Matíe 1

Zozi Klísɩ a lɔ́lɔ́kpaá a wɔlɩ́

(Lúkɩ 3.23‑38)

1Zozi Klísɩ ŋwɔ́ɔ Ablaámʋ yà Davídɩ sɔ́ a lɔ́lɔ́kpa a mnɩ́ a nyɔɔ̀. Zozíi a lɔ́lɔ́kpaá ámá lɛ̀: 2Ablaámʋ va Izákɩ, Izákɩ va Zakɔ́bʋ, Zakɔ́bʋ va Zudáa yà ɔ nɩ́ayúó sɔ́. 3Zudáa yà ɔ ŋwnɔ́ Tamáa sɔ́ va Falɛ́zɩ lé Zaláa. Falɛ́zɩ va Esrómʋ, Esrómʋ va Alámʋ. 4Alámʋ va Aminadábʋ, Aminadábʋ va Naasɔ́ɔ, Naasɔ́ɔ va Salɩmɔ́ɔ. 5Salɩmɔ́ɔ yà ɔ ŋwnɔ́ Wlaábʋ sɔ́ va Boózʋ, Boózʋ yà ɔ ŋwnɔ́ Wlútʋ sɔ́ va Yobédɩ, lé Yobédɩ va Jesée. 6Jesée va lóo Davídɩ. Ulíi a tɩtɩŋwnɔɔ́ lóo Davídɩ bhá lɛ́ a, ɔ yɔ̀sɔ́ va Salomɔ́ɔ. 7Salomɔ́ɔ va Wloboámʋ, Wloboámʋ va Abía, lé Abía va Azáfʋ. 8Azáfʋ va Zozafátɩ, Zozafátɩ va Zolámʋ, lé Zolámʋ va Ozíásɩ. 9Ozíásɩ va Zotámʋ, Zotámʋ va Akázɩ, lé Akázɩ va Ezekíásɩ. 10Ezekíásɩ va Manasée, Manasée va Amɔ́ɔ, lé Amɔ́ɔ va Zozíásɩ. 11Zozíásɩ va Jekoníásɩ yà ɔ nɩ́ayúó sɔ́. Bhʋ́ a tányɩɛ́ Babɩlɔ́nʋnyʋa bhli lɛ́ Izrayɛ́lɩnyʋa kʋ́ lé á faa géyilɛ kʋ́. 12Babɩlɔ́nʋnyʋa fa yɩ́ fɩ́ɛ́ Izrayɛ́lɩnyʋa géyilɛ kʋ́, lé Jekoníásɩ va Salatɩ́ɛ́lɩ, lé Salatɩ́ɛ́lɩ va Zɔlɔbabɛ́lɩ. 13Zɔlɔbabɛ́lɩ va Abiyúdʋ, Abiyúdʋ va Eliakímʋ, lé Eliakímʋ va Azɔ́ɔ. 14Azɔ́ɔ va Sadɔ́kɩ, Sadɔ́kɩ va Akímʋ, lé Akímʋ va Eliyúdʋ. 15Eliyúdʋ va Eleazáa, Eleazáa va Matánɩ, lé Matánɩ va Zakɔ́bʋ, 16lé Zakɔ́bʋ va Zɔ̀zɛ́fʋ, Zɔ̀zɛ́fʋ bhá Malíi. Malíi va Zozíi. Zozíi ɔ́mɔ́ á wlele lɛ́ Kláyɩ́sɩ#1.16 Kláyɩ́sɩ: Bhʋ́anɩ ŋnɩ́ɛ́ a gba ŋwɔ́ɔ mà, nyɔɔ́ lɩ̀à ɔ́mɔ́ Lagɔ sa à lé ɔ́ cíè ɔ̀ kà ʋ́ kɔ́ a nyʋa neé sa à. . 17Bháa Ablaámʋ a jànyɩ̀ɛ̀ jɩ̀, lé kà Davídɩ a jànyɩ̀ɛ̀ jɩ̀ ŋnɩ a, ɩ́ nie jànyɩ a cí a kʋ́gbá mɔ̀na. Bháa Davídɩ a jànyɩ̀ɛ̀ jɩ̀ lé kà tányɩɛ́ mʋ́ Izrayɛ́lɩnyʋa kʋ wá Babɩlɔ́nʋ géyilɛ kʋ́ a ŋnɩ a, ɩ́ nie jànyɩ a cí a kʋ́gbá mɔ̀na. Bháa tányɩɛ́ mʋ́ Izrayɛ́lɩnyʋa nɩ wá géyilɛɛ́ Babɩlɔ́nʋnyʋa jɩ̀ lé kà Kláyɩ́sɩ a tányɩɛ́ ŋnɩ a, ɩ́ nie jànyɩ a cí a kʋ́gbá mɔ̀na.

Zozíi a vavatanyɩ á wɔlɩ́

(Lúkɩ 2.1‑7)

18A lɛ́bhɛɛ cémʋ́ Zozi Klísɩ a vavawɔlɩɛ́ plɩ́plɩ mʋ́ a, Zozíi ɔ nɛ́ Malíi ŋwɔ́ɔ wá ŋnɩ́keyʋdɔ̀gbá, ɔ nɩ́ àyɩ wá yuwle yɩbhlɩ, lé á nyɛ́ ɔ́ Zɔ̀zɛ́fʋ bháàda, mà áa sɔ́ɔ́ nɩ́ àyɩ dáamúó pʋ́ʋ lé Lagɔ a Blɔ̀blɔ̀zùzùò kwlíi Malíi jɩ̀ lé ɔ́ pla nɩkplaá. 19Mà cémʋ́ Zɔ̀zɛ́fʋ ŋwɔ́ɔ wázɔ̀ námanyɔ a, ɔ nɩ́ yrá lé ɔ ká Malíi gbʋ́ jɩ̀ bhle a, ɩ́ ka ŋnɩ́ lé ɔ́ pláa wɔlɩ́ɛ́ dɩgàlɩ mʋ́ lé ɔ ká Malíi a gbʋ́ wlʋ́. 20Zɔ̀zɛ́fʋ kʋ wɔlɩ́ɛ́ a bhobhoda lé ɔ́ ŋwɔ́ɔ̀, ɔ́ kʋ yrá lé ɔ́ yra, yraá a mnɩ́ Lagɔ a Kplɔkplɔzùzu srʋ ɔ́ mà: «Zɔ̀zɛ́fʋ, Davídɩ a yʋ́ʋ̀! Wɔlɩ́ ná bhlá mɔ̀! Bháʋ́ Malíi lé fɔɔ́ nà gbó! Mà yʋ́ɔ́ ɔ̀ kʋ̀ ɔ mnɩ́ a, Lagɔ a Blɔ̀blɔ̀zùzùò ʋ́mʋ́ ʋ̀ ŋwʋ́ ɔ̀ mɔ́ mnɩ́. 21Yʋ́ɔ́ ɔ na ká va a, ɔ́mɔ́ nà kà Zozíi#1.21 Zozíi: Bhʋ́anɩ ŋnɩ́ɛ́ a gba ŋwɔ́ɔ Pʋ́anyɔ. ŋnɩ́ ŋwʋ́, ɔ́mɔ́ nà kà ɔ bhlɩ́ɛ́ a mnɩ́ a nyʋaá a nyumoé ciè lé ɔ̀ kà ʋ́ ámá neé sa à.» 22Wɔlɩ́ɛ́ fɩ́ɛ́ lɩ̀à, ɩ́ ŋnɩ lé cémʋ́ Kanyɔ Lagɔ a nékʋ́cinyɔ cí wá a, ɩ ká neé sralɔɔ̀:

23 Ŋnɩ́keyʋɔ́ ɔ̀ nɩ́ à zà yʋwlɩ yɩbhlɩ a,

Ɔ́ yi nɩkplaá pla lé ɔ́ yi yuwliyʋ va à.

Yʋ́ɔ́ ɔ́mɔ́ á na ká Ɛmanʋ́ɛ́lɩ wleè. # 1.23 A zɛlɩɩ sáà Eza 7.14.

Ɛmanʋ́ɛ́lɩŋnɩɛ́, ɩ́ gba ŋwɔ́ɔ mà: Lagɔ kʋ àmɔ̀ nyièdɩ.

24Zɔ̀zɛ́fʋ wlʋ́ yrá a, ɔ́ nɩ wɔlɩ́ɛ́ Lagɔ a Kplɔkplɔzùzùò srʋɔ́ a. Ɔ́ bháʋ́ Malíi lé ɔ́ fɔɔ́ ɔ gbó. 25Ɔ yɔ̀sɔ́ nɩ́ gɔ̀ mʋmʋ àààn lé ɔ́ vaà. Ɔ́ va cícása yuwliyʋ. Ɔ́mɔ́ á ŋwʋ́ Zozíi ŋnɩ́.

Nke Ahọpụtara Ugbu A:

Matíe 1: NEY

Mee ka ọ bụrụ isi

Kesaa

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Mụtakwuo maka Neyo

Matíe 1

Amaokwu Akwụkwọ Nsọ Ndị Ama Ama siteré na
Matíe 1

Akwụkwọ Nsọ:

Neyo

Udi: Neyo - NEY

Matíe 1

Matíe 1

Amaokwu Akwụkwọ Nsọ Ndị Ama Ama siteré na Matíe 1

Akwụkwọ Nsọ:

Neyo

Udi: Neyo - NEY

Matíe 1

Amaokwu Akwụkwọ Nsọ Ndị Ama Ama siteré na
Matíe 1