Genesa 5
5
E viça
le Adamosti anda o Seto ji koa Noe.
1Dikta o lill le neamurengo le Adamohkă. Ando des kana kărdea O Dell le manušes kărdea les sar peste sar o Dell.#Cap. 1.26. Luka 3.38. 1Kor. 1.1. Efes. 4.24. Kol. 3.10.
2Kărdea le rig muršani thai rig juwlikani, blagovisardeale, thai dea le o anau „manuši”, ando des kana sas kărde.#Cap. 1.27.
3Kana pherdea ăkhšel thai treanda bărši, o Adamo kărdea khă šau pala pehko tipo thai ameaimos, thai thodea lehkă anau Set.#Cap. 4.25.
4Pala so kărdea le Setos, o Adam mai traisardea ohto šella bărši: thai kărdea šave thai šeia.#1Kron. 1.1, etc. Cap. 1.28.
5Sa le des kai traisardea le o Adamo, sas înia šella thai treanda bărši; pala kodea mullo.#Cap. 3.19. Evr. 9.27.
6Kana sas les ăkh šel thai panji bărši, o Seto kărdea le Enosos.#Cap. 4.26.
7Pala o kărdimos le Enosohko, o Set mai traisardea ohto šella thai efta barši, thai kărdea šave thai šeia.
8Sa le des le Stohkă sas înia šella thai desudui barši; pala kodea mullo.
9Kana sas les îneavardeši bărši, o Enos kărdeas le Kainanos.
10Pala so kărdea le Kainanos, o Enos mai traisardea ohto šella thai desupanji barši, thai kărdea šave thai šeia.
11Sa le des le Enosohkă sas înia šella thai panji bărši, pala kodea mullo.
12Kana sas les eftavardeši bărši, o Kainaino kărdea le Maxalaleelos.
13Pala so kărdea le Maxalaleelos, o Kainaian mai traisardea ohto šella thai starvrdeši bărši; thai kărdea šave thai šeia.
14Sa le des le Kainainohkă sas înia šella thai deši bărši; pala kodea mullo.
15Kana sas les šovardes thai panji bărši, o Maxalaeel kărdea le Iarades.
16Pala so kărdea le Iarades, o Maxalaeelo mai traisardea ohto šella thai treanda bărši; thai kărdea šave thai šeia.
17Sa le des le Maxalaeelohkă sas ohto šella îniavardeši thai panji bărši: pala kodea mullo.
18Kana sas les ăkhšell thai šovardes thai dui bărši, o Iared kărdea le Enohos.#Iuda 14, 15.
19Pala so kărdea le Enohos, o Iared mai traisardea ohto šella bărši; thai kărdea šave thai šeia.
20Sa le des le Iaredohkă sas înia šella thai šovardes thai dui bărši; pala kodea mullo.
21Kana sas les šovardes thai panjii bărši, o Enoho kărdea le Metusalos.
22Pala so kărdea le Metusalos, o Enoh phirdea le Devllesa trin šella bărš; thai kărdea šave thai šeia.#Cap. 6.9; 17.1; 24.40. 2Thag. 20.3. Ps. 16.8; 116.9; 128.1. Mika 6.8. Mal. 2.6.
23Sa le des le Enohohkă sas trin šellašovardeši thai panji bărš.
24O Enoh phirdea Le Devllesa; pala kodea či mai dičilo, kă lea les O Dell.#2Thag. 2.11. Evr. 11.5.
25Kana sas les ăkh šell ohtovardeši thai efta bărši, o Metusala kărdea le Lamexos.
26Pala so kărdea le Lamexos, o Metusala mai traisardea efta šella ohtovardeši thai dui bărši; thai kărdea šave thai šeia.
27Sa le des le Metusalohkă sas înia šella šovardeši thai înia bărši; pala kodea mullo.
28Kana sas les ăkh šell thai ohtovardeši thai dui bărši, o Lamex kărdea khă šau.
29O thodea lehăa anau Noe#Cap. 3.17; 4.11., phendindoi: „Koadoa sî kai dabadikhălame anda amari prikopsala amară vastendi, kai aven anda kadea phuw, kai deala arman O Dell.”
30Pala so kărdea le Noes, o Lamex mai traisardea panji šella thai îniavardeši thai panji bărši; thai kărdea šave thai šeia.
31Sa le des le Lameohkă sas efta šella eftavardeši thai efta, pala kodea mullo.
32Noe, kana sas les panji šella bărši, kărdea le o Semos, le Xamos thai le Iafetos.#Cap. 6.10. Cap. 10.21.
Nke Ahọpụtara Ugbu A:
Genesa 5: KALD2020
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.