wɔb ʋ a deyere daarɩ́ a, a ɩ̃ pʋɔ kʋ̃ pɛlɩ a ʋ ƴãw ɛ, bʋ̃ʋ n'ʋ vɛ̃, nɛn na bɛ cãà sɛwnɩ 'wɔbrʋ a n'ʋ ʋ 'wɔb. 8Nɩr wa 'wɔb ʋ a, ʋ bɛ tɛr ƴãwfʋ a ɩ̃ bʋ̃-sora zie ɩ. Ʋ tɛr'ɩ sãwna, ɛ́ bɛ na ír ʋ na bɛr a Ɩsɩrayɛl nɩbɛ lãw pʋɔ.»
9«Nyɩmɛ wa dier a nyɩ bʋ̃-dieri a, nyɩ kʋ̃ ŋma a bʋ̃-zuru tɩ lãwnɩ a púo nʋɔr dem ɛ, ɛ́ nyɩ kʋ̃ lɛb wa a pùorí wa yiiri a ɩ. 10Nyɩ mɩ̀ kʋ̃ lɛb wa a pùorí wa yiiri a nyɩ divɛ̃ tɩɩr wɔmɛ bɩɩ tuuri a al na lo a tẽsɔw a ɩ. Nyɩ na bɛr a na kʋ̀ a nan dem nɩ a nʋʋrɩ. Mãa n'ɩ a Sore nyɩ Naaŋmɩn.»
11«Nyɩ taa zure ɩ, nyɩ taa ŋmaarɛ ziri ɛ, nyɩ taa bɛ̀lɛ a nyɩ tɔ sob ɛ. 12Nyɩ taa dier a ɩ̃ yúor pɔrɛ nɩ pɔ-ziri ɛ: nyɩmɛ wa ɩ a lɛ a, a ɩ̃ yúor'ʋ nyɩ bɛ ƴãw ɛ#19:12 Nyɛ̃ 5.24, Ety 20.7-16, Zer 5.2, Mat 5.33, Nɩ-t 6.13.. Mãa n'ɩ a Sore nyɩ Naaŋmɩn.»
13«Nyɩ taa nɛbr nɩr za ɩ, ɛ́ taa zure bom za ɩ. Nyɩ ta tɛr a tõ-tõ-bie sã-ya tɩ dãw nɩ bio ɛ. 14Nyɩ taa tʋʋr wõw ɛ, ɛ́ taa bine bom zɔ̃w sɔ́r zu ɛ. À ŋá n'a nyɩ na wul kɛ́ nyɩ ƴãwnɛ mɛ̃ na. Mãa n'ɩ a Sore nyɩ Naaŋmɩn.»
15«A nyɩ ƴɛ̀rʋ-dɩb pʋɔ a, nyɩ taa tɛrɛ ɩ-ɩrɩ na bɛ tu a mɩnʋ a ɩ: nyɩ taa kpɩɛr a bãbàal ɛ, nyɩ taa maalɛ a nũ-kpɛ̃w sob ɛ, ɛcɛ nyɩ mɩ́ dɩ a ƴɛ̀rʋ kʋ̀ a nyɩ tẽ-bi-tɔ a tu a mɩnʋ. 16Nyɩ taa tɛrɛ gɛgɛrʋ a nyɩ tẽ-bi-taabɛ zie ɩ. Nyɩ taa ŋmarɛ ziri ƴãwnɛ nɩr bɛ ƴãwnɛ ʋ kũu dɔwrʋ ɛ. Mãa n'ɩ a Sore.»
17«Nyɩ taa tɛrɛ nɩ a nyɩ yɛb dɔ̃ ɩ, ɛcɛ nyɩ taa vɛnɛ a ʋ yelu ɛ, lɛ n'a nyɩ kʋ̃ tɛr yel-bier a ʋ ƴãw ɛ. 18Nyɩ taa yáarɛ yel-faa san ɛ, ɛ́ taa tɛrɛ nɩ a nyɩ tẽ-bi-taabɛ pʋ-bier ɛ. Ɛcɛ ŋa za n'ʋ a fɛr k'ʋʋ nɔnɛ a ʋ tɔ sob mɛ̃ a ʋl mɩŋa a. Mãa n'ɩ a Sore.»
19«Nyɩ mɩ̀ na sàwr'ɩ a nɛ́ɛ á ŋá: nyɩ taa ƴãwnɛ dʋn na ɩ tɛɛtɛɛ a, a dúor taa a nyɩ dʋn pʋɔ ɩ. Nyɩ taa bʋ̀rɛ bʋ̃-bʋʋr-pɛ́ɛ ayi a nyɩ póru pʋɔ ɩ. Nyɩ taa suur bʋ̃-suuri bɛ na wob a pɛnɛ nɩ fomi-pɛ́ɛ ayi a ɩ.»
20«Dɛb wa gã nɩ tõ-tõ-bi-pɔw na ƴãw nɩ dɛb-yũo yúor, ɛ́ bɛ bɛ ya de ʋ sɛr, bɩɩ bɛ bɛ lɛb bɛr ʋ ʋ so ʋ tʋɔra a, a dɛb ŋa na ya n san. Ɛcɛ bɛ bɛ kʋrɛ a sãwnɩ dem bɛ ŋa ɩ, a pɔw na tɩ cãà ɩ tõ-tõ-bi-pɔw a ƴãw. 21A dɛb na wa n nɩ pʋ́ra a tuor-taa pɛn-sɛw dɩ̃dɔr nʋɔr wa maal'ɩ lɛb-kpɛ-taa bàwr kʋ̀ m. 22A bàwr-maalɛ na tu n a yel-bier suur-dɩ-kʋ̀b tub a sãwna sob ƴãw a ɩ̃ niŋé, ɛ́ a sob na páw nɩ a yel-bier ʋ na maalɩ a suur-dɩ-kʋ̀b.»
23«Nyɩmɛ wa kpɛ a Kanãa tẽw pʋɔ baarɩ, wa sɛl tɩ-wɔnɩ bʋʋrɛ bʋʋrɛ za a, nyɩ na ciir'ɩ a wɔmɛ yome ata, nyɩ bɛ dɩrɛ a ɩ. 24A wɔmɛ za a na na wɔ̃ a yome anaar sob a, nyɩ na maal'ɩ nɩ danʋ cuw de nɩ a kʋ̀ m. 25Nyɩ na tʋ̃ɔ́ na dɩrɛ a wɔmɛ a yome anũu sob. À ŋá n'a a nyɩ bʋ̃-dieri na dɔwlɛ cere. Mãa n'ɩ a Sore nyɩ Naaŋmɩn.»
26«Nyɩ taa 'wɔbr dʋ̃w nɛn a be nyɩ na ɩ a ʋ zɩ̃ɩ cir a ɩ. Nyɩ taa tone tɩtɩblʋ tome ɩ, ɛ́ taa tɛrɛ bàwr-bʋw yele ɩ. 27Nyɩ taa pòne a nyɩ zu zuŋmãkole ɩ, ɛ́ taa pòne a nyɩ tɩɛm kõkowe ɩ. 28Nyɩ taa cɩ̀rɛ a nyɩ ƴã-gan nɩr na kpi a ƴãw ɛ. Nyɩ taa wire bʋ̃-wiri a nyɩ ƴã-gan zu ɛ. Mãa n'ɩ a Sore.»
29«Nyɩ taa wa ƴãwnɛ a nyɩ pɔwyaar bɛ ɩ pɔw-yɛmɛ a bɛ yée sãw ɛ. À ŋá n'a a tẽw nɩbɛ kʋ̃ tu a ɩ-faar á ŋá pùor a tẽw za pʋɔ ɩ. 30Nyɩ tɛr a pɩ̃ɛnʋ-bibir vla, ɛ́ ƴãwnɛ a ɩ̃ zi-sõw. Mãa n'ɩ a Sore.»
31«Nyɩ taa sowre kpɩ̃ɩn sowru bʋʋrɛ kãw za ɩ, a na ɩ na nyɩ ɩ dɛwr dem. Mãa n'ɩ a Sore nyɩ Naaŋmɩn.»
32«Nyɩ mɩ́ ìr àr a dɛb-nyãw na pɛlɩ zu a niŋé, nyɩ mɩ́ tɛr ƴãwfʋ yaga a dɛb-nyãw zie. À ŋá n'a nyɩ na ƴãwnɛ mɛ̃. Mãa n'ɩ a Sore nyɩ Naaŋmɩn.»
33«Nʋʋra wa wa, wa kpɩɛr a nyɩ zie a nyɩ tẽw pʋɔ a, nyɩ taa nɛbr ʋ ɛ. 34Nyɩ nɩ̃ɛ ɩrɛ a ʋ zie mɛ̃ a nyɩ tẽ-bi-tɔ sob kãw a: a fɛr'a kɛ́ nyɩ nɔnɛ ʋ mɛ̃ a nyɩ mɩŋa a, bʋ̃ʋ n'ʋ vɛ̃, a nyɩɩm mɩ̀ a, nyɩ tɩ dãw na ɩ nʋʋrɩ a Eziptɩ tẽw. Mãa n'ɩ a Sore nyɩ Naaŋmɩn.»
35«A wogo, a tɩbrʋ bɩɩ a zulu bʋ̃-mánɩ yele pʋɔ a, nyɩ taa tɛrɛ ɩ-ɩrɩ na bɛ tori a ɩ. 36Nyɩ mɩ́ tɛr bʋ̃-keri na tori a, tɩbrʋ bʋ̃-mánɩ na tori a, nɩ wogo bʋ̃-mánɩ na tori a. Mãa n'ɩ a Sore nyɩ Naaŋmɩn na ɩ nyɩ yi a Eziptɩ tẽw pʋɔ a.»
37«Nyɩ maal tɛr a ɩ̃ nɛ́ɛ nɩ a ɩ̃ tub za, ɛ́ sàwr a. Mãa n'ɩ a Sore.»
Nke Ahọpụtara Ugbu A:
Levitɩ mɩnɛ 19: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.