Gênesis 44
44
José Hirapre Stono Tshowhuxikowakaphuta Piranapni
1Waneya José towutlu hipji suslahakleru wla htshinru:
— Jejine sac-ne hsepotanru honantshi rumukata haniklexyawakna pso wane putakanu. Hiyrun-koxa jejine ptowruneka tiyirote h-sac-nena hruko putakanhonuka.
2Hiyrun-koxa nurapre stono prata kamhikolu hepurtshi potu sac-ne rohowakako putakanru. Hiyrun-koxa tiyiro honantshi wenru waneko putakanu. Hiyáhoni ptowru potuko José towuxyalu hkamhatka.
3Waneya hajeyri rumrerejinixka tkatshi hyokanatkana jejine hyiywakapna hiyrun-koxa h-jumento-tna hyokanata.
4Waneya rali hichpaklexinixkaluna wale poktshi seyni hi howuka hyawana José towutlu hipji suslahakleru, wla htshinru:
— Hajewa ppalnanu, jejine pomkahitanu. Papkapiniklunupna wla ptshinanna: “Klu hikolukle tshinanhe kihleru nkamhiyatkahi seyni wanepnawaka hektuwaka hkamhamxyano?
5Hi he xye nutsrukate hirapre stono hinamtatshri rimatahnapupre? Hektutu hkamhatka xye hkamrure tshinanu.”
6Waneya rapkapatkana waneya xye tokantshi pixka potuko htshinatkana.
7Waneya wla htshinruna:
— Klu hikolukle tshinanhe wane ptshinanwu wutsrukate? Hoyakalu tshinanu hixa ptowrerunwu hikeklu wane pixkalutu wkamha.
8Tiyiro wukchikleru w-sac-neya wale wsatkaka pixa nwaka, Canaã tshijne wale wumuchpajyalu. Hiyáhoni xawakni hanhe xawaka wumukata hixa tshowhuretlu satu pa hixanu prata kamhikolu ho ouro kamhikolu ptowutjerupji hajeru?
9Hiyáhoni katuymaktako tukchikko ruylatko hiyrun-koxa pitowrene wixikolpatka.
10Waneya wla htshina:
— Haté hehe htokanu tshinyawaka hixko. Hanuruktako yineruyma tukchikko ntowrerupatkani seyni hixa pimrinhi hi hikolukanuwnanu.
11Hiyáhoni ptowruneka chireta kosputakletlu h-sac-nena waneya hkotpukluna.
12Waneya tsrujru sac-ne ruchpajyatka rujhiywakaplu haté hepurtshi potu sac-ne. Waneya hirapi stono Benjamim sac-ne rukchijyatka.
13Waneya hsuskamkaluxnawana, h-jumento-tna hwunutatnakna waneya tsru poktshiko hsatokatnakna.
14Waneya Judá himoleneyma José-pji hapokhonukatnaka waneya José wanekananukowa. Waneya wale hoji sreta hyawniyna tshiji.
15Waneya José wla tshinatkana:
— Klunernihe xye hkamhaleru? Hi he himatlu satu yineru hita pixkalutu rawya rimaxinri?
16Waneya Judá wla tshinru:
— Kluhe wumukata tshinretyi wutsrukate, wumukata powratlexnawakwa? Hoyakalu hikchiklu ptowrertshine kamhaleru hektutu. Hiyáhoni xawakni ptowrertshinepatkawu hixa hiyrun-koxa purapre stono hikchijikaluru koxa ptowrerupatka.
17Seyni wale wla tshinatkana:
— Hoyakalu tshipetlu wane nixyawakapa. Seyni hirapi stono hikchijikaluru tsonu ntowrerupatka. Hixa pimrinhi satokanru hiru nwaka kihle hwachalerunephi.
18Waneya Judá walestsi rapokatka, wla htshinru:
— Ha nutsrukate, pitshitanno niynumsaxyawakapyi wi potuyako. Nanjityi hi tshi pahkanno hita ptowrerno. Nimatyi pixa phuru Faraó pixkalutyi.
19Pixa potuko nutsrukatyi hepomhatkawu hixa ptowrerunwu mitshi, ho jirwuhe ho kamolewuhe, ptshinwu.
20Waneya wunkakatkayi pixa nutsrukate, wla wtshinatkayi, “Jirwu, seyni tsrutsolejni hiyrun-koxa Kwuhenru, rutsruhinixka hiwhene hi tsruwalu. Himolni hipnanatka hiyáhoni runroni matkaklu walepkatkani hiyahokni ruru hamotlu.”
21Waneya mitshi wla ptshinatkawu hixa pitowrenwu: “Hanikanru hita nwaka nexyawakaplu.”
22Waneya nutsrukate wla mitshi wtshinatkayi: “Wale mturu honra hi himukata hicholetlu ruru klu tshinanu ruchoxiniplu rupnanuna rurupni.”
23Seyni pixa hiykotatkawu ptowrerunwu, wla ptshinatka: “Hepuru hma manikkanuklununapa hi hethojitanno halikaka.”
24Waneya nuru ptowreru yehi wapojinixka pixa nutsrukatyi tokanu wunkakatkalu.
25Waneya wuru wla tshinwu: “Wanetshi hyanutnaka honantshi hanjitapinwu.”
26Seyni wunkaklu, wla wtshinru: “Hi wumukata wane yaleta. Wepuru hma mimotsatkanuklunupwu hi wane wyanu klu tshinanu hi hima wethojitanru wale jeji wepuru hma mimotsatkanuklunupwu.”
27Waneya nuru ptowreru wla tshinwu: “Hixa himatlu nhanunroni hepi whene jejine tmatkajyano.”
28Satu wanna hit-yehi hamhiyatka, nijewlu hetko kopalhitutanatkalu, ntshinatka. Waneklu kananuko haté xawakni hi netanatkalu.
29Hiyáhoni xye koxa hanijinipa, rahijewninipa waneya klatajiwuruknotshi hipuktshi nwaka yanu tsru wamontshiyma.
30Hatatjewa mturu riwejya nuru hiyáhoni xawakni makluji wmanikkanuklunupa, nuru ptowreru yehi wapojinpatka,
31rexiniklunpatkawu mturu hixayma hmixkanuklunpatka rupnanu nuru. Hatatjewa hixa, pixa towrerunwu yokanatanru nuru klatajiwuruko hipuktshi nwakatshi hyiywakapa tsru wamontshiyma hixa wtshinanupni.
32Klu tshinanu nutakka mturu nisatkapyawakapa nuru yehi. Klu tshinanu wla ntshinatkal-mitshi: “Nma misatkapkanuklunuplu pix-yehi waneya hitako wenutanyi hikeklu hohne mnikawnakatupni.”
33Hiyáhoni xawakni nanjityi pitshitanno hewi nutujyawakapa mturu kachrijru pixa nutsrukate towreru nixyawakapa. Seyni pitshitanru mturu hyiywakapa himoleneyma.
34Klu tshinanu hanhe xawaka numukata yanwakletlu nuru mturu nmanikkanuklunupa? Hita hi haluka hetletlu hektutu nuru hapokanwakatatshripa.
Nke Ahọpụtara Ugbu A:
Gênesis 44: mpdBiblia
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 44
44
José Hirapre Stono Tshowhuxikowakaphuta Piranapni
1Waneya José towutlu hipji suslahakleru wla htshinru:
— Jejine sac-ne hsepotanru honantshi rumukata haniklexyawakna pso wane putakanu. Hiyrun-koxa jejine ptowruneka tiyirote h-sac-nena hruko putakanhonuka.
2Hiyrun-koxa nurapre stono prata kamhikolu hepurtshi potu sac-ne rohowakako putakanru. Hiyrun-koxa tiyiro honantshi wenru waneko putakanu. Hiyáhoni ptowru potuko José towuxyalu hkamhatka.
3Waneya hajeyri rumrerejinixka tkatshi hyokanatkana jejine hyiywakapna hiyrun-koxa h-jumento-tna hyokanata.
4Waneya rali hichpaklexinixkaluna wale poktshi seyni hi howuka hyawana José towutlu hipji suslahakleru, wla htshinru:
— Hajewa ppalnanu, jejine pomkahitanu. Papkapiniklunupna wla ptshinanna: “Klu hikolukle tshinanhe kihleru nkamhiyatkahi seyni wanepnawaka hektuwaka hkamhamxyano?
5Hi he xye nutsrukate hirapre stono hinamtatshri rimatahnapupre? Hektutu hkamhatka xye hkamrure tshinanu.”
6Waneya rapkapatkana waneya xye tokantshi pixka potuko htshinatkana.
7Waneya wla htshinruna:
— Klu hikolukle tshinanhe wane ptshinanwu wutsrukate? Hoyakalu tshinanu hixa ptowrerunwu hikeklu wane pixkalutu wkamha.
8Tiyiro wukchikleru w-sac-neya wale wsatkaka pixa nwaka, Canaã tshijne wale wumuchpajyalu. Hiyáhoni xawakni hanhe xawaka wumukata hixa tshowhuretlu satu pa hixanu prata kamhikolu ho ouro kamhikolu ptowutjerupji hajeru?
9Hiyáhoni katuymaktako tukchikko ruylatko hiyrun-koxa pitowrene wixikolpatka.
10Waneya wla htshina:
— Haté hehe htokanu tshinyawaka hixko. Hanuruktako yineruyma tukchikko ntowrerupatkani seyni hixa pimrinhi hi hikolukanuwnanu.
11Hiyáhoni ptowruneka chireta kosputakletlu h-sac-nena waneya hkotpukluna.
12Waneya tsrujru sac-ne ruchpajyatka rujhiywakaplu haté hepurtshi potu sac-ne. Waneya hirapi stono Benjamim sac-ne rukchijyatka.
13Waneya hsuskamkaluxnawana, h-jumento-tna hwunutatnakna waneya tsru poktshiko hsatokatnakna.
14Waneya Judá himoleneyma José-pji hapokhonukatnaka waneya José wanekananukowa. Waneya wale hoji sreta hyawniyna tshiji.
15Waneya José wla tshinatkana:
— Klunernihe xye hkamhaleru? Hi he himatlu satu yineru hita pixkalutu rawya rimaxinri?
16Waneya Judá wla tshinru:
— Kluhe wumukata tshinretyi wutsrukate, wumukata powratlexnawakwa? Hoyakalu hikchiklu ptowrertshine kamhaleru hektutu. Hiyáhoni xawakni ptowrertshinepatkawu hixa hiyrun-koxa purapre stono hikchijikaluru koxa ptowrerupatka.
17Seyni wale wla tshinatkana:
— Hoyakalu tshipetlu wane nixyawakapa. Seyni hirapi stono hikchijikaluru tsonu ntowrerupatka. Hixa pimrinhi satokanru hiru nwaka kihle hwachalerunephi.
18Waneya Judá walestsi rapokatka, wla htshinru:
— Ha nutsrukate, pitshitanno niynumsaxyawakapyi wi potuyako. Nanjityi hi tshi pahkanno hita ptowrerno. Nimatyi pixa phuru Faraó pixkalutyi.
19Pixa potuko nutsrukatyi hepomhatkawu hixa ptowrerunwu mitshi, ho jirwuhe ho kamolewuhe, ptshinwu.
20Waneya wunkakatkayi pixa nutsrukate, wla wtshinatkayi, “Jirwu, seyni tsrutsolejni hiyrun-koxa Kwuhenru, rutsruhinixka hiwhene hi tsruwalu. Himolni hipnanatka hiyáhoni runroni matkaklu walepkatkani hiyahokni ruru hamotlu.”
21Waneya mitshi wla ptshinatkawu hixa pitowrenwu: “Hanikanru hita nwaka nexyawakaplu.”
22Waneya nutsrukate wla mitshi wtshinatkayi: “Wale mturu honra hi himukata hicholetlu ruru klu tshinanu ruchoxiniplu rupnanuna rurupni.”
23Seyni pixa hiykotatkawu ptowrerunwu, wla ptshinatka: “Hepuru hma manikkanuklununapa hi hethojitanno halikaka.”
24Waneya nuru ptowreru yehi wapojinixka pixa nutsrukatyi tokanu wunkakatkalu.
25Waneya wuru wla tshinwu: “Wanetshi hyanutnaka honantshi hanjitapinwu.”
26Seyni wunkaklu, wla wtshinru: “Hi wumukata wane yaleta. Wepuru hma mimotsatkanuklunupwu hi wane wyanu klu tshinanu hi hima wethojitanru wale jeji wepuru hma mimotsatkanuklunupwu.”
27Waneya nuru ptowreru wla tshinwu: “Hixa himatlu nhanunroni hepi whene jejine tmatkajyano.”
28Satu wanna hit-yehi hamhiyatka, nijewlu hetko kopalhitutanatkalu, ntshinatka. Waneklu kananuko haté xawakni hi netanatkalu.
29Hiyáhoni xye koxa hanijinipa, rahijewninipa waneya klatajiwuruknotshi hipuktshi nwaka yanu tsru wamontshiyma.
30Hatatjewa mturu riwejya nuru hiyáhoni xawakni makluji wmanikkanuklunupa, nuru ptowreru yehi wapojinpatka,
31rexiniklunpatkawu mturu hixayma hmixkanuklunpatka rupnanu nuru. Hatatjewa hixa, pixa towrerunwu yokanatanru nuru klatajiwuruko hipuktshi nwakatshi hyiywakapa tsru wamontshiyma hixa wtshinanupni.
32Klu tshinanu nutakka mturu nisatkapyawakapa nuru yehi. Klu tshinanu wla ntshinatkal-mitshi: “Nma misatkapkanuklunuplu pix-yehi waneya hitako wenutanyi hikeklu hohne mnikawnakatupni.”
33Hiyáhoni xawakni nanjityi pitshitanno hewi nutujyawakapa mturu kachrijru pixa nutsrukate towreru nixyawakapa. Seyni pitshitanru mturu hyiywakapa himoleneyma.
34Klu tshinanu hanhe xawaka numukata yanwakletlu nuru mturu nmanikkanuklunupa? Hita hi haluka hetletlu hektutu nuru hapokanwakatatshripa.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil