Genesis 36
36
Edduullu dda Esau
(1 Epi 1.34-37)
1Nna sika ntthopoollo na edduullu dda Esau oyo aromolliwattho Edomu. 2#Gen 26.34Awariye a Esau o Kanani yaari Ada mwaana#36.2: Ottaphullella wakhalle waamodda wookhalla ni mawu awi mwaana aamullopwana; mu Eheberi mookhalla mawu awi mwaana aamutthiyana apaalle edduullu yaamutthiyana. a Eloni Muhiti, Oholibama mwaana a Ana, mwaana a Zibiyoni Muhivi, 3#Gen 28.9ni Basemati mwaana a Ishmaele, murokoriye a Nebayoti. 4Ada aamuyarella Esau Elifazi. Basemati aamuyara Reuele 5nave Oholibama aamuyara Yeushi, Yalamu ni Kora. Alla sika anamwani ayo Esau aayarilleeye mu ellapo ya Kanani.
6Vano Esau ahaakusa awariye, anaaye aallopwana, anaaye aatthiyana ni athu attheene a mpa mwaye ni eziweto ddaye ddittheddene ni katundwaaye muttheene amupatilleeye o Kanani. Nave aahiyana ni Yakobo mwanamunne, aya akhalla o ellapo emodda. 7Aatthaama kaambiiwa ellapo akhalleeyeeyo ni Yakobo, yahaayevella eellaayo. Vawi yaakhalla ni eziweto ddinchichi, kheyaawonre okhallella vanipuroni nimodda. 8Sika Esau oyottho aromolliwa wi Edomu, aaya akhalla mu ellapo yamiyaango dda Seiri.
9Nna sika ntthopoollo na edduullu dda Esau, nikhollo na Aedomu, ookhalla mu ellapo yamiyaango ya Seiri. 10Manddina a anamwani a Esau yaari Elifazi mwaana a Ada mwaara Esau ni Reuele mwaana a Basemati mwaara Esau. 11Anamwani a Elifazi yaari Temani, Omara, Zefo, Gatamu ni Kenazi. 12Nave mwa Timna mwaara Elifazi mung'onong'ono, aamuyaramo Amaleke. Alla sika anamwani a Ada mwaara Esau. 13Anamwani a Reuele yaari Nahati, Zera, Shama ni Miza. Alla sika anamwani a Basemati mwaara Esau.
14Anamwani aallopwana a Oholibama mwaara Esau yaari Yeushi, Yalamu ni Kora. Oholibamooyo aari mwaana#36.14: Ottaphullella wakhalle waamodda mwaana aamullopwana Eheberi mwaana aamutthiyana apaalle edduullu yaamutthiyana. a Ana mwaana a Zibiyoni.
15-16Alla sika mamwene a edduullu dda Esau mu ellapo ya Edomu. Mwa anamwani a Elifazi, mwaana awaamba a Esau, mamweniiwa yaari Temani, Omara, Zefo, Kenazi, Kora, Gatamu ni Amaleke. Attheenaalla yaari anamwani a Ada mwaara Esau.
17Mwa anamwani a Reuele mwaana a Esau, mamweniiwa yaari Nahati, Zera, Shama ni Miza. Alla sika mamwene mwa anamwani a Reuele mu ellapo ya Edomu. Navettho ddenndda sika edduullu dda Basemati mwaara Esau.
18Mwa Oholibama mwaara Esau, mamweniiwa yaari Yeushi, Yalamu ni Kora. Alla sika mamwene ayo mwaara Esau, Oholibama mwaana a Ana, aayarilleeye. 19Nndda sika edduullu dda Esau oyottho aromolliwa wi Edomu navettho sika mamweniiwa.
Edduullu dda Seiri
(1 Epi 1.38-42)
20Anamwani aallopwana a Seiri Muhori, aneena a ellapweeyo, yaari Lotani, Shobala, Zibiyoni, Ana, 21Dishoni, Ezere ni Dishani. Alla sika mamwene a Ahori anamwani a Seiri mu ellapo ya Edomu.
22Anamwani a Lotani yaari Hori ni Hemani. Murokoriye a Lotani aari Timna.
23Anamwani a Shobala yaari Alivani, Manahati, Ebala, Shefo ni Onamu.
24Anamwani a Zibiyoni yaari Aya ni Ana. Olla sika Ana olle aaphwanyille aneetuutu ooviha mu echipululu, aachiheeye abulu a Zibiyoni, attiitthinnya. 25Anamwani a Ana yaari Dishoni mwanaye aamullopwana ni Oholibama mwanaye aamutthiyana. 26Anamwani a Dishoni yaari Hemudani, Eshibani, Itirani ni Kerani.
27Anamwani a Ezere yaari Bilihani, Zaavani ni Akani.
28Anamwani a Dishani yaari Uzi ni Arani.
29Mamwene a Ahori yaari Lotani, Shobala, Zibiyoni, Ana, 30Dishoni, Ezere ni Dishani. Alla sika mamwene a Ahori mu ellapo ya Seiri moollikana ni mallokwiiwa.
Mamwene o Edomu
(1 Epi 1.43-54)
31Aisraele ehinakhalle ni mwene, mamwene yalamulella mu ellapo ya Edomu tti 32Bela mwaana a Beori a o muzinda wa Dinihaba. 33Bela akhwille, Yobabu mwaana a Zera a o muzinda wa Bozira aavollowa omwene munipuroni mwaye. 34Yobabu akhwille, Hushamu a o Temani aavollowa omwene munipuroni mwaye. 35Hushamu akhwille, Hadadi mwaana a Bedadi a o muzinda wa Aviti aavollowa omwene munipuroni mwaye. Olliye ahaagonjiha Amidiyani o Mowabu. 36Hadadi akhwille, Samila a o muzinda wa Mashireka aavollowa omwene munipuroni mwaye. 37Samila akhwille, Shaulo a o muzinda wa Rehoboti a o muhinje wa Yufurate aavollowa omwene munipuroni mwaye. 38Shaulo akhwille, Baala Hanani mwaana a Akibori aavollowa omwene munipuroni mwaye. 39Baala Hanani akhwille, Hadari a o muzinda wa Pau aavollowa omwene munipuroni mwaye. Mwaariye aari Mehetabele mwaana a Matiredi mwaana aamutthiyana a Mezahabu.
40-43Nave manddina a mamwene oovenyera munibanjani na Esau moollikana ni mallokwiiwa ni echigawo ya nirive nlloko yaari Timna, Aliva, Yeteti, Oholibama, Ela, Pinoni, Kenazi, Temani Mibizara, Magadiele ni Iramu. Alla sika mamwene a Edomu apaalle wi Esau nikhollo na Aedomu.
Nke Ahọpụtara Ugbu A:
Genesis 36: MW2019
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Elhomwe © The Bible Society of Malawi, 2019.