Ruka 3
3
Gmarang Kari ka Yohane mptgaya Smino
(Mat 3:1-12. Mrk 1:1-8. Yoh 1:19-28)
115 knkawas qnlhangan na ka Tiberios Kaisar, mdudul Yudaya ka Pontios Pilatos, ngalan daha qbsuran Galil ka Hrodes mqbsuran paru dxeral Ituraios ma Trakoni ka Pilipos mtswai na, qbsuran paru Abilene ka Rusanias, 2paru msapuh ka Anas ma Kayapas. Ciida, Yohane laqi Jekaryah meniq tadus brenux hiya, meyah heya ka kari Utux Baro. 3Kiya de mosa mkkesa dxeral ga ssiyo yayung Yarden ka heya. Gmarang oda ptgaya psino priyux lnglungan ma srwaun Utux Baro ka qnquwan daha. 4Mntena so ga spatis patis kari Isaya mpgeela kari:
“Niqan seediq ga mlawa tadus brenux,
Psramal elu Bukung,
ksderux smalu ka elu na!
5Tbneun kana ka ayu,
slbeun kana ka dgiyaq paru ma biciq!
Psdrehun ka mbiki elu,
psblayun ka msrebu elu.
6Kana muudus niqan heyi ma dara na we, mqita dnoi baga Utux Baro kana!”
7Rngagan na ka dhbaro bale seediq meeyah ptgaya psino Yohane: “Dlutuc quyu naqah! Ima ka pgkela yamu pqduriq seang mmeyah ho? 8Pghei ba mndungus so pnryuxan lhebun ka yamu. Iya kesa rmengo ka lhebun namu: ‘Niqan Abraham ka pusu rudan nami.’ Rngage maku, Utux Baro we tdwaun na smalu lqlaqi laqi Abraham peeyah bbtunux nii! 9Saya tena wada psaun pusu qhuni ka puru. Maanu so kiya de ini pgheyi malu ka kana qhuni we sqetun ma qada puniq.” 10Smiling heya ka hbaro ba seediq: “Maanu so kiya de maanu ka daun nami ho?” 11Cmiyuk rmengo dheya ka heya: “Niqan 2 lukus pstrmaun na ka seediq we biqi ka seediq uka lukus. Niqan uqun na ka seediq we kchaya uri.” 12Meyah ka dmaangal pila nqbsuran mkmooda ptgaya psino, rmengo heya: “Mptgesa, mpqeepah nami maanu ho?” 13Kiya de rngagan na: “Iya pgkala sneengan mangal.” 14Smiling heya ka dsupi uri: “Yami we manu ka ddaun nami ho?” Rngagan na ka dheya: “Iya siicu gmeeluk mangal ma mberiq seediq uri. Ngali so mttuku ka sntkean su nanak.”
15Ciida, psmeyah eeyah Kiristo ka seediq, ida gaga lmngelung ka seediq yaa Kiristo ka Yohane, 16cmiyuk rmengo dheya ka Yohane: “Yaku we qsiya ka sptgaya mu smino yamu. Kiya de meeyah ka mgkala beyax mu. Ani ku llhelah negul ramil na we ini ku mnuglengu. Heya ge Bgihur Utux ma puniq ka sptgaya na smino yamu. 17Dmoi tbesan mugi ka baga na, kragun na ka sbetan. Psaun na repun ka mugi ma psqmaun na puniq ini kpahung ka lepi.”
18Egu ba dnudul na gmarang malu kari seediq dungal ka Yohane. 19Hrodes mpdudul we ado Hrodias mqedil mtswai na ma kana qneepah nnaqah ka wada spseru Yohane. 20Suumal na dungal ka qnnaqah na we kiya ka shetur na sapah kuung ka Yohane.
Ptgaya Psino ka Yesu
(Mat 3:13-17. Mrk 1:9-11)
21Mooda ptgaya psino ka kana seediq ciida we moda ptgaya psino ka Yesu uri. Pida ba dmurun ciida, mtraguh ka karac, 22ma heyi so byugu ka Bgihur Utux mtuting meyah bobo heyi na. Peeyah baro dungal ka kari, rmengo: “Isu we laqi kuxul mu, qrasun sumu bale ka heya.”
Patis Lutuc Yesu
(Mat 1:1-17)
23Prading ba gmarang kari ka Yesu we yaa 30 knkawas na. Qnita ta peeyah seediq we laqi Yosehu ka heya. Yosehu we laqi Hli, 24Hli we laqi Matat, Matat we laqi Lewiy, Lewiy we laqi Melki, Melki we laqi Yannay, Yannay we laqi Yosehu, 25Yosehu we laqi Mattatias, Mattatias we laqi Amos, Amos we laqi Naum, Naum we laqi Esli, Esli we laqi Naggai, 26Naggai we laqi Maat, Maat we laqi Mattatias, Mattatias we laqi Semein, Semein we laqi Yosehu, Yosehu we laqi Yehudah, Yehudah we laqi Yoanan, 27Yoanan we laqi Resa, Resa we laqi Jirubabil, Jirubabil we laqi Saltiel, Saltiel we laqi Neri, Neri we laqi Melki, 28Melki we laqi Addi, Addi we laqi uxe, uxe we laqi Kosam, Kosam we laqi Elmadam, Elmadam we laqi Er, Er we laqi Iesous, 29Iesous we laqi Eliejer, Eliejer we laqi Yorim, Yorim we laqi Matat, Matat we laqi Lewiy, 30Lewiy we laqi Simeon, Simeon we laqi Yehudah, Yehudah we laqi Yosehu, Yosehu we laqi Yonam, Yonam we laqi Elyaqim, 31Elyaqim we laqi Melea, Melea we laqi Menna, Menna we laqi Matata, Matata we laqi Natan, Natan we laqi Dawid, 32Dawid we laqi Yisay, Yisay we laqi Obed, Obed we laqi Boaj, Boaj we laqi Salmon, Salmon we laqi Naxson, 33Naxson we laqi Aminadab, Aminadab we laqi Admin, Admin we laqi Arni, Arni we laqi Xecron, Xecron we laqi Perec, Perec we laqi Yehudah, 34Yehudah we laqi Yakobu, Yakobu we laqi Yijxaq, Yijxaq we laqi Abraham, Abraham we laqi Terax, Terax we laqi Nahor, 35Nahor we laqi Serug, Serug we laqi Ragau, Ragau we laqi Peleg, Peleg we laqi Eber, Eber we laqi Silah, 36Silah we laqi Qeynan, Qeynan we laqi Arpaksad, Arpaksad we laqi Sem, Sem we laqi Noax, Noax we laqi Lemek, 37Lemek we laqi Metuselax, Metuselax we laqi Xanok, Xanok we laqi Yered, Yered we laqi Mahalalel, Mahalalel we laqi Qeynan, Qeynan we laqi Enos, 38Enos we laqi Set, Set we laqi Adam, Adam we laqi Utux Baro.
Nke Ahọpụtara Ugbu A:
Ruka 3: Stgdaya
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible Society in Taiwan, 2020
© 台灣聖經公會版權所有，2020