Gênesis 45
45
José Hiphujexnawakwa Himolene Yehiya Piranapni
1Waneya José hi rakota wamonnutatka htowrene hetanu hiyáhoni hsaplewatatka:
— Hichpajinixkano ptowruneka hita hojiya. Hiyáhoni hike José yehi hitukatka ruphujexnawa rimathetatkaluna himolene.
2Waneya tsru tshiyahlu rixatka José. Egito-nerune yijnakotlu haté Faraó-pji hajene koxa yijnakotlu htshiyahaxyawaka.
3Waneya José wan-tshinna himolene:
— Hitni José-no! Riwekawhe nuru? Seyni himolene hi himukata hihretlu klu tshinanu hpikpotutluna José klu tshinanu hihoji sreta rawakanatna.
4Waneya José wla tshinna himolene:
— Hinanu hitastsi.
Waneya wane rixna waneya José wla tshinna:
— Hita hixa molno, José-kno hita, Egito tshijne hichanjinrikno hita!
5Hiyáhoni xawakni hi hkojwakahchinikanutanu hiyrunu hi hahjinwa wkata hichanjiywakno tshinanu klu tshinanu Hoyakalu hixkajyawakno hewi napokahnaputhi yine riwekajyawakapa.
6Hepi mhale tsru nattshi hwa tshiji psoluyaka hiyrunu cinco mhale pnute hike hsana hitakanu, hikepni honantshi.
7Seyni Hoyakalu yokanatno hixa pnute rimrexyawakaphi satkaka yineru hixetatshri tshijiya riwekkajyawakaphi tsru hiwekluya.
8Hiyáhoni hi hixa hewi yokanatno seyni Hoyakalu yokanatno wkata haté Faraó hiru pixka nixa hiyrun-koxa Faraó-pji psoluka ntowuxyawaka Egito tshijne koxa psoluka ntowuta.
9Hiyáhoni hchiretanu nuru yehi hsatkapyawakapa wane htshinanru nuru:
— Wane rix-hinkaklekjixwu pituru José: “Hoyakalu hitakno tsru hixikatshriwa nixyawaka Egito tshijne psoluyaka hiyáhoni pchireta serpiklenwakatanno. Hi hohamokapyi.
10Gósen tshiji pwanu, hitastsi pwanu pixa, piwhenene, pimekahine, piprane, piprane wakane hiyrun-koxa wale ptowruka pimwaleru hitastsi hwanu.
11Wane nuslahinyi klu tshinanu hmahatawa cinco mhale tsru nattshi. Nma muslahakanuklunupyi pixa, pixa pantshi hajene, payinetene koxa tsru potuko mahaxini.”
12Hix-honra hetlu hiyhale potuko hexyalu hiyrun-koxa nepuru Benjamim yhale potuko hetlu hitni, nonama potuyako niynumsaxyahi.
13Hiyáhoni xawakni nuru hinkakanu hi pa himukatlukananno Egito tshijneya hiyrun-koxa hinkakanru ptowru hetleru pirana. Hchiretanu nuru hanijyawakapa wkata.
14Waneya hsapriknojitatkalu repuru Benjamim, htshiyahata. Hiyrun-koxa Benjamim saprikatkalu wale, htshiyahatkoxatka wale.
15Hiyrun-koxa pimrine himolene ptowruneka ramlutatka, hix-hohne hmexyawakanna pohwaka tshinanu htshiyahatatkana. Waneya wane pnutetka himolene hiynumatlu.
16Waneya José molene hapojyawaka pirana pohiwatatka haté phuru Faraó-pji rapokpiranatatka klu tshinanu runkakkatka, wla htshinruna:
— José molene hapokatka.
Xye pirana poyikotpotutlu phuru Faraó.
17Waneya Faraó wla tshinru José:
— Punkakanna pimolene wla ptshinanna: “Wla hixanu, h-jumento-tene hwunutanu, Canaã tshijne nwaka hyanu.
18Waneya hiru hiyrun-koxa hixako hipji hajene hwapanu, hanikanna wkata hita nwaka. Tshiji nenekanhi kihle tshijiwaka Egito tshijneya nenekanhi wane hixatshinephi tsru honantshi xye tshijne hwatshri hnikanu.”
19Ntowutatkahi hiyáhoni carro-kaka boi kosereru Egito tshijne hajeru hanikanu hwapyapatkana hiwhenene mtserune, hhanunrone tshinanupa koxa wane hixatshinephi hiru hanikanu.
20Hiyrun-koxa hejnu himwaleru hiknokanu klu tshinanu hejnu kihleru Egito tshijne hwatshri ptowruka hixanpatkani.
21Hiyáhoni Israel whenene wane hixatka. José henekatkana carro-ne boi kosereru phuru Faraó tshin-towutlexyawaklu pixka. Hiyrun-koxa hitaphalna hyanrena tshinanupa renekatkana.
22Wanna ptowruneka mkatshri herotu kihleru renekatkana pa mkalkaka renekkatkana satkaka seyni Benjamim reneka trezentos proji prata hiyrun-koxa cinco mkatshri kihler-potuko reneklu.
23Hiyrun-koxa hyokananwakatlu ruru dez jumento-ne hejnu kihlekakalu Egito hajeru hwunutkana hiyrun-koxa hyokanatlu dez jumenta-ne honantshi trigo-ji hiyrun-koxa nikalhitu wunutamtatshine runamxinipna tshinanu koxa.
24José hiykotatkana wla htshinatkana:
— Xako hi hyahotkakanu hatnu hapoya. Waneya himolene hyokanata hyiywakapna. Waneya hyatkana.
25Waneya Egito tshijne ruchpajyana José molene, rurna, Jacó nwaka hyana Canaã tshijne nwaka.
26Waneya wane htshinruna rurna:
— José hiwekawa! Haté Egito tshijne psoluka towutatshrini. Waneya rimyekhajita Jacó. Hi ralixatkana.
27Seyni runkajinruna ptowruka htshinyawakna José hiyrun-koxa rexinixkalu carro-ne José yokanreru hwapyawakaplu José nwaka hpoyikowatatka rurna Jacó.
28Waneya Israel wla tshina:
— Ha xawakni nalixlu! Noturu José hiwekawa. Netanru nmupnaknukawa.
Nke Ahọpụtara Ugbu A:
Gênesis 45: mpdBiblia
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 45
45
José Hiphujexnawakwa Himolene Yehiya Piranapni
1Waneya José hi rakota wamonnutatka htowrene hetanu hiyáhoni hsaplewatatka:
— Hichpajinixkano ptowruneka hita hojiya. Hiyáhoni hike José yehi hitukatka ruphujexnawa rimathetatkaluna himolene.
2Waneya tsru tshiyahlu rixatka José. Egito-nerune yijnakotlu haté Faraó-pji hajene koxa yijnakotlu htshiyahaxyawaka.
3Waneya José wan-tshinna himolene:
— Hitni José-no! Riwekawhe nuru? Seyni himolene hi himukata hihretlu klu tshinanu hpikpotutluna José klu tshinanu hihoji sreta rawakanatna.
4Waneya José wla tshinna himolene:
— Hinanu hitastsi.
Waneya wane rixna waneya José wla tshinna:
— Hita hixa molno, José-kno hita, Egito tshijne hichanjinrikno hita!
5Hiyáhoni xawakni hi hkojwakahchinikanutanu hiyrunu hi hahjinwa wkata hichanjiywakno tshinanu klu tshinanu Hoyakalu hixkajyawakno hewi napokahnaputhi yine riwekajyawakapa.
6Hepi mhale tsru nattshi hwa tshiji psoluyaka hiyrunu cinco mhale pnute hike hsana hitakanu, hikepni honantshi.
7Seyni Hoyakalu yokanatno hixa pnute rimrexyawakaphi satkaka yineru hixetatshri tshijiya riwekkajyawakaphi tsru hiwekluya.
8Hiyáhoni hi hixa hewi yokanatno seyni Hoyakalu yokanatno wkata haté Faraó hiru pixka nixa hiyrun-koxa Faraó-pji psoluka ntowuxyawaka Egito tshijne koxa psoluka ntowuta.
9Hiyáhoni hchiretanu nuru yehi hsatkapyawakapa wane htshinanru nuru:
— Wane rix-hinkaklekjixwu pituru José: “Hoyakalu hitakno tsru hixikatshriwa nixyawaka Egito tshijne psoluyaka hiyáhoni pchireta serpiklenwakatanno. Hi hohamokapyi.
10Gósen tshiji pwanu, hitastsi pwanu pixa, piwhenene, pimekahine, piprane, piprane wakane hiyrun-koxa wale ptowruka pimwaleru hitastsi hwanu.
11Wane nuslahinyi klu tshinanu hmahatawa cinco mhale tsru nattshi. Nma muslahakanuklunupyi pixa, pixa pantshi hajene, payinetene koxa tsru potuko mahaxini.”
12Hix-honra hetlu hiyhale potuko hexyalu hiyrun-koxa nepuru Benjamim yhale potuko hetlu hitni, nonama potuyako niynumsaxyahi.
13Hiyáhoni xawakni nuru hinkakanu hi pa himukatlukananno Egito tshijneya hiyrun-koxa hinkakanru ptowru hetleru pirana. Hchiretanu nuru hanijyawakapa wkata.
14Waneya hsapriknojitatkalu repuru Benjamim, htshiyahata. Hiyrun-koxa Benjamim saprikatkalu wale, htshiyahatkoxatka wale.
15Hiyrun-koxa pimrine himolene ptowruneka ramlutatka, hix-hohne hmexyawakanna pohwaka tshinanu htshiyahatatkana. Waneya wane pnutetka himolene hiynumatlu.
16Waneya José molene hapojyawaka pirana pohiwatatka haté phuru Faraó-pji rapokpiranatatka klu tshinanu runkakkatka, wla htshinruna:
— José molene hapokatka.
Xye pirana poyikotpotutlu phuru Faraó.
17Waneya Faraó wla tshinru José:
— Punkakanna pimolene wla ptshinanna: “Wla hixanu, h-jumento-tene hwunutanu, Canaã tshijne nwaka hyanu.
18Waneya hiru hiyrun-koxa hixako hipji hajene hwapanu, hanikanna wkata hita nwaka. Tshiji nenekanhi kihle tshijiwaka Egito tshijneya nenekanhi wane hixatshinephi tsru honantshi xye tshijne hwatshri hnikanu.”
19Ntowutatkahi hiyáhoni carro-kaka boi kosereru Egito tshijne hajeru hanikanu hwapyapatkana hiwhenene mtserune, hhanunrone tshinanupa koxa wane hixatshinephi hiru hanikanu.
20Hiyrun-koxa hejnu himwaleru hiknokanu klu tshinanu hejnu kihleru Egito tshijne hwatshri ptowruka hixanpatkani.
21Hiyáhoni Israel whenene wane hixatka. José henekatkana carro-ne boi kosereru phuru Faraó tshin-towutlexyawaklu pixka. Hiyrun-koxa hitaphalna hyanrena tshinanupa renekatkana.
22Wanna ptowruneka mkatshri herotu kihleru renekatkana pa mkalkaka renekkatkana satkaka seyni Benjamim reneka trezentos proji prata hiyrun-koxa cinco mkatshri kihler-potuko reneklu.
23Hiyrun-koxa hyokananwakatlu ruru dez jumento-ne hejnu kihlekakalu Egito hajeru hwunutkana hiyrun-koxa hyokanatlu dez jumenta-ne honantshi trigo-ji hiyrun-koxa nikalhitu wunutamtatshine runamxinipna tshinanu koxa.
24José hiykotatkana wla htshinatkana:
— Xako hi hyahotkakanu hatnu hapoya. Waneya himolene hyokanata hyiywakapna. Waneya hyatkana.
25Waneya Egito tshijne ruchpajyana José molene, rurna, Jacó nwaka hyana Canaã tshijne nwaka.
26Waneya wane htshinruna rurna:
— José hiwekawa! Haté Egito tshijne psoluka towutatshrini. Waneya rimyekhajita Jacó. Hi ralixatkana.
27Seyni runkajinruna ptowruka htshinyawakna José hiyrun-koxa rexinixkalu carro-ne José yokanreru hwapyawakaplu José nwaka hpoyikowatatka rurna Jacó.
28Waneya Israel wla tshina:
— Ha xawakni nalixlu! Noturu José hiwekawa. Netanru nmupnaknukawa.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil