Matej 1
1
E Isusesere preci
1Akavai o spisko oto preci e Isuse Hristesere kovai potomko e Davidesoro hem potomko e Avraamesoro.
2E Avraamese bijandilo o Isaak.
E Isaakese bijandilo o Jakov.
E Jakovese bijandilo o Juda hem lesere phralja.
3E Judase i Tamara bijanđa e Farese hem e Zare.
E Faresese bijandilo o Esrom.
E Esromese bijandilo o Aram.
4E Aramese bijandilo o Aminadav.
E Aminadavese bijandilo o Naason.
E Naasonese bijandilo o Salmon.
5E Salmonese i Rahava bijanđa e Vooze.
E Voozese i Ruta bijanđa e Jovide.
E Jovidese bijandilo o Jesej.
6E Jesejese bijandilo o caro o David.
E Davidese e Urijasiri bivšo romni bijanđa e Solomone.
7E Solomonese bijandilo o Rovoam.
E Rovoamese bijandilo o Avija.
E Avijase bijandilo o Asaf.
8E Asafese bijandilo o Josafat.
E Josafatese bijandilo o Joram.
E Joramese bijandilo o Ozija.
9E Ozijase bijandilo o Joatam.
E Joatamese bijandilo o Ahaz.
E Ahazese bijandilo o Ezekija.
10E Ezekijase bijandilo o Manasija.
E Manasijase bijandilo o Amos.
E Amosese bijandilo o Josija.
11E Josijase bijandilo o Jehonija hem lesere phralja kad o Vavilonci osvojinde i Judeja hem ćerde o Izraelci te džan ano Vavilon.
12Palo progonstvo ano Vavilon, e Jehonijase bijandilo o Salatiil.
E Salatiilese bijandilo o Zorovavel.
13E Zorovavelese bijandilo o Avijud.
E Avijudese bijandilo o Elijakim.
E Elijakimese bijandilo o Azor.
14E Azorese bijandilo o Sadok.
E Sadokese bijandilo o Ahim.
E Ahimese bijandilo o Elijud.
15E Elijudese bijandilo o Eleazar.
E Eleazarese bijandilo o Matan.
E Matanese bijandilo o Jakov.
16E Jakovese bijandilo o Josif, o rom e Marijakoro koja bijanđa e Isuse vičime Hrist.
17Adava značini dai ukupno dešuštar generacije taro Avraam đi o caro o David, dešuštar generacije taro David đi o progonstvo ano Vavilon hem dešuštar generacije taro progonstvo ano Vavilon đi o Hrist.
O Josif prihvatini e Isuse sar ple čhave
18Ače sar inele kad bijandilo o Isus o Hrist: Lesiri daj i Marija inele mangli e Josifese. Ali angleder so te len pe, dodžanđa da ačhili khamni oto Sveto Duho. 19Lakoro rom o Josif inele pravedno manuš, i adalese so na manglja te lađari la anglo manuša, čorale manglja te ačhaj la.
20I sar razmislini ine adalestar, zasuća. Ano suno alo lese o anđeo e Gospodesoro hem phenđa lese: “Josife, čhaveja e Davidesereja, ma dara te le e Marija romnjaće! Adalese so o Sveto Duho ćerđa la te akhari adale čhavore ano vođi. 21Oj ka bijani čhave hem tu ka de le anav Isus#1,21 anav Isus značini: “O Gospod spasini.” adalese so ka spasini ple narodo lengere grehendar.”
22Sa adava ulo sar te pherđol okova so o Gospod vaćerđa palo proroko:
23“Šunen! I čhaj ka ačhol khamni!
Ka bijani murše hem ka vičinen le Emanuel”
(so značini: “O Devel amencar”).
24Kad o Josif uštino oto sojba, ćerđa sar so phenđa lese o anđeo e Gospodesoro – lelja e Marija romnjaće. 25Na suća olaja sar romnjaja đikote na bijanđa e čhave. A tegani ov dinđa le anav Isus.
Nke Ahọpụtara Ugbu A:
Matej 1: RAB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye