Sɔr-nɛ́ɛ 2
2
A dɔwlʋ dɔwlʋ ziir a laɩ pʋɔ
1A Sore tɩ yel'ɩ a Moyiir nɩ a Aarɔ̃ à ŋá: 2«Ɩsɩrayɛl nɩr za na mɩ́ maal'ɩ a ʋ pɛn-sɛw pɩɛlɩ a ʋ zɛbr-nɩbɛ nɩ-pɛ́ɛ na ɓã taa a dɩrapo, nɩ a ʋ dɔwlʋ dɩrapo. Bɛ na mɩ́ maal'ɩ a laɩ jil koli a tuor-taa pɛn-sɛw, ɛ́ zãá nɩ ʋ blã.
3A saa-pɛrɩ́ a, a na ɩ n a zɛbr-nɩbɛ nɩ-pɛ́ɛ na ɓã taa jil koli a Zuda dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Zuda dɔwlʋ nɩ-kpɛ̃ɛ: Aminadab bidɛb, Nason. 4A ʋ zɛbr-nɩbɛ ɩ n 74 600. 5Ɩsakaar dɔwlʋ nɩ-kpɛ̃ɛ: Suwaar bidɛb, Netanɛl. 6A ʋ zɛbr-nɩbɛ ɩ n 54 400. 7Zabulɔ̃ dɔwlʋ nɩ-kpɛ̃ɛ: Helon bidɛb Eliyaavʋ. 8A ʋ zɛbr-nɩbɛ ɩ n 57 400.
9A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Zuda zɛbr-nɩbɛ a, na ɩ n 186 400.
Bɛlɛ nɛbɛ na mɩ́ de niwn lo a sɔ́r.
10A saa-pɛrɩ́-dʋrʋ-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Urubɛn dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Urubɛn dɔwlʋ nɩ-kpɛ̃ɛ: Sedewuur bidɛb, Elisuur. 11A ʋ zɛbr-nɩbɛ ɩ n 46 500. 12Sɩmɩ̃ɔ dɔwlʋ nɩ-kpɛ̃ɛ: Suurisadaɩ bidɛb, Selumiyɛl. 13A ʋ zɛbr-nɩb, ɩ n 59 300. 14Gadɩ dɔwlʋ nɩ-kppɛ̃ɛ: Dewuyɛl bidɛb, Eliyasafʋ. 15A ʋ zɛbr-nɩbɛ ɩ n 45 650.
16A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Urubɛn zɛbr-nɩbɛ a na ɩ n 151 450.
Bɛlɛ nɛbɛ na mɩ́ lo a sɔ́r tu.»
17«Al pùorí, a Levi bʋʋrɛ na lo n a sɔ́r tu nɩ a tuor-taa pɛn-sɛw. A na ɩ lɛ a, bɛ na be n a ziir anaar a zɛbr-nɩbɛ na mɩ́ duo a sɔwlɩsɔw, a ayi na de a niwn a, nɩ a ayi na pàw a pùor a cara pʋɔ. Bɛ mɩ̀ na cere na tuur taa, ŋa za a ʋ pal pʋɔ, mɛ̃ a lɛ bɛ na mɩ́ maalɩ a bɛ laɩ a, tu n a bɛ dɔwlʋ dɩrapo.»
18«A mʋ̃tɔ̃w-kpɛb-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Efarayim dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Efarayim dɔwlʋ nɩ-kpɛ̃ɛ: Amihudɩ bidɛb, Elisama. 19a ʋ zɛbr-nɩbɛ ɩ n 40 500. 20Manase dɔwlʋ nɩ-kpɛ̃ɛ: Pedasuur bidɛb, Gamaliyɛl. 21A ʋ zɛbr-nɩbɛ ɩ n 32 200. 22Bɛ̃zamɛ dɔwlʋ nɩ-kpɛ̃ɛ: Gideoni bidɛb, Avidan. 23A ʋ zɛbr-nɩbɛ ɩ n 35 400.
24A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Efarayim zɛbr-nɩbɛ a, na ɩ n 108 100.
Bɛlɛ nɛbɛ na mɩ́ cen tu a Levi bʋʋrɛ.
25A saa-pɛrɩ́-gʋba-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Dan dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Dan dɔwlʋ n, i-kpɛ̃ɛ: Amisadaɩ bidɛb, Ahiezɛɛr. 26A ʋ zɛbr-nɩbɛ ɩ n 62 700. 27Asɛɛr dɔwlʋ nɩ-kpɛ̃ɛ: Okiran bidɛb Pagiyel. 28A ʋ zɛbr-nɩbɛ ɩ n 41 500. 29Nɛfɩtali dɔwlʋ nɩ-kpɛ̃ɛ: Einan bidɛb, Ahira. 30A ʋ zɛbr-nɩbɛ ɩ n 53 400.
31A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Dan zɛbr-nɩbɛ a na ɩ n 157 600. Bɛlɛ nɛbɛ na mɩ́ pàw a pɛr.»
«Bɛ za na mɩ́ lo n a sɔ́r, ɛ́ ɓã taa jil koli a bɛ dɩrapori.»
32A Ɩsɩrayɛl nɩbɛ bɛ na tɩ sɔ́r a yie yie nɩ a zɛbr-nɩbɛ nɩ-pɛ́ɛ na ɓã taa a, bɛ za tɩ ɩ n 603 550. 33Bɛ bɛ tɩ sɔ́r a Levi bʋʋrɛ lãwnɩ a Ɩsɩrayɛl nɩbɛ ŋmãa ɩ. À ŋá n'a a Sore tɩ yel kʋ̀ a Moyiir k'ʋʋ ɩ.
34A Ɩsɩrayɛl nɩbɛ mɩ́ tɩ ɩ n a lɛ tɔr za a Sore na yel kʋ̀ a Moyiir a: bɛ mɩ́ tɩ duo nɩ a bɛ dɩrapori pɛr, ɛ́ lore a sɔ́r tuur a lɛ bɛ na yel a, dɔwlʋ dɔwlʋ nɩ yie yie.
Nke Ahọpụtara Ugbu A:
Sɔr-nɛ́ɛ 2: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.